P4131209 - Sistemas de información espacial (ESPECIALIDADE: TECNOLOXÍAS DE INFORMACIÓN ESPACIAL) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 15.00
• Clase Interactiva Laboratorio: 15.00
• Clase Interactiva Seminario: 10.00
• Horas de Titorías: 3.00
• Total: 43.0

Outros Datos

• Tipo: Materia Ordinaria Máster RD 1393/2007
• Departamentos: Electrónica e Computación
• Áreas: Linguaxes e Sistemas Informáticos
• Centro: Escola Técnica Superior de Enxeñaría
• Convocatoria: 2º Semestre de Titulacións de Grao/Máster
• Docencia e Matrícula: Primeiro Curso (1º 1ª vez)

Profesores

Nome	Coordinador
Ríos Viqueira, José Ramón.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIL_01	Ordinario	Clase Interactiva Laboratorio	SI	SI
Grupo /CLIS_01	Ordinario	Clase Interactiva Seminario	SI	SI
Grupo /TI-ECTS01	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
O obxectivo desta materia é proporcionar unha introdución ás teorías, modelos, técnicas e ferramentas utilizadas para o desenvolvemento de Sistemas de Información para a xestión de información espacial (Sistemas de Información Espaciais - SIE). Os fundamentos estudados na materia inclúen a representación de información espacial, o seu almacenamento e acceso eficiente, as tecnoloxías básicas implicadas no seu procesamento e as principais arquitecturas utilizadas no deseño dos SIE, abordando tanto arquitecturas baseadas no uso de bases de datos espaciais como arquitecturas distribuídas baseadas en servizos web.
Contidos
1.- Información espacial e representacións finitas
2.- Análise espacial de datos
3.- Bases de datos espaciais
4.- Infraestruturas de Datos Espaciais (IDE)
5.- Xeometría computacional
6.- Métodos de acceso e procesamento de consultas

Bibliografía básica e complementaria
Bibliografía Básica:
P. Rigaux, M. Scholl, A. Voisard, Spatial Databases: with application to GIS, Morgan Kaufmann Publishers, Academic press, 2002.
O libro anterior será a referencia principal para a materia, pero será completado con material proporcionado polo profesor en partes específicas dos contidos.


Bibliografía Complementaria:
Open Geospatial Consortium (OGC). http://www.opengeospatial.org/
Open Source Geospatial Foundation (OSGeo). http://www.osgeo.org/
Global Spatial Data Infrastructure Association (GSDI). http://www.gsdi.org/

Competencias
Dentro do módulo “Especialidade: Tecnoloxías de información espacial”, esta materia contribúe á adquisición das seguintes competencias xerais e específicas, recollidas na memoria do título de Máster en Tecnoloxías da Información da USC: CG8, CTI1, CTI2, CTI5, CTI11 e CE3. Particularmente, farase especial énfase na devandita competencia “CTI5. Capacidade para analizar as necesidades de información que aparecen nun contorno e levar a cabo en todas as súas etapas o proceso de construción dun sistema de información”.

Ademais, trabállanse as seguintes competencias transversais e de calidade de servizo: CT7, CT9, CT10, CT12, CCS2, CCS6 e CCS9. Mención especial merecen as competencias de calidade de servizo “CCS2. Interoperabilidade” e “CCS9. Rendemento”. A primeira delas é de importancia capital no desenvolvemento de IDEs e a segunda é o obxectivo principal dos métodos de acceso e o procesamento de consultas.

De forma máis específica, as competencias propias da materia son:
a) Adquirir os fundamentos teóricos da xestión de información espacial
b) Coñecer e ser quen de implantar distintas arquitecturas para SIE
c) Ser capaz de usar ferramentas de código aberto para o desenvolvemento de SIE
d) Coñecer as técnicas máis relevantes para a implementación eficiente de SIE

Metodoloxía da ensinanza
A metodoloxía utilizada nesta materia está baseada na realización de actividades dos seguintes tipos:

1.- Clases expositivas nas que se traballarán contidos teóricos da materia

2.- Realización de traballos e/ou exercicios relacionados cos contidos teóricos, en clases expositivas e en horas de traballo persoal

3.- Realización de tarefas prácticas relacionadas co desenvolvemento de SIE, tanto en clases interactivas como en horas de traballo persoal

4.- Seguimento e avaliación de traballos en clases expositivas e prácticas en clases interactivas

5.- Realización de exames

Farase uso do Campus Virtual da USC como ferramenta de comunicación co profesorado e entre o alumnado.

As/Os estudantes que por causa xustificada non poidan atender regularmente ás actividades presenciais seguirán unha metodoloxía distinta:

- Os contidos teóricos traballados polos demais alumnos nas actividades 1 e 2 serán traballados polo alumno a partir do material proporcionado no seu tempo de traballo persoal. O alumno poderá facer uso de tempo adicional de titorías co profesor para resolver dúbidas

- O alumno realizará as tarefas prácticas da actividade 3 sen asistir a aula, coa supervisión do profesor en sesións de titoría adicionais.

- O profesor será flexible no establecemento de datas de revisión de traballos e exames para que o alumno poida seguir o sistema de avaliación.

Sistema de evaluación
Convocatoria ordinaria:

1.- Avaliación do traballo de prácticas (60%): farase mediante a defensa por parte do alumnado dos traballos prácticos e mediante a revisión da documentación entregada vinculada a cada traballo práctico.

2.- Avaliación de traballos de teoría (10%): terá lugar mediante a revisión da documentación entregada polo alumnado.

3.- Avaliación mediante exames (30%): realizarase por medio dun exame que se celebrará na data oficial programada polo centro.

Para superar a materia será preciso superar de forma individual a avaliación do traballo de prácticas e a avaliación mediante exames. Considerase como presentado a calquera estudante que entregue algún traballo práctico ou se presente ao exame.


Convocatoria Extraordinaria:

1.- Avaliación de traballos prácticos (60%): se o estudante ten feita a avaliación de traballos prácticos durante o período ordinario, poderá conservar a mesma cualificación. Opcionalmente, o estudante, previa consulta co profesor, poderá realizar un proxecto de desenvolvemento de SIE que será avaliado nesta convocatoria.

2.- Avaliación de traballos de teoría (10%): manterase a nota acadada durante a avaliación de traballos da convocatoria ordinaria.

3.- Avaliación mediante exames (30%): farase un exame que se celebrará na data oficial asignada polo centro.

Non se conservarán notas entre convocatorias de distintos cursos académicos.

A avaliación dos/as estudantes que por causa xustificada non poidan atender regularmente ás actividades docentes presenciais realizarase seguindo o mesmo sistema de avaliación, podendo adaptar ás súas necesidades particulares as datas de presentación de traballos e realización de exames.
Tempo de estudo e traballo persoal
O tempo recomendado para superar esta materia inclúe a participación nas 15 horas de docencia expositiva e o traballo durante as 25 horas de docencia interactiva. Ademais destas horas, o estudante haberá de dedicar un mínimo de 23 horas ao estudo, un mínimo de 60 horas á elaboración de prácticas e traballos e un mínimo de 19 horas á preparación das distintas avaliacións.
Recomendacións para o estudo da materia
Para superar esta materia é importante ter coñecementos de algoritmos e estruturas de datos e programación en linguaxe Java. É recomendable o coñecemento de arquitecturas baseadas en Servizos Web e de bases de datos obxecto-relacionais. Recoméndase tamén a elección do resto de materias complementarias en formación da mesma especialidade de Tecnoloxías de Información Espacial.
Observacións
Esta materia impartirase exclusivamente en Galego e/ou Castelán.