Grao en Enxeñaría Informática - G4011V01 - 2013/2014

Denominación do título: Grao en Enxeñaría Informática

Rama de coñecemento: Enxeñaría e Arquitectura

Centro onde se imparte:
Escola Técnica Superior de Enxeñaría
Rúa Lope Gómez de Marzoa s/n. Campus Sur
15782
Santiago de Compostela

Data da autorización de implantación do título pola Xunta de Galicia: Decreto 385/2009 do 27 agosto (DOG 16/09/09)

Data de publicación no BOE: BOE do 5 de marzo de 2010

Data da última acreditación: 22/06/2009

Responsable do título:

Coordinador do título:

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego Inglés

Título interuniversitario:Non

• Universidade coordinadora:
• Universidades participantes:

Profesorado da titulación

Plan de estudos publicado en BOE

Memoria do título

Obxectivos

O título de Graduado/a en Enxeñaría Informática ten como obxectivo fundamental a formación científica, tecnolóxica e socioeconómica e a preparación para o exercicio profesional no desenvolvemento e aplicación das tecnoloxías da información e as comunicacións (TIC), no ámbito da Informática. Preténdese preparar profesionais cunha formación transversal e versátil; un/a enxeñeiro/a de amplo espectro e de doada adaptación a distintos ámbitos de traballo.
Por iso a configuración do plan de estudos orientouse á adquisición, por parte do estudante, de coñecementos, capacidades e destrezas básicas dentro da especialidade e con mentalidade aberta para adaptarse aos novos escenarios que a súa traxectoria profesional lle poida demandar.

Competencias xerais

COMPETENCIAS XERAIS:
- Aprender de xeito autónomo novos coñecementos e técnicas axeitados para a concepción, o desenvolvemento ou a explotación de sistemas informáticos.
- Comunicar de forma efectiva, tanto por escrito como oralmente, coñecementos, procedementos, resultados e ideas relacionadas coas TIC e, concretamente da Informática, coñecendo o seu impacto socioeconómico.
- Comprender a responsabilidade social, ética e profesional, e civil no seu caso, da actividade do Enxeñeiro en Informática e o seu papel no ámbito das TIC e da Sociedade da Información e o coñecemento.
- Concibir e levar a cabo proxectos informáticos utilizando os principios e metodoloxías propios da enxeñaría.
- Deseñar, desenvolver, avaliar e asegurar a accesibilidade, ergonomía, usabilidade e seguridade dos sistemas, aplicacións e servizos informáticos, así como da información que proporcionan, conforme á lexislación e normativa vixentes.

Competencias específicas

COMPETENCIAS ESPECÍFICAS:
- Capacidade para redactar e desenvolver proxectos, que teñan por obxecto, a concepción, desenvolvemento ou a explotación de sistemas, servizos e aplicacións informáticas
- Capacidade para deseñar, desenvolver, avaliar e asegurar a accesibilidade, ergonomía, usabilidade e seguridade dos sistemas, aplicacións e servizos informáticos, así como da información que proporcionan.
- Capacidade para definir, avaliar e seleccionar plataformas hardware e software para o desenvolvemento e a execución de aplicacións e servizos informáticos.
- Capacidade para concibir, desenvolver e manter sistemas e aplicacións software empregando os métodos da enxeñaría do software e linguaxes de programación.
- Capacidade para concibir e desenvolver sistemas ou arquitecturas informáticas centralizadas ou distribuídas integrando hardware, software e redes.
- Coñecemento, comprensión e capacidade para aplicar a lexislación necesaria durante o desenvolvemento da súa profesión e facilidade para o manexo de especificacións, regulamentos e normas de obrigado cumprimento.
- Coñecemento de materias básicas e tecnoloxías, que capaciten a aprendizaxe de novos métodos e tecnoloxías.
- Capacidade de resolver problemas con iniciativa, toma de decisións, creatividade, e de comunicar e transmitir coñecementos, habilidades e destrezas, comprendendo a responsabilidade ética e profesional da súa profesión.
- Capacidade para a dirección de actividades obxecto dos proxectos do ámbito da informática.
- Coñecementos para a realización de medicións, cálculos, valoracións, taxacións, peritacións, estudos, informes, planificación de tarefas e outros traballos análogos no seu ámbito específico da informática.
- Capacidade para o manexo de especificacións, regulamentos e normas de obrigado cumprimento.
- Capacidade de analizar e valorar o impacto social e ambiental das solucións técnicas.
- Coñecer e aplicar elementos básicos de economía e de xestión de recursos humanos, organización e planificación de proxectos, así como de lexislación, regulación e normalización na informática.
- Capacidade de traballar nun grupo multidisciplinar e nun ámbito multilingüe e de comunicar, tanto por escrito como de forma oral, ideas, coñecementos, procedementos e resultados relacionados coa informática.

