G4011222 - Algoritmos e Estruturas de Datos (Programación) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 20.00
• Clase Interactiva Laboratorio: 30.00
• Horas de Titorías: 1.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Electrónica e Computación
• Áreas: Ciencia da Computación e Intelixencia Artificial
• Centro: Escola Técnica Superior de Enxeñaría
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
Cariñena Amigo, María Purificación.	SI
CARREIRA NOUCHE, MARIA JOSE.	NON
Felix Lamas, Paulo.	NON

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIL_01	Ordinario	Clase Interactiva Laboratorio	SI	SI
Grupo CLIL_02	Ordinario	Clase Interactiva Laboratorio	SI	SI
Grupo CLIL_03	Ordinario	Clase Interactiva Laboratorio	SI	SI
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON
Grupo TI-ECTS03	Ordinario	Horas de Titorías	NON	NON
Grupo TI-ECTS04	Ordinario	Horas de Titorías	NON	NON
Grupo TI-ECTS05	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
O obxectivo de formación desta materia é desenvolver as destrezas necesarias para que o estudante saiba analizar a complexidade computacional dun determinado algoritmo, así como desenvolver as capacidades necesarias para escoller a combinación de estruturas de datos e estratexia de resolución máis apropiada para resolver de modo eficiente (en termos de recursos espaciais e temporais) un determinado problema. Ademais, esta materia completa a formación do estudante en estruturas de datos ao presentar as estruturas de datos non lineais e a súa utilización para representar e resolver problemas de entidade.

Contidos
Tema 1. Resolución de problemas: algoritmos+estruturas de datos

Tema 2. Estruturas de datos non lineais: Árbores
* Conceptos básicos e propiedades
* Árbores de busca
* Árbores de busca equilibrados
* Aplicacións

Tema 3. Estruturas de datos non lineais: Grafos
* Conceptos básicos e propiedades
* Algoritmos fundamentais con grafos
* Aplicacións

Tema 4. Táboas hash

Tema 5. Estratexias algorítmicas
* Divide e vencerás
* Algoritmos voraces
* Programación dinámica
* Volta atrás
* Ramificación e poda

Bibliografía básica e complementaria
Bibliografía Básica:

G.L. Heileman. Estructuras de Datos, Algoritmos y Programación Orientada a Objetos. McGraw-Hill, 1998.
L. Joyanes, I. Zahonero. Algoritmos y Estructuras de Datos: Una perspectiva en C. McGraw-Hill, 2004.

L. Joyanes, I. Zahonero, M. Fernández, L. Sánchez. Estructura de Datos. Libro de Problemas. McGraw-Hill, 1999.

Bibliografía Complementaria:

B. Bowman. Algorittmos y Estructuras de Datos. Aproximación en C. Oxford, 1999.

O. Cairó, S. Guardati. Estructuras de Datos. McGraw-Hill, 2006.

N. Martí Oliet, Y. Ortega Mallén, J.A. Verdejo López: Estructuras de Datos y Métodos Algorítmicos. Ejercicios resueltos. Pearson Prentice-Hall, 2004.
Competencias
A materia contribúe a alcanzar as seguintes competencias, recollidas na memoria do título de Grao en Enxeñaría Informática da USC para o Módulo de Programación:

- Desenvolver programas cun bo estilo de programación, coa documentación necesaria e os comentarios adecuados.
- Saber calcular a complexidade computacional dun algoritmo e avaliar a implementación máis adecuada dun algoritmo determinado de acordo cos recursos dispoñibles (memoria e tempo de execución).
- Utilizar ferramentas de edición, compilación, e execución para desenvolver programas. Capacidade para aplicar estratexias de depuración, proba e corrección de programas.
- Escoller a estrutura de datos máis correcta e eficiente para resolver un problema.
- Manexar diferentes niveis de abstracción para estruturar o software a desenvolver.
- Deseñar algoritmos dunha certa complexidade e implementarlos aplicando os principios da programación estruturada e modular.
- Comprensión de conceptos relacionados co desenvolvemento de algoritmos.
- Manexo de xestores de erros, xestión de excepcións e tolerancia a fallos.
- Uso de repositorios de software.
- Motivación e capacidade de autoaprendizaxe.
- Autoestima e espírito de superación.

Ademais, contribúese ao desenvolvemento das competencias xerais e específicas recollidas nas correspondentes táboas na mencionada memoria do título:

* Competencias xerais:
CG1: Capacidade para desenvolver proxectos no ámbito da enxeñaría en informática que teñan por obxecto, de acordo cos coñecementos adquiridos, a concepción, o desenvolvemento ou a explotación de sistemas, servizos e aplicacións informáticas.
CG3: Capacidade para deseñar, desenvolver, avaliar e asegurar a usabilidade dos sistemas, servizos e aplicacións informáticas, así como da información que xestionan.
CG8: Coñecemento das materias básicas e tecnoloxías, que capaciten para a aprendizaxe e desenvolvemento de novos métodos e tecnoloxías, así como as que lles doten dunha gran versatilidade para adaptarse a novas situacións.
CG9: Capacidade para resolver problemas con iniciativa, toma de decisións, autonomía e creatividade. Capacidade para saber comunicar e transmitir os coñecementos, habilidades e destrezas da profesión de Enxeñeiro Técnico en Informática.

* Competencias transversais:
TR1 (Instrumentais): Capacidade de análise e síntese. Capacidade de organización e planificación. Comunicación oral e escrita. Capacidade de xestión da información. Resolución de problemas. Toma de decisións.
TR2 (Persoais): Traballo en equipo. Habilidades nas relacións interpersoais. Razoamento crítico.
TR3 (Sistémicas): Aprendizaxe autónoma. Adaptación a novas situacións. Creatividade. Iniciativa. Motivación pola calidade.

* Formación Básica
FB3: Capacidade para comprender e dominar os conceptos básicos de algorítmica e complexidade computacional, e a súa aplicación para a resolución de problemas propios da enxeñaría.
FB4: Coñecementos básicos do uso e programación dos computadores.
FB5: Coñecemento dos fundamentos da programación dos sistemas informáticos, e a súa aplicación para a resolución de problemas propios da enxeñaría.

* Comúns á rama da Informática
RI6: Coñecemento e aplicación dos procedementos algorítmicos básicos das tecnoloxías informáticas para deseñar solucións a problemas, analizando a idoneidade e complexidade dos algoritmos propostos.
RI7: Coñecemento, deseño e utilización de forma eficiente dos tipos e estruturas de datos máis adecuados á resolución dun problema.

Metodoloxía da ensinanza
A metodoloxía seguida usa como plataforma básica o Campus Virtual da USC. Na aula virtual da materia o alumno disporá de toda a información (material de teoría, transparencias de clase, guións de prácticas, bibliotecas de TADs, etc.).
Impartiranse 20 horas de clases maxistrais en sesións de 1 hora, e haberá unha sesión semanal de dúas horas e media de traballo práctico (resolución de problemas, programación).
O alumno poderá en todo momento seguir a súa progresión, ao ter dispoñibles continuamente as notas dos exercicios e proxectos que teñan que entregar para seguir o modelo de avaliación continua.

Sistema de evaluación
A avaliación consta de dúas partes individuais separadas, teoría e práctica, sendo necesario superar ambas as partes independentemente.

A parte práctica da materia avaliarase mediante un proceso de AVALIACIÓN CONTINUA:
-50% da nota global: entrega de proxectos prácticos durante o cuadrimestre, con prazos e normas de entrega/corrección prefixadas polos profesores.

A parte teórica (50% da nota global) avaliarase en dúas partes:
-15% da nota: Entrega de exercicios ao longo do cuadrimestre.
-35% da nota: Exame global ao final do cuadrimestre

A entrega dalgún traballo (proxecto ou exercicio) con posterioridade ao 1 de novembro levará asociada a consideración de PRESENTADO na cualificación da materia, independentemente da asistencia ou non ao exame final.

RECUPERACIÓN (XULLO):
Poderán realizar este exame aqueles alumnos que non superasen algunha das partes na avaliación continua, ou os que opten directamente por esta opción.
- Teoría (50% da nota final): exercicio escrito.
- Práctica (50% da nota final): elaboración dun proxecto.

En aplicación da normativa de autoría de traballos prácticos aprobada pola Xunta da ETSE (01/03/2012), a copia total ou parcial de algún exercicio de prácticas ou teoría suporá o suspenso nas dúas oportunidades do curso, coa cualificación de 0,0 en ambos casos.

Para os alumnos repetidores: Mantéñense unicamente os resultados da avaliación teórica ou práctica que se teña superado (nota superior a 5) no curso inmediatamente anterior. Noutro caso, terá que repetirse a materia completa

Una vez que a materia perde o dereito a docencia a avaliación realizarase mediante un exame escrito (50% da nota final) e a entrega dun proxecto (50% da nota final), do mesmo xeito que na oportunidade de recuperación.

Tempo de estudo e traballo persoal
TRABALLO PRESENCIAL NA AULA:
Clases maxistrais: 20 horas
Aprendizaxe baseada en problemas e/ou casos en grupos reducidos: 15 horas
Sesións prácticas en grupos reducidos: 15 horas
Titorías en grupos moi reducidos: 1 hora
Actividades de avaliación: 5 horas
Total horas traballo presencial na aula: 56 horas

TRABALLO PERSOAL DO ALUMNO:
Esta materia ten 6 créditos ECTS, correspondendo unha carga de traballo persoal para os alumnos de 90 horas. Este tempo pode desagregarse nos seguintes apartados:
* Estudo autónomo: 30 horas
* Escritura de exercicios, traballos, etc.: 15 horas
* Programación/experimentación en computador: 30 horas
* Avaliación de traballos, proxectos, exames: 15 horas


Recomendacións para o estudo da materia
Supóñense uns coñecementos suficientes de linguaxe de programación C e dos fundamentos de grafos, que ven, respectivamente, nas materias de Programación I e II, e en Matemática Discreta de primeiro curso.
Recoméndase seguir o modelo de avaliación continua, o que significa levar a materia ao día. Desta forma seguiranse con maior facilidade as clases teóricas e as clases prácticas, o que fai a materia máis levadía.
Tamén se recomenda encarecidamente o uso das horas de titorías para aclarar calquera dúbida que se poida presentar no desenvolvemento da materia.