Grao en Filoloxía Clásica - G5071V01 - 2013/2014

Denominación do título: Grao en Filoloxía Clásica

Rama de coñecemento: Artes e Humanidades

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia: D. 385/2009 do 27 agosto (DOG 16/09/09)

Data de publicación no BOE: BOE de 5 de marzo de 2010; corrección de erros no BOE do 6 de xullo de 2010

Data da última acreditación: 22/06/2009

Responsable do título:

Coordinador do título: LOPEZ COUSO, MARIA JOSE

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: presencial
• Linguas de uso: Alemán Castelán Catalán Francés Galego Inglés Italiano Portugués Romanés

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE (corrección de erros)

Obxectivos

1. Dominio instrumental da lingua materna.
2. Coñecemento instrumental avanzado dunha lingua da UE, distinta da propia.
3. Desenvolvemento de capacidade de análise e de abstracción, pór en práctica a intuición e o pensamento lóxico, a través do estudo da lingua.
4. Desenvolvemento de capacidade para o razoamento crítico.
5. Desenvolvemento de capacidade creativa.
6. Desenvolvemento de capacidade de comunicación e perlocutiva para transmitir información, ideas, problemas e solucións, especialmente no ámbito das linguas clásicas, a un público especializado e non especializado.
7. Desenvolvemento de capacidade de análise e síntese de documentación complexa.
8. Desenvolvemento de capacidade para avaliar criticamente a bibliografía consultada e encadrala nunha perspectiva teórica.
9. Desenvolvemento de capacidade para a identificación de problemas e a procura de solucións que sexan aplicables tanto en contextos académicos como profesionais.
10. Desenvolvemento de capacidade para interrelacionar os distintos aspectos da filoloxía.
11. Desenvolvemento de capacidade para relacionar o coñecemento filolóxico con outras áreas e disciplinas, recoñecendo o carácter interdisciplinar dos estudos lingüístico-literarios.
12. Desenvolvemento de capacidade para comprender e integrar os elementos culturais comúns en Europa.
13. Desenvolvemento de capacidade para incorporar o estudo de linguas antigas descifradas e non descifradas.
15. Acceso ás ferramentas, recursos e técnicas necesarios para desenvolverse de forma adecuada nun futuro profesional.
16. Desenvolvemento de capacidade para realizar posteriores estudos especializados, tanto nunha disciplina filolóxica como en calquera das ciencias e técnicas que requiran bos fundamentos filolóxicos.

Competencias xerais

De acordo co que figura no Marco Español de Calificacións para a Educación Superior (MECES), garantirase que os estudantes do Grao de Filoloxía Clásica desenvolvan as seguintes competencias xerais:
1. Adquisición e comprensión de coñecementos, métodos científicos e recursos de análises para (a) o estudo avanzado lingüístico e literario do grego clásico e do latín, e das súas literaturas; (b) o estudo básico/medio dunha segunda lingua e a súa literatura.
2. Habilidades para aplicar eses coñecementos e métodos para recoñecer, identificar e resolver problemas tanto no ámbito dos estudos lingüísticos e literarios como no seu ámbito profesional: docencia de linguas, asesoría e corrección lingüística, planificación lingüística, mediación comunicativa, tradución, lingüística clínica, actividades editoriais, etc.
3. Capacidade de reflexión e de pensamento crítico para describir, interpretar e valorar os feitos lingüísticos e literarios.
4. Capacidade para aplicar o razoamento indutivo e dedutivo, ao combinar a análise dos datos coa argumentación teórica.
5. Capacidade de abstracción, síntese e análise, ao extraer xeneralizacións a partir da descrición dos datos.
6. Capacidade para transmitir información, ideas, problemas e solucións sobre cuestións relativas á lingua e a literatura clásicas a un público especializado e non especializado.
7. Dominio da expresión oral e escrita, na lingua materna e noutras linguas, en distintos contextos.
8. Habilidade no manexo de ferramentas informáticas e no uso de redes que permitan establecer contactos nacionais e internacionais.
9. Habilidade para traballar en colaboración e en contextos multiculturais e multilingües.
10. Aprendizaxe autónoma de novos coñecementos e técnicas de análises.

Competencias específicas

1. Dominio da lingua grega clásica.
2. Dominio da lingua latina clásica.
3. Fluidez gramatical e comprensión necesarias para ler textos clásicos gregos e latinos.
4. Coñecemento das diferentes variantes das linguas grega e latina.
5. Coñecemento teórico e profundo das literaturas grega e latina.
6. Coñecemento profundo dos contextos históricos e culturais das literaturas grega e latina.
7. Alta competencia en tradución de textos gregos e latinos.
8. Capacidade para realizar análise e comentarios lingüísticos de textos gregos e latinos.
9. Capacidade para realizar análise e comentarios literarios de textos gregos e latinos.
10. Coñecemento profundo da fortuna e pervivencia das literaturas da antigüidade grega e latina.
11. Coñecemento da lingüística indoeuropea e das súas técnicas e métodos.
12. Coñecemento de crítica textual e de edición de textos gregos e latinos.
13. Coñecemento de disciplinas auxiliares da Filoloxía Clásica.
14. Coñecemento das técnicas e métodos das análise lingüística e literario.
15. Coñecemento das correntes teóricas e metodolóxicas da lingüística.
16. Coñecemento das correntes teóricas e metodolóxicas da teoría e crítica literarias.
17. Coñecementos de retórica e estilística.
18. Coñecemento teórico e práctico da tradución.
19. Coñecemento de ferramentas e programas e aplicacións informáticas específicas.

Saídas profesionais

O perfil docente é o maioritario nos actuais licenciados en Filoloxía Clásica, que, en todo caso, para poderen desenvolver esta actividade no ensino secundario deberán realizar a formación posgraduada específica que en cada momento estableza a lexislación vigente.

Tamén son importantes as saídas profesionais relacionadas coa actividade editorial e os medios de comunicación, sectores nos que cabe esperar un desenvolvemento crecente. Outro tanto ocorre coas actividades profesionais relacionadas coas industrias da lingua.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Recoñecemento actividades transversais:
Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Número de prazas de novo ingreso: 25

Demanda do ano anterior: 5.174 nota de corte en preinscrición curso 2012-2013

Perfil de ingreso: Aínda que non se esixe unha formación previa específica, é recomendable que o estudante teña cursado durante o bacharelato a modalidade de Humanidades e Ciencias Sociais (R. D. 1467/2007). É asimesmo recomendable que posúa as seguintes características persoais e académicas:
-Curiosidade intelectual
-Hábito de lectura
-Sensibilidade estética
-Capacidade analítica
-Capacidade crítica
-Constancia e responsabilidade no traballo
-Capacidade para o traballo en equipo
-Competencia en expresión oral e escrita
-Competencia lingüística básica nalgunha lingua estranxeira
-Competencia básica en instrumentos informáticos.

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais.
En canto ao perfil de acceso, aínda que non se esixe unha formación previa específica, é recomendable que o estudante curse durante o bacharelato a modalidade de Humanidades e Ciencias Sociais (R. D. 1467/2007).

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla curso ponte

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Un Traballo de Fin de Grao de 12 créditos, en que o estudante deberá demostrar que adquiriu as competencias asociadas ao título ao longo dos catro anos de estudo.

Prácticas en empresas: Poderán ser recoñecidos até un máximo de 6 ECTS pola realización de prácticas en empresas.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 73.9
• Taxa de éxito 10-11: 91.0
• Taxa de éxito 11-12: 92.9
• Taxa de rendemento 09-10: 55.3
• Taxa de rendemento 10-11: 63.9
• Taxa de rendemento 11-12: 76.0
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 5.24 (rango de valoración entre 1 e 7)
• Resultados enquisas 10-11: 4.37 (rango de valoración entre 1 e 7)
• Resultados enquisas 11-12: 3.96 (rango de valoración entre 1 e 5)