Máster Universitario en Estudo e Edición de Textos Literarios Españois e Latinoamericanos - P5071V01 - 2013/2014

Denominación do título: Máster Universitario en Estudo e Edición de Textos Literarios Españois e Latinoamericanos

Rama de coñecemento: Artes e Humanidades

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia: Decreto 150/2010 de 16 de setembro

Data de publicación no BOE: null

Data da última acreditación:

Responsable do título:

Coordinador do título: PEREZ-ABADIN BARRO, MARIA SOLEDAD

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Obxectivos

Os obxectivos que reflicten a orientación xeral do título supoñen a obtención dos coñecementos necesarios para o estudo e edición da literatura española, coa adquisición de competencias xerais, de tipo teórico e práctico.

Desde un punto de vista formativo, o máster garantirá a formación do estudante como investigador, capaz de asimilar as ideas adquiridas, cuestionar xuízos previos, emitir a súa propia interpretación dunha obra literaria, proceder ao seu estudo textual (fixación do texto, clasificación das variantes, reconstrución da súa transmisión) e reformular ou renovar o estado da cuestión da crítica (literaria e textual) ao redor de autores, obras e épocas determinados.

Competencias xerais

COMPETENCIAS XERAIS:

 Que os estudantes saiban aplicar os coñecementos adquiridos e resolveren problemas en contextos multidisciplinares relacionados co seu campo de estudo.
 Que os estudantes sexan capaces de integrar coñecementos e enfrontarse á complexidade de formularen xuízos a partir dunha información incompleta, que inclúe reflexións sobre as responsabilidades sociais e éticas vinculadas á aplicación dos seus coñecementos e xuízos.
 Que os estudantes saiban comunicar as súas conclusións a públicos especializados e non especializados dun modo claro e sen ambigüidades.
 Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirigido ou autónomo.

COMPETENCIAS ESPECÍFICAS:

 Que os estudantes obteñan os coñecementos necesarios para o estudo e edición da literatura española.
 Que os estudantes adquiran as nocións e técnicas da metodoloxía da crítica textual.
 Que os estudantes consigan unha aprendizaxe teórico-práctica da metodoloxía da anotación de textos.
 Que os estudantes consigan unha aprendizaxe teórico-práctica da metodoloxía da investigación literaria e da análise de textos, para conseguir dominar as técnicas de elaboración do traballo de investigación.
 Que os estudantes aprendan as nocións bibliográficas relacionadas co estudo do libro no seu aspecto material.
 Que os estudantes coñezan as caracerísticas fundamentais da literatura española, desde unha perspectiva histórica e crítica.
 Que os estudantes coñezan autores e obras da literatura española, coas súas características fundamentais (textuais e críticas).

Saídas

Desde un punto de vista profesional, o programa adquire sentido dentro do vasto campo de traballo da crítica textual, unha disciplina en auxe, nun momento en que aínda non existen edicións filolóxicamente seguras nin sequera no caso dos grandes autores da historia da literatura. Ese baleiro explica que as grandes editoriais (Cátedra, Castalia, Crítica) aposten cada vez máis por proxectos encamiñados ao obxectivo de ofrecer aos lectores textos fiables e rigorosos, cunha anotación filolóxica que resolva as súas dificultades e os achegue a eles, e por confiar tal labor a profesionais da materia. A formación de expertos pode propiciar un maior achegamento da Universidade, concretada nos equipos de investigación dedicados á edición de textos (no caso da USC, aglutinados na área de Literatura do Departamento de Literatura Española) a empresas do mundo editorial, a través de convenios e proxectos para a edición de autores concretos.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: null

Demanda do ano anterior:

Perfil de ingreso: Non se contempla

Criterios de acceso e admisión:

Filoloxía Hispánica
Outras Filoloxías
Humanidades

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster:

Plan de Acción Titorial:

Prácticas en empresas:

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade