G4011225 - Programación Orientada a Obxetos (Programación) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 20.00
• Clase Interactiva Laboratorio: 30.00
• Horas de Titorías: 1.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Electrónica e Computación
• Áreas: Ciencia da Computación e Intelixencia Artificial
• Centro: Escola Técnica Superior de Enxeñaría
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
LAMA PENIN, MANUEL.	SI
VIDAL AGUIAR, JUAN CARLOS.	NON

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIL_01	Ordinario	Clase Interactiva Laboratorio	SI	SI
Grupo CLIL_02	Ordinario	Clase Interactiva Laboratorio	SI	SI
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON
Grupo TI-ECTS03	Ordinario	Horas de Titorías	NON	NON
Grupo TI-ECTS04	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
O obxectivo da materia é formar o alumno nos conceptos da Programación Orientada a Obxectos, facendo especial énfase nos seus aspectos máis prácticos. Isto supón que á finalización do curso o alumno estará plenamente capacitado para desenvolver un programa seguindo o paradigma orientado a obxectos como alternativa á programación procedemental. Para iso introducirase ó alumno na linguaxe de programación máis amplamente usada na actualidade: Java.
Contidos
TEORÍA
Tema 1. Introducción á Programación Orientada a Obxectos
Tema 2. Abstracción de tipos: Clases e obxectos
Tema 3. Estructuras de datos e almacenamento de obxectos
Tema 4. Herdanza de clases: Reutilización
Tema 5. Polimorfismo
Tema 6. Excepcións: Xestión de erros
Tema 7. Interfaces gráficas

PRÁCTICAS
Boletín. Implementación de clases
* Concepto de obxecto e instancia
* Uso e manexo de conxuntos de datos
* Encapsulación
* Sobrecarga de métodos
Proxecto: Parte 1
* Creación das clases do proxecto
* Sobrecarga de métodos e constructores
Proxecto: Parte 2
* Implementar parcialmente a funcionalidade do proxecto
* Uso de entrada/saída a través de ficheiros
Proxecto: Parte 3
* Completar as funcionalidades do proxecto
* Uso e implementación de interfaces
* Uso de excepcións para tratamento de erros en execución
Proxecto: Parte 4
* Xerarquías de clases e polimorfismo de métodos
* Uso de clases abstractas para reutilización
* Uso de clases e métodos finais
* Herdanza de excepcións
Proxecto: Parte 5
* Interfaces gráficas
* Uso de herdanza e interfaces en aplicacións gráficas
* Tratamento de eventos de usuario
Bibliografía básica e complementaria
BIBLIOGRAFÍA BÁSICA (por orden de prioridade)

1. Bruce Eckel. PIENSA EN JAVA. Cuarta edición. Editorial: Prentice Hall. 2007.
[Sig.: A310 2, Escola de Enxeñería]

2. Harvery M. Deitel y Paul J. Deitel. CÓMO PROGRAMAR EN JAVA. Quinta edición. Editorial: Pearson Educación. 2004.
[Sig.: A310 1 1, Escola de Enxeñería]


BIBLIOGRAFÍA COMPLEMENTARIA

3. James P. Cohoon y Jack W. Davidson. PROGRAMACIÓN EN JAVA 5.0. Editorial: McGraw-Hill. 2006.
[Sig.: 3 C60 162, Fac. Física]

4. Luis Joyanes Aguilar e Ignacio Zahonero Martínez. PROGRAMACIÓN EN JAVA 2: ALGORITMOS, ESTRUCTURAS DE DATOS Y PROGRAMACIÓN ORIENTADA A OBJETOS. Editorial: MgGraw-Hill. 2002.
[Sig.: C60 406, Fac. Física]

5. Marc Loy, Robert Eckstein, David Wood, James Elliot y Brian Cole. JAVA SWING. Segunda edición. Editorial: O'Reilly Corporation. 2002.
[Sig.: A310 5, Escola de Enxeñería]
Competencias
O alumno adquirirá un conxunto de competencias específicas da programación orientada a obxectos, pero tamén una serie de competencias xenéricas a calquera desenvolvemento dun programa software e, finalmente, unhas competencias transversais que inciden nas habilidades personais do alumno e no xeito no que se relaciona con demais alumnos. Tendo isto en conta, as competencias son as seguintes:


COMPETENCIAS ESPECÍFICAS

* Coñecementos básicos no uso e programación de ordenadores (FB4), concretamente na creación de programas seguindo o paradigma orientado a obxectos.

