P4171218 - Modelos de producións non madereiras (Especialidade en Modelos para a Xestión Forestal) - Curso 2013/2014

Información

• Créditos ECTS
• Créditos ECTS: 3.00
• Total: 3.0
• Horas ECTS
• Clase Expositiva: 9.00
• Clase Interactiva Laboratorio: 12.00
• Horas de Titorías: 3.00
• Total: 24.0

Outros Datos

• Tipo: Materia Ordinaria Máster RD 1393/2007
• Departamentos: Produción Vexetal
• Áreas: Produción Vexetal
• Centro: Escola Politécnica Superior
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
GONZALEZ HERNANDEZ, MARIA DEL PILAR.	NON
GONZALEZ HERNANDEZ, MARIA DEL PILAR.	NON
Mosquera Losada, María Rosa.	SI
Mosquera Losada, María Rosa.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	NON
Grupo /CLIL_01	Ordinario	Clase Interactiva Laboratorio	NON	NON
Grupo /TI-ECTS01	Ordinario	Horas de Titorías	NON	NON
Grupo /TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
Ser capaces de validar modelos e adaptar os existentes a condicións diferentes ás da súa construción.

Adquirir unha formación completa sobre as distintas técnicas e metodoloxías de estimación
das producións non madeireiras en montes do ámbito atlántico español, con énfase nas interaccións entre sotobosque e arboledo, como base para a xestión de matogueiras e sistemas agroforestais

Ser capaces de seleccionar as metodoloxías e utilizar as ferramentas adecuadas para o desenvolvemento de modelos que simulen o crecemento e a evolución de ecosistemas forestais.

Contidos
Modelos de interacción arborado-sotobosque.

Aspectos produtivos.

Efectos da xestión selvícola sobre a composición e estrutura do sotobosque.

Optimización da composición do sotobosque e do desenvolvemento forestal.

Dinámica da recuperación do sotobosque tras as alteracións.

Modelos para a produción de produtos non madereiros.

Bibliografía básica e complementaria
Informarase o alumnado de diversas obras sobre os contidos da materia presentes na biblioteca Intercentros do Campus de Lugo referentes a modelos de sistemas agroforestais e de producións non madeireiras (Modelling of agroforestry and non timber forest products). Tamén se utilizarán bases de datos bibliográficas e páxinas web específicas de modelos de producións non madeireiras.
Competencias
COMPETENCIAS BÁSICAS
Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.

Saber aplicar os coñecementos adquiridos e a súa capacidade de resolución de problemas en contornas novas ou pouco coñecidos, dentro de contextos máis amplos (ou multidisciplinares) relacionados coa súa área de estudo.

Ser capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.

Saber comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.

Posuír as habilidades de aprendizaxe que permitan continuar estudando dun modo que haberá de ser en gran medida autodirigido ou autónomo.

Adquirir coñecementos avanzados e demostrado, nun contexto de investigación científica e tecnolóxica ou altamente especializado, unha comprensión detallada e fundamentada dos aspectos teóricos e prácticos e da metodoloxía de traballo nun ou máis campos de estudo.

Saber aplicar e integrar os seus coñecementos, a comprensión destes, a súa fundamentación científica e as súas capacidades de resolución de problemas en contornas novas e definidas de forma imprecisa, incluíndo contextos de carácter multidisciplinar tanto investigadores como profesionais altamente especializados.

Saber avaliar e seleccionar a teoría científica adecuada e a metodoloxía precisa dos seus campos de estudo para formular xuízos a partir de información incompleta ou limitada incluíndo, cando sexa preciso e pertinente, unha reflexión sobre a responsabilidade social ou ética ligada á solución que se propoña en cada caso.

Ser capaces de predicir e controlar a evolución de situacións complexas mediante o desenvolvemento de novas e innovadoras metodoloxías de traballo adaptadas ao ámbito científico/investigador, tecnolóxico ou profesional concreto, en xeral multidisciplinar, no que se desenvolva a súa actividade.

Saber transmitir dun modo claro e sen ambigüidades a un público especializado ou non, resultados procedentes da investigación científica e tecnolóxica ou do ámbito da innovación máis avanzada, así como os fundamentos máis relevantes sobre os que se sustentan.

COMPETENCIAS TRANSVERSAIS

Capacidade de análise e síntese.
Capacidade para o razoamento e a argumentación.
Capacidade de traballo individual, con actitude autocrítica.
Capacidade para traballar en grupo e abarcar situacións problemáticas de forma
colectiva.
Capacidade para obter información adecuada, diversa e actualizada.
Capacidade para elaborar e presentar un texto organizado e comprensible.
Capacidade para realizar unha exposición en público de forma clara, concisa e
coherente.
Compromiso de veracidade da información que ofrece aos demais.
Habilidade no manexo de tecnoloxías da información e da comunicación (TIC).
Utilización de información bibliográfica e de Internet.
Utilización de información en lingua estranxeira.
Capacidade para resolver problemas mediante a aplicación integrada dos seus
coñecementos.

Metodoloxía da ensinanza
O número total de horas de traballo do alumnado é igual ao número de créditos que teña a materia por 25, por tanto un total de 75 horas de traballo. As clases de teoría, expositivas e de carácter maxistral, desenvolveranse na aula por parte do profesorado, axudado dos medios materiais que considere oportunos.

A docencia en aulas de informática e as prácticas, realizadas en grupos reducidos de 20 alumnos e de carácter interactivo, serán actividades complementarias que poderán ser impartidas polo profesorado ou ser o marco para que os estudantes expoñan os seus traballos diante dos seus compañeiros, establecendo se fose o caso os correspondentes debates, baixo a supervisión do profesorado. Estas actividades permitirán ao alumnado a adquisición de habilidades e a posta a piques dos coñecementos adquiridos a través do traballo persoal e das clases de teoría.

Así mesmo, nas tutorías atenderase ao alumnado para discutir, comentar, aclarar ou resolver cuestións concretas en relación coas súas tarefas dentro da materia (recompilación de información, preparación de probas de avaliación, traballos...).

As actividades de ensino/aprendizaxe apoiaranse en boa medida no Campus Virtual da USC que, xestionado polo Centro de Tecnoloxías para a Aprendizaxe (CeTA) da Universidade, ofrece recursos docentes en Internet e un soporte para cursos virtuais que se utiliza como recurso de apoio á docencia.

A metodoloxía docente basearase nos seguintes métodos docentes: leccións maxistrais participativas, realización de presentacións mediante computador, elaboración e presentación de traballo/s de curso, utilización da aula virtual (para achegar documentación, desenvolver actividades en liña e como medio de comunicación profesores/alumnos), aprendizaxe baseada na resolución de casos prácticos e en proxectos, tutorías individualizadas e colectivas, traballo autónomo e estudo independente dos alumnos, traballo en grupo e aprendizaxe cooperativa, avaliación de competencias mediante exercicios de control, sesión/é de discusión activa, prácticas de aula informática.

A asistencia ás clases presenciais son de carácter obrigatorio.
Sistema de evaluación
A aprendizaxe a través dos créditos ECTS e a adquisición das competencias asociadas axustarase a unha avaliación continuada, que debe contribuír de forma decisiva a estimular ao alumnado a seguir o proceso e a involucrarse cada vez máis na súa propia formación.


O sistema de avaliación será por avaliación continua e/ou por probas ou traballos. A asistencia ás clases presenciais son obrigatorias (polo menos ao 80 % das mesmas).

Terase en conta para a cualificación final da materia os seguintes aspectos co seu peso correspondente (en %) na nota final:

1) Asistencia (10%)
2) Superación de probas, orais e/ou escritas (60%)
3) Traballos entregados e/ou expostos (10%)
4) Aproveitamento das prácticas (10%)
5) Participación do alumnado nas actividades da aula (10%).

Os estudantes terán dereito a dúas convocatorias de exames en cada curso académico nos prazos que se indiquen na programación académica.
Tempo de estudo e traballo persoal
Estímase nunhas 45 horas adicionais ás horas presenciais.
Recomendacións para o estudo da materia
Recoméndase unha dedicación diaria e continua ao traballo que se realiza de forma presencial. Para calquera dúbida conceptual ou de aplicación dos coñecementos é importante que o alumno/a acuda ás tutorías correspondentes a disposición do alumnado.
Observacións
É recomendable que o alumnado teña capacidade para ler en inglés e que teña coñecementos en botánica forestal, silvicultura e pascicultura.