Saídas profesionais

Esta titulación capacita para o exercicio da profesión de Enxeñeiro/a Técnico/a en Informática.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Prácticas Externas recoñecidas no art. 12.6 do R.D. 1393/2007: Máximo: 9
Recoñecemento actividades transversais:
Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Enxeñaría Informática (7/08/2009) [pdf - 790 kb][Actualizado: 8/9/10]

Corrección da resolución de adaptación ao Grao en Enxeñaría Informática (22/9/2009) [pdf - 143 kb][Actualizado: 8/9/10]

Ampliación de a resolución de adaptación (18/12/2009) [pdf - 188 kb][Actualizado: 8/9/10]

Modificación da resolución de adaptación (8/02/2010)[pdf - 313 kb][Actualizado: 8/9/10]

Número de prazas de novo ingreso: 60

Demanda do ano anterior: 8.569 nota de corte en preinscrición curso 2012-2013

Perfil de ingreso: Para o ingreso no Grao en Enxeñaría Informática recoméndase que a formación do alumno/a sexa de perfil científico-tecnolóxico. Dentro dese perfil, resulta recomendábel ter unha sólida formación en matemáticas e unha formación básica en física. Para aqueles estudantes que non teñan formación nestas materias, a USC ofrece complementos de formación, que se imparten antes do inicio do curso, mediante o Programa de Materias de Nivelación (http://www.usc.es/materiasponte).

Ademais, é desexábel que o futuro estudante do Grao en Enxeñaría Informática posúa as seguintes características persoais e académicas:

- Interese polas innovacións tecnolóxicas na informática
- Interese pola mellora continua
- Capacidade de abstracción e imaxinación á hora de enfrontar os problemas
- Capacidade de análise e síntese de grande cantidade de información
- Capacidade de aplicar fundamentos para a resolución de problemas
- Capacidade para usar o tempo de forma efectiva.
- Curiosidade científica
- Constancia e responsabilidade no traballo
- Competencia en expresión oral e escrita
- Competencia lingüística en inglés, ademais de en galego e en castelán.
- Capacidade de traballo en equipo

Criterios de acceso e admisión: Os xerais para as titulacións de grao.
Recoméndase que a formación do alumnado sexa de perfil científico-tecnolóxico.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: O curso ponte para os Enxeñeiros Técnicos en Informática de Sistemas consta de 60 créditos e está formado polas seguintes materias obligatorias do Grado en Enxeñaría Informática:

- Computación Gráfica (4,5 créd.)
- Administración de Sistemas e Redes (6 créd.)
- Desenvolvemento de Aplicacións Web (6 créd.)
- Interacción Persona-Ordenador (6 créd.)
- Computación Distribuída (6 créd.)
- Enxeñaría de Computadores (4,5 créd.)
- Enxeñaría do Coñecemento (6 créd.)
- Compiladores e Intérpretes (4,5 créd.)
- Traballo Fin de Grao (16,5 créd.)

Para obter o título de Graduado/a en Enxeñaría Informática, deberá acreditarse o coñecemento de nivel B1 dunha lingua estranxeira, de acordo cos niveis de referencia establecidos polo Marco Común Europeo.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Os estudantes poderán inscribirse para a realización do Traballo Fin de Grao unha vez superados o 75% dos créditos obrigatorios. No momento da presentación do traballo, o estudante deberá superar todos os demais créditos necesarios para o título de Grao, isto é, polo menos 223,5 ECTS. Para non atrasar a graduación dos estudantes que reúnan os requisitos, a ETSE ofertará traballos de Fin de Grao para a súa realización en ambos os dous cuadrimestres.

Prácticas en empresas: O Plan de Estudos de Grao en Enxeñaría en Informática inclúe o recoñecemento de 9 créditos optativos por realización de prácticas externas

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A Escola conta coa colaboración de varios profesores que actúan como coordinadores académicos, e cuxa función é tutelar e asistir nas súas decisións académicas os estudantes propios e de acollida, así como asinar os acordos académicos de mobilidade que aseguren que a acción se enmarque nos obxectivos e competencias do título. A Escola, a través do Responsábel Académico de Mobilidade e da Comisión de Título, promove a incorporación de novos acordos académicos baseándose en recomendacións de profesores coñecedores da universidade en cuestión, e vela porque as ditas accións sexan un complemento á formación dos estudantes do centro, avaliando anualmente a renovación de cada acordo.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 84.2
• Taxa de éxito 10-11: 81.9
• Taxa de éxito 11-12: 83.9
• Taxa de rendemento 09-10: 64.8
• Taxa de rendemento 10-11: 63.9
• Taxa de rendemento 11-12: 70.0
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.78 (rango de valoración de 1 a 7)
• Resultados enquisas 10-11: 4.94 (rango de valoración de 1 a 7)
• Resultados enquisas 11-12: 3.67 (rango de valoración de 1 a 5)