* Coñecemento e utilización de xeito eficiente dos tipos e estructuras de datos máis axeitados para a resolución dun problema (RI7). Esta competencia é intrínseca do paradigma orientado a obxectos, na medida en que a construcción dos programas comeza modelando as estructuras de datos que permiten modelar o problema.

* Capacidade para analizar, construír e manter aplicacións de forma robusta e eficiente, elexindo o paradigma e as linguaxes de programación máis axeitadas (RI8). Esta é unha das principais competencias que o alumno debería adquirir, dado que á conclusión do curso o alumno deberá poder decidir correctamente qué paradigma de programación aplicar en función das características do problema.


COMPETENCIAS XENÉRICAS

* Capacidade para concebir e desenvolver aplicacións informática empregando métodos da enxeñaría do software (CG5). Esta competencia é inherente á materia de programación orientada a obxectos, dado que o obxectivo dela consiste en desenvolver programas usando as características específicas desde tipo de paradigma.

* Capacidade para resolver problemas con iniciativa, toma de decisións, autonomía e creatividade (CG9). O alumno deberá desenvolver esta competencia na resolución dos exercicios que compoñen os boletíns, onde será preciso que decida qué estructuras de datos aplicar e cómo implementar a solución tendo en conta as características da programación orientada a obxectos.


COMPETENCIAS TRANSVERSAIS

* Capacidade de análise e síntese para a resolución de problemas (TR1). O alumno deberá desenvolver esta competencia para poder realizar os exercicios prácticos nos que se proban as características da programación orientada a obxectos.

* Traballo en equipo e habilidades nas relacións interpersonais (TR2). Esta competencia desenvolverase na resolución do último exercicio dos boletíns, que deberá realizarse en parella con outro alumno e onde será necesario explotar as habilidades de interacción entre persoas.

* Aprendizaxe autónomo e adaptación a novas situacións (TR3). Na resolución dos exercicios fóra das sesións de prácticas e no entendemento dos conceptos de programación orientada a obxectos será preciso desenvolver este tipo de competencias.


COMPETENCIAS DE MÓDULO

* Manexar diferentes niveis de abstracción para estruturar o software a desenvolver.

* Programar baixo a paradigma da programación orientada a obxectos.

* Identificar posibles estratexias de solución a problemas cos conceptos propios da orientación a obxectos, como o uso da xerarquía, o polimorfismo e a utilización de interfaces de obxectos.

* Coñecer diferentes paradigmas de programación e saber elixir o máis apropiado a cada situación.
Metodoloxía da ensinanza
A metodoloxía da ensinanza está dirixida a focalizar a materia sobre os aspectos prácticos da programación e sobre os conceptos que diferencian ó paradigma orientado a obxectos doutras aproximacións. O alumno debe estar capacitado, polo tanto, para entender as vantaxes do enfoque orientado a obxectos e para desenvolver un programa con solvencia seguindo este paradigma de programación. Tendo isto en conta, distínguense tres tipos de actividades de aprendizaxe: clases maxistrais, sesións en grupos reducidos, e titorías en grupos reducidos. Así:

(1) As clases maxistrais (20 horas) están dirixidas a explicar as características da programación orientada a obxectos (herdanza, polimorfismo, etc.), facendo especial énfase nas diferencias co paradigma de programación procedural e ilustrando con exemplos as situacións nas cales o enfoque orientado a obxectos é máis axeitado. Para explicar estas características farase uso de exemplos sobre a linguaxe de programación Java, ainda que nas clases maxistrais non se pretende detallar todos os aspectos da linguaxe: o seu uso está orientado a ilustrar os conceptos do paradigma de programación.

