Máster Universitario en Estudos Ingleses: Tendencias Actuais e Aplicacións - P5081V01 - 2013/2014

Denominación do título: Máster Universitario en Estudos Ingleses: Tendencias Actuais e Aplicacións

Rama de coñecemento: Artes e Humanidades

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia: 434/2009 do 3 de decembro (DOG do 15/12/2009)

Data de publicación no BOE: 24/08/2010

Data da última acreditación:

Responsable do título:

Coordinador do título: ESTEVEZ SAA, MARGARITA

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego Inglés

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Páxina web propia: http://www.usc.es/posgrao/estuingl/

Obxectivos

-Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo.
-Que os estudantes sexan capaces de integrar coñecementos, formular xuízos e facer reflexións fundamentadas e argumentadas sobre as responsabilidades sociais e éticas vinculadas á aplicación dos seus coñecementos e xuízos.
-Que os estudantes saiban comunicar as súas conclusións (e os coñecementos e razóns últimas que as sustentan) a públicos especializados e non especializados dun modo claro e sen ambigüidades.
-Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirixido ou autónomo.
-Ofrecer unha formación superior nos fundamentos e aplicacións da lingüística e da literatura a licenciados no sistema actual de títulos oficiais do Estado español e doutros sistemas educativos equivalentes, consolidando elementos formativos de carácter teórico, metodolóxico e aplicado para avanzar nos novos horizontes da investigación.

Competencias xerais

COMPETENCIAS XERAIS:

-Que os estudantes saiban aplicar os coñecementos adquiridos e teñan capacidade de resolución de problemas en contornas novas ou pouco coñecidas dentro de contextos máis amplos (ou multidisciplinares) relacionados coa súa área de estudo;
-Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos;
-Que os estudantes saiban comunicar as súas conclusións, e os coñecementos e razóns últimas que as sustentan, a públicos especializados e non especializados dun modo claro e sen ambigüidades;
-Que os estudantes posúan as habilidades de aprendizaxe que lles permitan continuar progresando na súa formación dun modo que haberá de ser en gran medida autodirixido ou autónomo.
-Desenvolvemento da capacidade crítica e da competencia investigadora.
Competencia lingüística (nivel C2) no uso falado e escrito da lingua inglesa.
-Desenvolvemento da capacidade para o traballo en grupo.
-Desenvolvemento da capacidade comunicativa no ámbito académico.
-Capacidade crítica e de síntese do estudante mediante a lectura e revisión de artigos especializados.
-Autonomía progresiva na aprendizaxe, procuras propias de recursos e información, accedendo para iso a fontes bibliográficas e documentais sobre o campo de estudo.
-Coñecemento da investigación máis recente que se está levando a cabo dentro do ámbito dos Estudos Ingleses, tanto en lingüística como en literatura e cultura.
-Competencia na redacción, presentación e defensa dun traballo de investigación.
-Emprego dunha terminología lingüística rigorosa e dunha notación adecuada.


COMPETENCIAS ESPECÍFICAS:

1. Manexo de conceptos, métodos e ferramentas propias da investigación en inglés para fins específicos, particularmente do inglés académico.
2. Reflexionar sobre os factores que condicionan a aprendizaxe e adquisición das linguas.
3. Manexo de ferramentas e recursos de investigación aplicados mediante a análise de variables macro e micro-sociolingüísticas.
4. Uso de dicionarios (en especial Oxford English Dictionary), de corpora computarizados e das ferramentas de procura necesarias para a súa utilización.
5. Capacidade de aplicación de métodos de investigación cuantitativa e cualitativa, de executar varios procedementos de recollida e análise de datos e de utilización de software específico para a investigación en lingüística.
6. Dominio das técnicas utilizadas para a análise de textos artísticos e culturais.
7. Capacidade de elaborar ensaios críticos sobre textos literarios e documentos culturais.
8. Fomento do traballo autónomo do alumno/a con textos literarios de diferentes tradicións, aplicando diversas metodoloxías teóricas e críticas.
9. Procura, nos diversos medios tecnolóxicos e de comunicación, de textos culturais de masas que empregan textos literarios.
10. Capacidade para identificar e analizar as características máis relevantes da cultura e as institucións das Illas Británicas a través de diversos tipos de textos pertencentes a diferentes épocas históricas.
11. Coñecemento de diferentes aproximacións teóricas e críticas, e a súa aplicación á análise de textos literarios e culturais.
12. Coñecemento avanzado de autores, xéneros literarios e autores da literatura das Illas Británicas, Estados Unidos e Irlanda.
13. Coñecemento de tendencias actuais nos estudos teóricos e críticos literarios e culturais, aplicados a autores, xéneros e períodos literarios.

Saídas

Consideramos que o módulo común do noso programa incrementaría os coñecementos e as competencias daqueles alumnos que desexen desenvolver a carreira docente tanto a nivel de ensino secundario como para os que contemplen traballar en institucións europeas ou centros culturais. A formación ofertada nos módulos de especialización considérase imprescindible para aqueles alumnos que desexen emprender tarefas de investigación encamiñadas á redacción e defensa dunha tese doutoral para alcanzar o grao
de doutor.
O programa que ofertamos facilitará aos estudantes da Universidade de Santiago de Compostela concorrer en similares condicións que outros graduados europeos a ofertas de traballo, pois existen programas oficiais de posgrao en Estudos Ingleses na maior parte das máis prestixiosas universidades de Europa e dous Estados Unidos. Algunhas universidades españolas (Barcelona, Zaragoza, Alacante ou Xaén) tamén ofertan posgraos no ámbito dos Estudos ingleses.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 15

Demanda do ano anterior:

Perfil de ingreso: Non se contempla

Criterios de acceso e admisión:

Titulados/as na área de Humanidades, por orde de
preferencia:
1º) Licenciatura en Filoloxía Inglesa
2º) Licenciatura en Humanidades
3º) Licenciatura en Teoría da Literatura e Literatura
Comparada
4º) Licenciatura en Traducción e Interpretación
5º) Outras titulacións da Rama de Artes e Humanidades e
de Ciencias Sociais e Xurídicas con coñecemento de
inglés escrito e falado (nivel C2 do Marco Común Europeo
de Referencia para as Linguas).

Consultar a información actualizada en cada convocatoria anual de matrícula.

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster:

Plan de Acción Titorial:

Prácticas en empresas:

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade