Grao en Lingua e Literatura Españolas - G5041V01 - 2013/2014

Denominación do título: Grao en Lingua e Literatura Españolas

Rama de coñecemento: Artes e Humanidades

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia: Decreto 385/2009 do 27 agosto (DOG 16/09/09)

Data de publicación no BOE: BOE de 5 do marzo de 2010; corrección de erros no BOE do 6 de xullo de 2010

Data da última acreditación: 27/07/2009

Responsable do título:

Coordinador do título: LOPEZ COUSO, MARIA JOSE

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Alemán Castelán Catalán Francés Galego Inglés Italiano Portugués Romanés

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE (corrección de erros)

Obxectivos

1. Formar graduados que dominen coñecementos, métodos científicos e recursos de análises para o estudo avanzado lingüístico e literario do español e as súas literaturas e para o estudo básico/medio dunha segunda lingua e a súa literatura, de Filoloxía Románica, de Lingüística Xeral ou de Teoría da Literatura e Literatura Comparada
2. Manexar recursos de selección crítica de fontes bibliográficas así como fomentar a capacidade de síntese e xestión de documentación complexa.
3. Ter acceso ás ferramentas, recursos e técnicas necesarios para desenvolverse de forma adecuada nun futuro profesional (docencia en literatura, docencia en español, asesoría e corrección lingüística, planificación lingüística, mediación comunicativa, tradución, lingüística clínica, actividades editoriais, etc.).
4. Xerar hábitos de identificación de problemas e de procura de solucións que sexan aplicables tanto en contextos académicos como profesionais.
5. Desenvolver a capacidade analítica e crítica dos estudantes a través da aplicación de diversos enfoques e técnicas que permitan: (a) a análise lingüística de textos e discursos literarios e non literarios; (b) a súa interpretación e comprensión crítica; (c) a súa valoración e avaliación.
6. Pór en práctica a intuición e o pensamento lóxico, a través do estudo da gramática e da literatura españolas.
7. Manexar procedementos racionais e críticos para examinar a produción literaria en lingua española no seu desenvolvemento histórico e nos seus específicos marcos socio-culturais.
8. Adquirir a capacidade para transmitir información, ideas, problemas e solucións, especialmente no ámbito da lingua e a literatura españolas, a un público especializado e non especializado.
9. Mellorar a capacidade oral e escrita da lingua materna e desenvolver competencias básicas nunha lingua estranxeira polo menos
10. Recoñecer a importancia do dominio de habilidades lingüísticas e discursivas en actividades científicas, académicas e na vida cotiá.
11. Desenvolver a sensibilidade, o espírito analítico e crítico para interpretar a obra literaria; valorar positivamente as diferentes manifestacións lingüísticas de distintas comunidades de fala.
12. Transmitir aos estudantes o respecto aos dereitos fundamentais e de igualdade entre homes e mulleres, o respecto e a promoción dos Dereitos Humanos e os principios de igualdade de oportunidades, non discriminación e accesibilidade universal das persoas con discapacidade.

Competencias xerais

1. Adquisición e comprensión de coñecementos, métodos científicos e recursos de análises para (a) o estudo avanzado lingüístico e literario do español e as súas literaturas; (b) o estudo básico/medio dunha segunda lingua e a súa literatura, de Filoloxía Románica, de Lingüística Xeneral ou de Teoría da Literatura e Literatura Comparada. 2. Habilidades para aplicar eses coñecementos e métodos para recoñecer, identificar e resolver problemas tanto no ámbito dos estudos lingüísticos e literarios como no seu ámbito profesional: docencia de linguas e de literatura, asesoría e corrección lingüística, planificación lingüística, mediación comunicativa, tradución, lingüística clínica, actividades editoriais, etc
3. Capacidade de reflexión e de pensamento crítico para describir, interpretar e valorar os feitos lingüísticos e literarios.
4. Capacidade para aplicar o razoamento indutivo e dedutivo, ao combinar a análise dos datos coa argumentación teórica.
5. Capacidade de abstracción, síntese e análise, ao extraer xeneralizacións a partir da descrición dos datos.
6. Capacidade para transmitir información, ideas, problemas e solucións sobre cuestións relativas á lingua e a literatura españolas a un público especializado e non especializado.
7. Dominio da expresión oral e escrita, en español e noutras linguas, en distintos contextos.
8. Habilidade no manexo de ferramentas informáticas e no uso de redes que permitan establecer contactos nacionais e internacionais, así como para traballar en colaboración e en contextos multiculturais e multilingües
9. Aprendizaxe autónoma de novos coñecementos e técnicas de análises.

Competencias específicas

1. Dominar as bases teóricas, enfoques e recursos elementais de análises do ámbito da Lingüística xeneral imprescindibles para (a) abordar o estudo da linguaxe e das linguas; (b) analizar e contrastar a organización fónica, gramatical, léxico-semántica e pragmática en diferentes tipos de linguas
2. Dominar as bases teóricas, métodos e conceptos do ámbito da Teoría da Literatura e Literatura Comparada, necesarios para fundamentar a análise crítica de textos literarios nos niveis formal-estrutural, semiótico, hermenéutico, cultural e sistémico.
3. Posuír coñecementos básicos / medios na gramática, literatura e cultura dunha segunda lingua, ou en Filoloxía románica.
4. Identificar e comprender aqueles elementos (obxecto de estudo, metodoloxía, linguaxe e terminoloxía crítica especializada, etc.) que definen e articulan os estudos lingüísticos e literarios como disciplinas científicas no ámbito das Humanidades.
5. Recoñecer o carácter interdisciplinar dos estudos lingüístico-literarios.
6. Aplicar a metodoloxía científica que permita abarcar os distintos tipos de estudos lingüísticos e literarios.
7. Dominar os diversos enfoques e métodos que permiten a comprensión crítica da obra literaria.
8. Coñecer os escritores e obras máis importantes e representativas de xéneros, correntes ou tendencias de cada un dos períodos da historia da literatura.
9. Mellorar o coñecemento da lingua española mediante o estudo da gramática, a reflexión sobre os usos discursivos e a análise de textos literarios.
10. Comprender a complexidade dos feitos lingüísticos e das obras literarias, aprender a apreciar os seus valores estéticos e extraer o caudal informativo que encerra o texto literario.
11. Ser capaz de aplicar os coñecementos técnicos e activos da gramática da lingua española, tanto na súa vertente sincrónica como diacrónica.
12. Interpretar con rigor as obras máis importantes e representativas de xéneros, correntes ou tendencias de cada un dos períodos da historia da literatura española.
13. Coñecer a teoría e o pensamento estético no seu discorrer histórico en tanto condicionante de xéneros, estilos, morfoloxía e técnicas do discurso literario.
14. Ser capaz de recoñecer as variedades internas da lingua española (temporais, espaciais, sociais e situacionais).
15. Coñecer as características das diversas manifestacións da creación literaria, incardinándoas no contexto socio-cultural no que se xestan e conectándoas con outras formas de expresión artística.
16. Adquirir habilidades no manexo de novas tecnoloxías que faciliten o estudo da lingua e a literatura españolas.
17. Empregar ferramentas de procura de recursos bibliográficos para o estudo da lingua española e manexar as fontes documentais e bibliográficas propias da literatura.
18. Desenvolver a competencia comunicativa.
19. Ser capaz de realizar posteriores estudos especializados, tanto nunha disciplina filolóxica como en calquera das ciencias e técnicas que requiran bos fundamentos filolóxicos.

Saídas profesionais

O perfil docente é o maioritario nos actuais licenciados, que, en todo caso, para poder desenvolver esta actividade no ensino secundario deberán realizar a formación posgraduada específica establecida. Dentro deste ámbito pódese engadir o ensino do español como lingua estranxeira, a inmigrantes, a educación permanente e a formación de adultos ou a docencia de Lingua, Literatura e Cultura españolas en Centros e Universidades estranxeiras

Adicionalmente existen prefiles asociados a actividades profesionais relacionadas co mundo editorial e coa prensa, como a edición de textos, a crítica literaria e textual, a produción editorial, a corrección literaria ou de probas, o asesoramento, a tradución, a redacción e colaboración en medios de comunicación, etc., así como as relacionadas coas industrias da lingua, sobre todo no ámbito das novas tecnoloxías, e tamén noutras áreas como a mediación lingüística (intercultural, empresarial, interprofesional) ou o tratamento do multiculturalismo social ou as relacións transculturales.

Outras saídas profesionais poden ser: o asesoramento lingüístico (comercial, xurídico, forense, técnico-profesional), a peritaxe xudicial en lingüística forense, a intervención e avaliación das patoloxías da linguaxe, a xestión cultural e artística e a política e planificación lingüísticas. Xunto a elas cabe citar a investigación lingüística e literaria en universidades españolas e estranxeiras, en institutos de filología e lingüística ou en arquivos e bibliotecas e, por suposto, a docencia de gramática española, lingüística, teoría literaria e literatura española en escolas superiores, universidades e outros organismos, como os Institutos Cervantes.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Recoñecemento actividades transversais:
Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Número de prazas de novo ingreso: 50

Demanda do ano anterior: 5.129 nota de corte en preinscrición curso 2012-2013

Perfil de ingreso: Aínda que non se esixe unha formación previa específica, é recomendábel que o estudante tivese cursado durante o bacharelato a modalidade de Humanidades e Ciencias Sociais (R. D. 1467/2007). Tamén é recomendábel que posúa as seguintes características persoais e académicas:

-Curiosidade intelectual
-Hábito de lectura
-Sensibilidade estética
-Capacidade analítica
-Capacidade crítica
-Constancia e responsabilidade no traballo
-Capacidade para o traballo en equipo
-Competencia en expresión oral e escrita
-Competencia lingüística básica nalgunha lingua estranxeira
-Competencia básica en instrumentos informáticos

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Un Traballo de Fin de Grao de 12 créditos, en que o estudante deberá demostrar que adquiriu as competencias asociadas ao título ao longo dos catro anos de estudo.

Prácticas en empresas: Poderase obter recoñecemento académico dun máximo de 6 créditos optativos pola realización de prácticas externas relacionadas co título. Para iso, a Facultade realizará anualmente unha convocatoria pública da oferta existente, co fin de os estudantes interesados poderen solicitar acollerse a esta posibilidade. Os estudantes que desexen optar á realización de prácticas externas deberán superar 150 créditos, entre eles todos os correspondentes aos dous primeiros cursos da titulación

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 79.7
• Taxa de éxito 10-11: 71.5
• Taxa de éxito 11-12: 89.3
• Taxa de rendemento 09-10: 64.2
• Taxa de rendemento 10-11: 56.4
• Taxa de rendemento 11-12: 77.3
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.97 (rango de valoración entre 1 e 7)
• Resultados enquisas 10-11: 5.26 (rango de valoración entre 1 e 7)
• Resultados enquisas 11-12: 4.02 (rango de valoración entre 1 e 5)