(2) As sesións prácticas en grupos reducidos (30 horas) están dirixidas a que o alumno adquira destreza na implementación de programas seguindo o paradigma orientado a obxectos. Por elo é importante que nestas prácticas se realice un conxunto suficientemente extenso de exercicios de programación nos que se faga uso das características da programación orientada a obxectos desde o prisma da linguaxe Java. Para elo os alumnos deberan realizar tres boletíns compostos á súa vez dun conxunto de exercicios nos que se irán vendo o xeito de construír programas orientados a obxectos e cómo facer uso das características do paradigma. A asistencia a estas clases por parte do alumnos é OBRIGATORIA.
Sistema de evaluación
A avaliación da materia terá lugar de dous xeitos diferentes, aínda que complementarios, que pretenden avaliar a competencia do alumno na realización práctica de programas e o dominio do paradigma orientado a obxectos. Por outra parte, distinguirase entre a avaliación do cuatrimestre (Febreiro) e a do exame extraordinario (Xullo):

AVALIACIÓN DE FEBREIRO

(1) Exame no que o alumno demostrará o dominio dos aspectos teóricos da programación orientada a obxectos como alternativa á programación procedemental, e daquelas características de Java que inciden sobre este tipo de programación. Este exame constituirá o 50% da nota final da materia, e consistirá de dúas partes que o alumno deberá aprobar por separado para superar a parte teórica da asignatura:

1.(a) Na primeira parte o alumno deberá respostar a un conxunto de preguntas curtas sobre as características da programación orientada a obxectos e da linguaxe Java. Esta parte constituirá o 50% da nota de teoría.

1.(b) Na segunda parte o alumno deberá realizar a programación dun conxunto de problemas que focalizarán sobre aqueles aspectos da programación que non foron tratados en profundidade nos exercicios da parte práctica da asignatura. Esta parte constituirá o outro 50% da nota de teoría.

(2) Realización de tres boletíns compostos por un conxunto de exercicios nos que o alumno demostrará de xeito práctico o dominio da linguaxe de programación Java e dos conceptos da programación orientada a obxectos. Esta parte constituirá o 50% da nota final da materia e terá un primeiro boletín que será realizado polo alumno de xeito individual, e outros tres boletins que se corresponderán co desenvolvemento dun proxecto e que serán realizados en parella por mor de reducir a carga de traballo e para que os alumnos poidan discutir sobre as decisións de deseño e implementación. Tanto no primeiro boletín coma no proxecto, o alumno deberá entregar unha pequena memoria onde explique as decisións de programación tomadas en cada caso. Estes catro boletíns serán os seguintes:

2.(a) No primeiro boletín realizarase un conxunto de exercicios que teñen como obxectivo que o alumno entenda o concepto de obxecto e o de instancia, e que adquira a destreza na programación de clases con métodos sobrecargados (polimorfismo) e con atributos que teñan calquera tipo. O último exercicio do boletín implicará a combinación de clases coas que se modela un problema dado. Esta parte constituirá o 15% da nota práctica.

2.(b) Proxecto: Parte 1 e 2. Nas dúas primeiras partes do proxecto os alumnos crearán o conxunto de clases coas que se modelarán os conceptos que describen as principais entidades do proxecto. Así, especificaranse os atributos de cada clase, e implementaranse tanto os construtores, nos que se dan valores iniciais a ditos atributos, como parte dos métodos, que proporcionan a funcionalidade do proxecto. Dende o punto de vista teórico, nesta parte o alumno traballará fundamentalmente sobre o concepto de encapsulación e de sobrecarga de métodos. Esta parte constituirá o 30% da nota práctica.

2.(c) Proxecto: Parte 3. Na segunda parte do proxecto os alumnos completarán as funcionalidades do proxecto que non foron implementadas na parte 1 e 2 do proxecto, e ademais incorporarán tanto as interfaces, que independizan a implementación das clases, como as excepcións, que tratan os erros que teñen lugar durante a execución do programa. Esta parte constituirá o 25% da nota práctica.

2.(d) Proxecto: Parte 4. Na última parte do proxecto o alumno desenvolverá xerarquías de clases seguindo os requisitos indicados no proxecto, incorporando o polimorfismo como elemento clave á hora de favorecer a reutilización de código. Ademais, nesta parte tamén se estenderá o uso da xerarquía ás excepcións implementadas na parte 3. Esta parte do proxecto constituirá o 30% da nota práctica.

Como boletín opcional presentarase ó alumno a implementación dunha interfaz gráfica. Isto xustifícase en que o desenvolvemento de interfaces gráficas é un elemento central da linguaxe Java e que ademais nese desenvolvemento faise uso intensivo de todas as características da programación orientada a obxectos. Este boletín poderá supoñer un incremento adicional do 15% da nota da parte práctica, ata o límite de que dito incremento supere a nota máxima de 10. Este boletín realizarase integramente de xeito individual.

Para aprobar a parte práctica da asignatura será necesario superar tanto o primeiro boletín como o proxecto. Ademais, a avaliación da parte práctica será continua, o que significa que o alumno, por unha parte, deberá ir presentando os exercicios ó longo do cuadrimestre; e, por outra, deberá ir superando cada un dos catro boletíns a medida que se van plantexando ó longo do curso.

Por outra banda, se un alumno entregou a metade dos exercicios do primeiro boletín de prácticas considerarase como presentado na materia. Este número coincide coa primeira entrega de exercicios dos boletíns que ha de cumprir o alumno.

Por último, a copia parcial ou total dunha clase ou dun método dalgún dos exercicios dos tres boletíns propostos significará o suspenso de toda a asignatura.

AVALIACIÓN DE XULLO

Os criterios de avaliación das partes de teoría e práctica na convocatoria de Xullo serán exactamente os mesmos que para Febreiro. Xa que logo, ademais de superar os dous exames da parte de teoría e os boletíns de exercicios, para poder superar a materia será necesario que o alumno asista ás sesións prácticas interactivas (cos criterios de asistencia indicados máis abaixo) e que na avaliación de Febreiro entregue polo menos o primeiro boletín de exercicios. Nesta avaliación, ademais, todos os exercicios dos boletíns teranse que realizar de forma individual.

CONTROL DE ASISTENCIA

Tal e como se comentou anteriormente, a asistencia ás sesións prácticas interactivas é obrigatoria, e o control desta asistencia realizarase a través de follas de firmas que os alumnos deberán cubrir á finalización de cada unha das sesións. Ademais, se un alumno asiste a menos do 80% das sesións prácticas interactivas considerarase que non superou a materia; mentres que se asiste polo menos ó 95% e ó 100% das sesións prácticas interactivas terá 0.1 e 0.2 puntos adicionais na nota final da materia, respectivamente (sempre que non supere a puntuación de 10).
Tempo de estudo e traballo persoal
Tal e como se indicou anteriormente, a asistencia ás sesións de prácticas é obrigatoria, e ademais esa participación debería ser activa para así aproveitar axeitadamente o tempo. Ademais disto o alumno precisará un tempo adicional para traballar nos seguintes aspectos:

(1) Estudio autónomo dos conceptos da programación orientada a obxectos (25 horas). O tempo adicado a este estudio non só inclúe o necesario para preparar o exame teórico, senón tamén o tempo que o alumno precisa en entender os conceptos teóricos de xeito que os poida aplicar correctamente á construcción dos programas.

(2) Escritura de exercicios e traballos (10 horas). O tempo adicado a esta escritura está relacionado co traballo que deberán entregar os alumnos á conclusión de cada un dos boletíns de exercicios, no cal deberán de explicar cómo realizaron o programa seguinte o enfoque orientado a obxectos.

(3) Completar os exercicios dos boletíns (50 horas). Este tempo é necesario para que o alumno complete os exercicios dos boletíns que non terá tempo de rematar nas sesións de prácticas. Neste tempo o alumno poderá interiorizar o xeito de resolver o problema plantexado no exercicio, na medida en que nas sesións prácticas faise máis énfase en entender o problema e o xeito xeral no que se resolverá, mentres que os detalles necesarios para completar os exercicios deberanse realizar no tempo adicional de traballo práctico.
Recomendacións para o estudo da materia
Para poder aproveitar a materia e adquirir con certa fluidez os conceptos da programación orientada a obxectos é moi aconsellable aproveitar as clases de teoría, as sesións de prácticas e as titorías en grupos reducidos, na medida en que, tal e como se presentou no programa e na metodoloxía docente, estas actividades están directamente relacionadas. Por outra parte, tamén é moi recomendable que o alumno explore o material de soporte (páxinas web sobre tecnoloxía, tutoriais online dos entornos de desenvolvemento, descrición de casos de éxito, etc.) no que se inclúen explicacións adicionais ás das clases presenciais e que axudan a entender e afianzar os conceptos da programación orientada a obxectos e as dubidas de programación relacionadas con Java.