Máster Universitario en Politica Lingüistica e Planificación da Lingua Galega - P5061V01 - 2013/2014

Denominación do título: Máster Universitario en Politica Lingüistica e Planificación da Lingua Galega

Rama de coñecemento: Licenciado universitario en Filoloxía Galega ou equivalente.
Os titulados noutras licenciaturas distintas a Filoloxía Galega (ou equivalente) deberán cursar obrigatoriamente o módulo de adaptación (6 créditos, repartidos en dúas materias.

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia:

Data de publicación no BOE:

Data da última acreditación:

Responsable do título:

Coordinador do título: MONTEAGUDO ROMERO, XOSE HENRIQUE

Condicións da docencia:

• Periodicidade da oferta: anual
• Tipo de ensinanza:
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Obxectivos

- Coñecemento das nocións básicas de glotopolítica, sociolingüística, planificación lingüística e lingüística aplicada á normalización lingüística, especialmente as máis pertinentes á vista da situación actual do idioma galego.
- Coñecemento xeral dos parámetros históricos, políticos, xurídico-legais e sociais máis relevantes para a análise da situación actual do idioma galego.
- Coñecemento das dinámicas sociolingüísticas máis importantes en curso na Galicia actual.
- Coñecemento específico dos problemas relacionados coa estandarización do galego, os procedementos e métodos para resolvelos, e os avances e alternativas neste terreo.
- Coñecemento dos recursos dispoñibles e dos criterios aplicados e aplicables á resolución dos problemas de elaboración do corpus lingüístico, especialmente con vistas á súa adaptación para a utilización en contextos especializados.
- Coñecemento das técnicas para a resolución de problemas lingüísticos en galego, mediante a utilización dos recursos dispoñibles (incluíndo o manexo de distintas fontes e a consulta a expertos).
- Coñecemento das estratexias axeitadas para apoiar e xestionar os procesos de cambio sociolingüístico, con especial atención á mudanza de actitudes con vistas ao incremento do uso do galego, en particular en contextos profesionais e públicos.
- Coñecemento específico dos recursos e procedementos para as actividades de formación lingüística (especialmente nunha segunda lingua e contextos de recuperación desta) e para as actividades de corrección e o asesoramento lingüísticos.
- Coñecemento de técnicas para a intervención sociolingüística, tanto no terreo da planificación (diagnose de situacións, programación da actuación, impulso e xestión desta, avaliación de resultados), coma no da dinamización e a formación lingüísticas.

Competencias xerais

- Capacidade para integrar coñecementos e habelencias de distinta orde (sociolóxica, lingüística, pedagóxica, aplicada, tecnolóxica) que habiliten para enfrentarse á complexidade das tarefas de planificación e normalización lingüísticas, incluíndo a consciencia crítica e a capacidade de avaliación das súas implicacións sociais (e no seu caso, éticas).
- Adquisición de destrezas para a resolución de problemas lingüísticos, mediante a utilización dos recursos e ferramentas dispoñibles (incluíndo o manexo de distintas fontes, con especial atención aos recursos informatizados e a consulta a expertos).
- Adquisición de competencias para a intervención sociolingüística no terreo da planificación: diagnose de situacións, programación de actuacións, establecemento de obxectivos, impulso e xestión das actuacións, avaliación de resultados.
- Adquisición de competencias para a dinamización sociolingüística. Dada a importancia específica que ten a comunicación e a interacción nas tarefas de dinamización sociolingüística, capacitación para a explicación das razóns que sustentan as intervencións glotopolíticas aos sectores concretos atinxidos polas actividades de planificación lingüística.
- Adquisición de competencias para o asesoramento e a corrección lingüísticos, con especial atención para os contextos especializados. En particular, capacitación para o manexo dos recursos existentes, con atención especial aos informatizados e aos dispoñibles na rede.
- Capacitación para a aplicación creativa e contextualmente adaptada dos coñecementos adquiridos para a resolución de problemas en contornos diversos, dentro de marcos amplos en que interactúan unha multiplicidade de factores heteroxéneos, como son tipicamente os relacionados coas intervencións sociolingüísticas e glotopolíticas.
- No caso dos estudantes que opten polo módulo máis académico, capacitación específica para o desenvolvemento orixinal dos seus coñecementos e ideas, con vistas á iniciarse na investigación neste campo.

Saídas

Profesionais que exercen en servizos de normalización lingüística ou gabinetes de lingua de institucións (Xunta e Parlamento de Galicia, Deputacións, Tribunais de Xustiza...) concellos, medios de comunicación públicos e privados, Universidades, colectivos de distinto tipo (sindicatos, fundacións,...) e empresas.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso:

Demanda do ano anterior:

Perfil de ingreso: Non se contempla

Criterios de acceso e admisión:

Ofertanse 30 prazas a tempo completo, 5 para estranxeiros e 5 a tenpo parcial
Titulacións de Acceso:
- Licenciado universitario en Filoloxía Galega ou equivalente.
-Titulados noutras licenciaturas distintas a Filoloxía Galega

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster:

Plan de Acción Titorial:

Prácticas en empresas:

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade