Grao en Farmacia - G2081V01 - 2013/2014

Denominación do título: Grao en Farmacia

Rama de coñecemento: Ciencias da Saúde

Centro onde se imparte:
Facultade de Farmacia
Praza Seminario de Estudos Galegos, s/n. Campus sur
15782
Santiago de Compostela

Data da autorización de implantación do título pola Xunta de Galicia: Decreto 150/2010 do 16 de setembro (DOG 23/09/10)

Data de publicación no BOE: 3 de marzo de 2011

Data da última acreditación: 30/06/2010

Responsable do título:

Coordinador do título: Sandez Macho, M Isabel

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE

Memoria da titulación

Obxectivos

1. Formar expertos en todos os aspectos relacionados cos fármacos e os medicamentos, en conformidade coa Directiva europea aprobada referente á Titulación de Farmacia, incluíndo as actividades de farmacia clínica e atención farmacéutica.
2. Proporcionar a adquisición de coñecementos, habilidades e actitudes necesarias para as diversas modalidades do exercicio profesional.
3. Equilibrar adecuadamente, segundo indicacións da OMS (1993, 2000) os contidos referentes a: ciencias básicas, ciencias farmacéuticas, ciencias biomédicas e clínicas, ciencias socioeconómicas, experimentación, técnicas de comunicación e prácticas tuteladas.
4. Establecer as bases para o posterior acceso do alumnado á especialización farmacéutica, investigación científica, actividades de desenvolvemento tecnolóxico e docencia.
5. Estimular a aprendizaxe autónoma, incentivar o estudo individual e colectivo e reducir as formas pasivas de ensino a fin de motivar ao estudante cara á formación continuada.
6. Formar profesionais capaces de integrarse na industria químico-farmacéutica.
7. Estimular no estudante a capacidade para realizar deseños experimentais sobre a base do método científico e a interpretación de traballos científicos no campo de ciencias da saúde.
8. Formar profesionais capaces de integrarse no sistema de atención da saúde e de contribuír a optimizalo.
9. .Promover a análise crítica na avaliación de problemas, toma de decisións e espírito de liderado e formar profesionais na cultura da calidade total con capacidade de xestión e dirección.

Competencias xerais

1. Intervir nas actividades de promoción da saúde, prevención de enfermidade, no ámbito individual, familiar e comunitario; cunha visión integral e multiprofesional do proceso saúde-enfermidade.
2. Desenvolver habilidades de comunicación e información, tanto orais como escritas, para tratar con pacientes e usuarios do centro onde desempeñe a súa actividade profesional.
3. Promover as capacidades de traballo e colaboración en equipos multidisciplinares e as relacionadas con outros profesionais sanitarios.
4. Coñecer os principios éticos e deontolóxicos segundo as disposicións lexislativas, regulamentarias e administrativas que rexen o exercicio profesional, comprendendo as implicacións éticas da saúde nun contexto social en transformación.
5. Recoñecer as propias limitacións e a necesidade de manter e actualizar a competencia profesional, prestando especial importancia ao autoaprendizaje de novos coñecementos baseándose na evidencia científica dispoñible.

Competencias específicas

1. Prestar consello terapéutico en farmacoterapia e dietoterapia, así como no ámbito nutricional e alimentario nos establecementos nos que presten servizos.
2. Promover o uso racional dos medicamentos e produtos sanitarios, así como adquirir coñecementos básicos en xestión clínica, economía da saúde e uso eficiente dos recursos sanitarios.
3. Levar a cabo as actividades de farmacia clínica e social, seguindo o ciclo de atención farmacéutica.
4. Deseñar, preparar, fornecer e dispensar medicamentos e outros produtos de interese sanitario.
5. Identificar, deseñar, obter, analizar, controlar e producir fármacos e medicamentos, así como outros produtos e materias primas de interese sanitario de uso humano ou veterinario.
6. Avaliar os efectos terapéuticos e tóxicos de sustancias con actividade farmacolóxica.
7. Saber aplicar o método científico e adquirir habilidades no manexo da lexislación, fontes de información, bibliografía, elaboración de protocolos e demais aspectos que se consideran necesarios para o deseño e avaliación crítica de ensaios preclínicos e clínicos.
8. Deseñar, aplicar e avaliar reactivos, métodos e técnicas analíticas clínicas, coñecendo os fundamentos básicos das análises clínicas e as características e contidos dos ditames de diagnóstico de laboratorio.
9. Avaliar os efectos toxicolóxicos de sustancias e deseñar e aplicar as probas e análises correspondentes.
10. Desenvolver análises hixiénicas-sanitarias, especialmente as relacionados cos alimentos e medioambiente.
11. Identificar, avaliar e valorar os problemas relacionados con fármacos e medicamentos, así como participar nas actividades de farmacovixilancia.

Saídas profesionais

Esta titulación habilita para o exercicio da profesión de farmacéutico/a. Consonte o estabelecido no Acordo do Consello de Ministros do 8 de febreiro de 2008, polo que se estabelecen as condicións a que deberán adecuarse os plans de estudos conducentes á obtención de títulos que habiliten para o exercicio da profesión regulada de Farmacéutico (BOE do 27 de febreiro de 2008).

A formación de Graduado en Farmacia capacita para desempeñar a profesión en oficinas de farmacia, na industria farmacéutica, en especializacións hospitalarias e non hospitalarias, en laboratorios de análise, na xestión sanitaria e en actividades de educación e investigación

Créditos totais: 300.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Los estudiantes podrán obtener incluso un máximo de 12 créditos optativos por el reconocimiento de las actividades contempladas en el artículo 12.8 del RD 1393/2007 y de las competencias transversales de la USC. Se consideran competencias transversales para todas las titulaciones de Grado de la USC el conocimiento instrumental de (1) lenguas extranjeras; (2) lengua gallega, y (3) tecnologías de la información y de la comunicación.. En todo caso el máximo de créditos recoñecibles por las actividades del artículo 12.8 del RD 1393/2007 será de 6.
La normativa de la USC que regula estos reconocimientos es:
 Acordo CG do 4 de xullo de 2008: http://www.usc.es/sxa/normativa/ficheros/XA0635.PDF
 Resolución Reitoral do 5/5/2009 (procedemento): http://www.usc.es/sxa/normativa/ficheros/XA0677.PDF
 Resolución reitoral 21/12/2009 que modifica o anexo I do acordo do CG de 4 de xullo de 2008: http://www.usc.es/sxa/normativa/ficheros/XA0700.PDF

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Farmacia [pdf - 1015 kb][Actualizado: 9/9/10]

Corrección de erros da resolución de adaptación ao Grao en Farmacia [pdf - 1338 kb][Actualizado: 28/10/10]

Número de prazas de novo ingreso: 200

Demanda do ano anterior: 7.8 nota de corte en preinscrición curso 2012-2013

Perfil de ingreso: É conveniente que o estudante posúa coñecementos de Bioloxía, Química e Matemáticas, habilidades numéricas, verbais e abstractas, sentido ético e capacidade de traballo en grupo e de organizar o seu tempo, coñecementos informáticos e idiomáticos.

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: No traballo fin de grao os estudantes deberán demostrar a adquisición de competencias asociadas ao título. Poderá levarse a cabo nun departamento da Facultade ou nun organismo público ou privado (oficina de farmacia, hospital, centro de atención primaria, etc). Os traballos de Fin de Grao deberán ser titorizados por un profesor da facultade e por un titor na entidade que acolla ao alumno. Para solicitar a asignación de titores será necesario estar cursando 4º ou 5º curso.
O traballo realizarase de xeito autónomo polo alumno e culminará coa realización dunha Memoria escrita e unha presentación e defensa pública da mesma. Para a defensa do Traballo de Fin de Grao o alumno terá que superar todas as materias do Plan de Estudos; presentar a edición impresa e electrónica do Traballo e informes favorables dos Titores asignados para o Traballo. Para non atrasar a gradación dos estudantes que reúnan os requisitos, a Facultade ofertará traballos de Fin de Grao para a súa realización en ambos os cuadrimestres.

Prácticas en empresas: Prácticas Tuteladas
Os requisitos que debe cumprir o alumno para cursar a materia son ter superados polo menos 243 créditos obrigatorios, establecidos pola Comisión Mixta Colexios de Farmacéuticos de Galicia-Facultade de Farmacia/Universidade de Santiago de Compostela. Actualmente, para poder matricularse da materia, os alumnos deben ter aprobado 285 créditos do total do plan de estudos.
Prácticas Externas Optativas
Ao amparo do art. 12.6 do R.D. 1393/2007, os estudantes de Farmacia poderán obter o recoñecemento académico dun máximo de 9 créditos optativos pola realización de prácticas externas relacionadas co título. As prácticas externas non forman parte da oferta académica permanente da Facultade, aínda que esta colaborará cos órganos responsables da Universidade na organización das mesmas como oferta académica complementaria na formación dos seus estudantes. Contémplase a posibilidade de realizar prácticas en centros dependentes do Servizo.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: -
• Taxa de éxito 10-11: 79.0
• Taxa de éxito 11-12: 80.7
• Taxa de rendemento 09-10: -
• Taxa de rendemento 10-11: 63.9
• Taxa de rendemento 11-12: 69.6
• Taxa de eficiencia 09-10: Dispoñible a partir do curso 2013-14
• Taxa de eficiencia 10-11: Dispoñible a partir do curso 2013-14
• Taxa de eficiencia 11-12: Dispoñible a partir do curso 2013-14
• Taxa de graduación 09-10: Dispoñible a partir do curso 2014-15
• Taxa de graduación 10-11: Dispoñible a partir do curso 2014-15
• Taxa de graduación 11-12: Dispoñible a partir do curso 2014-15
• Taxa de abandono09-10: Dispoñible a partir do curso 2014-15
• Taxa de abandono10-11: Dispoñible a partir do curso 2014-15
• Taxa de abandono11-12: Dispoñible a partir do curso 2014-15
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: -
• Resultados enquisas 10-11: 4.84 (rango de valoración entre 1 e 7)
• Resultados enquisas 11-12: 3.71 (rango de valoración entre 1 e 5)