P4131104 - Computación de altas prestacións para a enxeñaría (TECNOLOXÍAS INFORMÁTICAS) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 20.00
• Clase Interactiva Laboratorio: 5.00
• Clase Interactiva Seminario: 9.00
• Horas de Titorías: 6.00
• Total: 40.0

Outros Datos

• Tipo: Materia Ordinaria Máster RD 1393/2007
• Departamentos: Electrónica e Computación, Electrónica e Computación
• Áreas: Arquitectura e Tecnoloxía de Computadores, Electrónica
• Centro: Escola Técnica Superior de Enxeñaría
• Convocatoria: 2º Semestre de Titulacións de Grao/Máster
• Docencia e Matrícula: Primeiro Curso (1º 1ª vez)

Profesores

Nome	Coordinador
FERNANDEZ PENA, ANSELMO TOMAS.	SI
GARCIA LOUREIRO, ANTONIO JESUS.	NON

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIL_01	Ordinario	Clase Interactiva Laboratorio	SI	SI
Grupo /CLIS_01	Ordinario	Clase Interactiva Seminario	SI	SI
Grupo /TI-ECTS01	Ordinario	Horas de Titorías	NON	NON
Grupo /TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
O obxectivo principal da materia é proporcionar unha visión xeral dos esquemas básicos de computación de altas prestacións en aplicacións de enxeñaría así como as principais características das contornas Grid e Cloud, principalmente no relacionado coa súa utilización en problemas computacionais de altas prestacións en enxeñaría.
Contidos
Problemas computacionais en enxeñaría. Núcleos computacionais de altas prestacións. Modelado de problemas lineais e non lineais. Técnicas de optimización. Contornas de computación Grid e Cloud. Aplicación destas técnicas a problemas típicos en enxeñaría.
Bibliografía básica e complementaria
Bibliografía básica

-D. P. O'Leary. Scientific Computing with Case Studies. SIAM 2009, Libro
-D. Knuth. The Art of Computer Programming. Volumen 2. Addison-Wesley, 1997. Libro
-C. T. Kelley, Iterative Methods for Linear and Nonlinear Equations, Siam, 1987, Libro,
-Barry Wilkinson, Grid Computing: Techniques and Applications, CRC Press, 2009, Libro,1420069535
-Toby Velte, Anthony Velte, Robert C. Elsenpeter, Cloud Computing, A Practical Approach, McGraw-Hill, 2009, Libro,0071626948

Bibliografia complementaria

-G. Golub, C.F. Van Load, Matrix Computations, The Johns Hopkins University Press, 1996,
Libro,
-L. N. Trefethen, Numerical Linear Algebra, Siam, 1997, Libro,
-R. W. Hockney, Computer simulation using particles, , 1988, Libro,
-S. J. Farlow, Partial Differential Equations for Scientists and Engineers, Dover Publications,
1993, Libro,
-Y. Saad, Iterative Methods for Sparse Linear Systems, Siam, 2003, Libro,

Competencias
As principais competencias que adquirirá o alumno unha vez finalizada a materia son as seguintes:
- Desenvolver habilidades para resolver problemas abertos e complexos no campo da Enxeñaría utilizando técnicas de computación de altas prestacións.
- Estudar os algoritmos secuenciais e paralelos máis utilizados en ciencia computacional, e analizar como se poden desenvolver a partir deles aplicacións.
- Aprender a resolver problemas de enxeñaría que requiran o uso de técnicas de altas prestacións sobre sistemas distribuídos.
- Captar a esencia dos problemas complexos, conseguindo unha capacidade de abstracción que permita construír modelos de simulación en base a uns obxectivos específicos.
- Transformar estes modelos en programas executables sobre infraestruturas distribuídas o propio alumno sexa capaz de deseñar e construír.
- Saber comparar e avaliar alternativas de deseño ou de implantación de sistemas utilizando a simulación discreta, co fin de que o egresado poida axudar na toma de decisións profesionais e empresariais.
- Capacidade para traballar en equipos de cariz multidisciplinar.

Así mesmo, a materia contribúe a acadar as competencias recollidas na memoria do Título que se indican de seguido:

Competencias xerais:

- CG3: Capacidade para dirixir, planificar e supervisar equipos multidisciplinares.
- CG4: Capacidade para o modelado matemático, cálculo e simulación en centros tecnolóxicos e de enxeñaría de empresa, particularmente en tarefas de investigación, desenvolvemento e innovación en todos os ámbitos relacionados coa Enxeñaría en Informática.
- CG6: Capacidade para a dirección xeral, dirección técnica e dirección de proxectos de investigación, desenvolvemento e innovación, en empresas e centros tecnolóxicos, no ámbito da Enxeñaría Informática.
- CG8: Capacidade para a aplicación dos coñecementos adquiridos e de resolver problemas en contornas novas ou pouco coñecidas dentro de contextos máis amplos e multidisciplinares, sendo capaces de integrar estes coñecementos.

Competencias específicas:
- Módulo de Tecnoloxías Informáticas
* CTI6: Capacidade para deseñar e avaliar sistemas operativos e servidores, e aplicacións e sistemas baseados en computación distribuída.
* CTI7: Capacidade para comprender e poder aplicar coñecementos avanzados de computación de altas prestacións e métodos numéricos ou computacionais a problemas de enxeñaría.
- Outras competencias específicas:
* CE3: A habilidade de facer conexións entre os desexos dos consumidores e o que a tecnoloxía pode ofrecer

Competencias transversais:
- CT3: Capacidade para afrontar tarefas e situacións críticas
- CT6: Capacidade de traballo autónomo e toma de decisións
- CT7: Capacidades asociadas ao traballo en equipo: cooperación, liderado, saber escoitar
- CT8: Capacidade analítica, crítica e de síntese
- CT11: Creatividade
- CT12: Iniciativa e espírito emprendedor

Competencias de calidade de servizo:

- CCS1: Escalabilidade
- CCS2: Interoperabilidade
- CCS4: Extensibilidade
- CCS5: Facilidade de manexo
- CCS6: Compatibilidade
- CCS8: Reusabilidade
- CCS9: Rendemento
- CCS10: Robustez












Metodoloxía da ensinanza
O ensino basearase nunha combinación de clases expositivas, prácticas de laboratorio e traballos tutelados:

- Clases expositivas: nas que se exporá o contido teórico do temario incluíndo exemplos ilustrativos e co soporte de medios audiovisuais. O alumno disporá do material de apoio (apuntamentos, copias das transparencias, artigos, etc.) con anterioridade e o profesor promoverá unha actitude activa, recomendando a lectura previa dos puntos do temario a tratar en cada clase, así como realizando preguntas que permitan aclarar aspectos concretos e deixando cuestións abertas para a reflexión do alumno.

- Prácticas de laboratorio: nas que o alumno verá o funcionamento na práctica dalgúns dos contidos teóricos vistos nas clases maxistrais. Nestas prácticas o alumno utilizará diferentes ferramentas propostas polo profesor que lle permitirán profundar e afianzar os coñecementos adquiridos nas clases expositivas. As prácticas poderían realizarse en grupos en función da dispoñibilidade dos medios necesarios para a súa realización.

- Traballos tutelados: formulación de casos de estudo avanzados para a súa resolución individual por parte dos alumnos. Estes casos de estudo permitirán aos alumnos profundar en aspectos do temario que lles interesen especialmente e que non se puideron tratar en profundidade durante as sesións maxistrais. -
Sistema de evaluación
Para a avaliación teranse en conta as prácticas de laboratorio e os traballos tutelados:

- Prácticas de laboratorio: Realizaranse prácticas individuais. As condicións para a súa realización e valoración serán as indicadas con anterioridade polo profesor e dependerán dos recursos dispoñibles. Contarán un 60% na nota final.

- Traballos tutelados: O alumno realizará un traballo individual seguindo as indicacións do profesor que o orientará sobre que aspectos teranse en conta na avaliación. Contarán un 40% na nota final.

Avaliación ordinaria: para superar a materia os estudantes deberán obter unha valoración de aprobado na realización das prácticas e ter presentados correctamente o/s traballo/s proposto/s. Os alumnos que suspendan na avaliación ordinaria poderán volver a presentar o/s traballo/s e/ou as prácticas para a avaliación extraordinaria.

Condición de non presentado: terán a condición de non presentado/a os/as estudantes que non realicen as prácticas de laboratorio e/ou non entreguen os traballos propostos, tanto na avaliación ordinaria como na extraordinaria.
Tempo de estudo e traballo persoal
- Clases maxistrais: horas presenciais 20, horas de traballo autónomo do alumno 55
- Aprendizaxe baseada en problemas e/ou casos de uso: horas presenciais 9, horas de traballo autónomo do alumno 9
- Sesións prácticas: horas presenciais 5, horas de traballo autónomo do alumno 27
- Titorías e outras actividades: horas presenciais 5, horas de traballo autónomo do alumno 9
- Actividades de avaliación: horas presenciais 2, horas de traballo autónomo do alumno 9

Total horas traballo presencial na aula: 41
Total horas do alumno traballo persoal: 109