P4171211 - Rexeneración e restauración forestal tras incendio (Especialidade en Incendios Forestais) - Curso 2013/2014

Información

• Créditos ECTS
• Créditos ECTS: 3.00
• Total: 3.0
• Horas ECTS
• Clase Expositiva: 9.00
• Clase Interactiva Laboratorio: 12.00
• Horas de Titorías: 3.00
• Total: 24.0

Outros Datos

• Tipo: Materia Ordinaria Máster RD 1393/2007
• Departamentos: Edafoloxía e Química Agrícola, Produción Vexetal, Botánica
• Áreas: Edafoloxía e Química Agrícola, Produción Vexetal, Botánica
• Centro: Escola Politécnica Superior
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
DIAZ VIZCAINO, ELVIRA ANTONIA.	NON
Mosquera Losada, María Rosa.	NON
Nuñez Delgado, Avelino.	NON

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	NON
Grupo /CLIL_01	Ordinario	Clase Interactiva Laboratorio	NON	NON
Grupo /TI-ECTS01	Ordinario	Horas de Titorías	NON	NON
Grupo /TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
- Que os alumnos adquiran as competencias necesarias para enfrontar e corrixir as alteracións que sofren os solos tras un incendio, e especialmente as relacionadas con actuacións rápidas para evitar arrastres contaminantes cara a masas de auga.

Proporcionarlle ao alumno os coñecementos relativos a:

- Estrutura e dinámica de comunidades vexetais tras incendio
- Estratexias rexenerativas de especies forestais en relación co lume
- Restauración de áreas incendiadas en relación coa rexeneración natural e o réxime de protección.

Contidos
Clases expositivas:

- Efectos dos incendios sobre os solos. Actuacións paliativas e correctoras de urxencia a acometer nos solos afectados por incendios. Actuacións correctoras con efectos a medio e longo prazo.

- Introdución. As comunidades vexetais afectadas por incendios forestais en España e en Galicia.
- Estrutura e dinámica de comunidades vexetais tras incendio. A rexeneración a curto e medio prazo da súa composición, estrutura e función.
- Estratexias rexenerativas das especies forestais en relación co lume. Especies rebrotadoras e xerminadoras. Tipos de especies rebrotadoras. Os bancos de sementes . As estratexias rexenerativas das especies forestais atlánticas.
-Criterios de restauración de zonas incendiadas. Planificación da restauración en relación coas características do lume, a capacidade de rexeneración natural e o rexime de protección da área incendiada. Sementeiras de emerxencia de herbáceas e/ou arbustivas. Medidas para a recuperación forestal e da biodiversidade . Avaliación e seguimento da restauración.

Clases interactivas:
1. Prácticas

Práctica: Rexeneración e restauración tras incendio forestal. Práctica de campo.
Práctica: Caracterización e avaliación do banco de sementes na rexeneración tras incendio forestal.

2. Seminarios
Seminario de presentación ye debate dos trabalos individuais realizados po los alumnos

Bibliografía básica e complementaria
- Utilizaranse publicacións recentes de revistas científicas especializadas, ademais de software específico, e ademais manuais máis xenéricos e clásicos, como por exemplo:
Morgan R.P.C. (1997). Erosión y conservación del suelo. MundiPrensa, Madrid.
Hudson N. (1982). Conservación del suelo. Reverte, Barcelona.


BROWER, J. E., ZAR, J. H. Y VON ENDE, C. N. (1997): Field and Laboratory Methods for General Ecology, 4ª ed. McGraw-Hill.

Elvira L.M. y Hernando C. (1989): Inflamabilidad y energíade las especies de sotobosque, INIA, Madrid.

Vallejo R. (1996): La restauración de la cubierta vegetal en la Comunidad Valenciana, Fundación Centro deEstudios Ambientales del Mediterráneo (CEAM).

WWF/Adena (2008): Criterios de restauración de zonas incendiadas. ,WWF/Adena, Madrid.

Competencias
- Coñecemento de técnicas e procedementos para enfrontar e corrixir as alteracións que sofren os solos tras un incendio. Coñecemento de ferramentas informáticas de simulación aplicables a esta temática.

O alumno deberá adquirir a capacidade de comprender os efectos do lume sobre a dinámica das comunidades vexetais, que lle servirán de base para establecer as labores de protección e restauración posteriores.
Ademais, deberá adquirir unha formación completa sobre os procesos de rexeneración esperables tras incendios de diferentes características, así como das actuacións necesarias de restauración a acometer, tanto a curto como a medio prazo, no caso de que a recuperación natural non sexa suficientemente rápida.

Metodoloxía da ensinanza
- Sesións expositivas centradas en contidos teóricos, e sesións de carácter práctico. Á parte das sesións presenciais contarase con comunicacións por vía telemática.

Clases expositivas:

Impartiranse 12 horas de clases expositivas de asistencia obrigatoria.

Clases interactivas:
Impartiranse 12 horas de docencia interactiva.
1. Clases prácticas. Desenvolveranse no campo , laboratorio e/ou aula de informática. A asistencia é obrigatoria, e o alumno elaborará un informe de cada unha delas axustado ao protocolo proposto polo profesor.

2. Seminarios. O profesor encargará a elaboración dun traballo individual sobre os contidos da materia, titorizando a súa elaboración. Cada alumno presentará o tema ao profesor por escrito e mediante presentación oral na aula seminario, debatendo co profesor e cos compañeiros as cuestións e comentarios relacionados co mesmo.

Tanto as clases de teoría como prácticas estarán apoiadas polo material elaborado para a USC Virtual.


Sistema de evaluación
- Exames sobre contidos teóricos. Informes acerca de traballos prácticos. Eventualmente, traballos adicionais que se poderían acordar cos profesores.

Criterios de avaliación:

• Teoría: exame oficial de teoría, escrito.
• Prácticas: asistencia obrigatoria e presentación do informe de clases prácticas.
• Traballo. Realización, presentación, exposición e debate dun traballo individual.
Para superar a materia, é preciso superar as tres partes, teoría , prácticas e traballo.
Na avaliación final a docencia expositiva pode acadar ata un 60%, e a interactiva ata un 40% (25% prácticas, 15% traballo).

Tempo de estudo e traballo persoal
- O habitual para este tipo de ensino.

Horas presenciais

Clases expositivas: 12 horas.
Clases interactivas: 12 horas distribuídas en 10 h de prácticas de campo e laboratorio e 2 horas de seminario.
Actividades de avaliación: 2 horas
Outras actividades (traballo en grupo,...):4 horas
Total horas presenciais: 30 horas

Traballo persoal do alumno

Lectura e preparación de temas: 20 horas
Realización de exercicios: 5 horas
Preparación previa e elaboración do informe de prácticas : 6 horas
Elaboración do traballo: 8 horas
Preparación de probas de avaliación: 6 horas

Total horas non presenciais: 45 horas

Total Horas de Traballo do alumno = 75 horas

Recomendacións para o estudo da materia
- Seguimento das indicacións dos profesores, tanto as difundidas nas sesións presenciais coma as correspondentes ás sesións ou aulas virtuais.

-Aconséllase ó alumno a revisión previa dos temas nos libros recomendados e/ou na USC Virtual, así como a súa impresión en papel para facilitar a compresión da lección maxistral e realizar as súas anotacións persoais.

Tamén se aconsella o estudio diario, para poder integrar axeitadamente os contidos da materia.