Máster Universitario en Estudos da Literatura e da Cultura - P5191V01 - 2013/2014

Denominación do título: Máster Universitario en Estudos da Literatura e da Cultura

Rama de coñecemento: Artes e Humanidades

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia:

Data de publicación no BOE:

Data da última acreditación:

Responsable do título:

Coordinador do título: GOMEZ PATO, ROSA MARTA

Condicións da docencia:

• Periodicidade da oferta: anual
• Tipo de ensinanza: presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Obxectivos

A variedade de liñas e contidos do Máster en Estudos da Literatura e da Cultura ofrécelle ao estudante unha completa formación e capacidades que abranguen desde os estudos literarios e culturais en diversas linguas, ata as ferramentas para a edición de textos literarios ou o emerxente campo das industrias culturais. Entre os seus obxectivos máis relevantes destacan:
-A Innovación: Achegarse, de xeito rigoroso, ao que nos últimos anos se denominou “posliteratura”, reflexionando e cuestionando o concepto máis tradicional do termo Literatura Ampliar a idea de Literatura a través da súa relación cos novos medios tecnolóxicos, de comunicación, o cine, as artes, e a diversidade xenérica, social e cultural. Afondar nos procesos de produción, interpretación e transmisión da creación literaria.
-A Especialización: Proporcionar unha visión e unha metodoloxía amplas para o análise de diversas literaturas e culturas.
-A Profesionalización: Proporcionar ao estudante capacidades e recursos suficientes para actividades profesionais en entidades públicas ou privadas ou de auto-emprego/creación de empresas relacionados coa participación cultural, os estudos literarios e a edición.

Competencias xerais

- Capacidade para aplicar os coñecementos histórico-filolóxicos, retóricos e bibliográficos necesarios para a edición da literatura.
- Capacidade para aplicar as distintas ferramentas da metodoloxía da crítica textual.
- Capacidade para comprender os fenómenos literarios dende unha perspectiva comparada en relación cos particulares contextos historiográficos e xeoculturais.
- Capacidade para abordar o concepto de texto e textualidade dun modo aberto, onde teñen espazo outras formas culturais, non estritamente literarias, atendendo ás distintas artes e a irrupción dos novos medios.
- Dominio das distintas técnicas de elaboración dun traballo de investigación no ámbito literario e cultural.

Saídas

O máster perfecciona e amplía a preparación para o ensino da literatura, para a que xa habilitan os títulos previos (de grao ou de licenciatura) e os másteres de orientación pedagóxica. O máster amosa tamén a necesidade de camiñar cara a unha moderna pedagoxía da literatura. Trátase dunha aproximación a unha auténtica pedagoxía do texto (en sentido amplo) máis axustada ás circunstancias da nosa sociedade. Este aprendizaxe reflexivo capacitará aos estudantes para interpretar textos de calquera clase mediante unha lectura lúcida e para expresarse de forma correcta. O máster facilita a incorporación a un variado abano de campos profesionais, como asesor en consellos editoriais de xornais, revistas e coleccións literarias, asistente (como documentalista e/ou investigador) de equipos de guionistas, axudante (como documentalista e/ou investigador) na dirección escénicas de espectáculos, promotor cultural, na planificación de actividades de intercambio, na organización de encontros, convencións, conferencias ou mesas redondas; no deseño de rutas literarias, tradutor e/ou adaptador de textos literarios, docencia universitaria e de ensino medio, creativo en empresas (publicidade), redactor cultural, animación sociocultural, promoción da cultura en distintas institucións, públicas o privadas, cooperación internacional no campo da cultura e o ensino, intérprete, lector de linguas, traballo en postos de diplomacia, en infraestruturas de transporte e comunicación, en catalogación, arquivos e museos. Finalmente, pero non menos importante, un máster destas características proporciona un coñecemento cultural e unha capacidade de análise, reflexión, interpretación e para a intervención e a interacción valiosas para moitos campos de actividade profesional como competencias de carácter transversal.

Xustificación

INTERESE ACADÉMICO
O máster proporciona a formación superior do alumno en literaturas específicas, clásica, española, galega, francesa, italiana, portuguesa, alemá, inglesa e catalá, así como outras literaturas europeas e universais, aportando unha perspectiva teórica, histórica, crítica e comparada cun nivel de especialización que lle permitirá perfeccionar as competencias adquiridas na etapa de grao. Ao mesmo tempo, as liñas de traballo pretenden recoller os novos paradigmas teóricos e o debate epistemolóxico e metodolóxico en torno aos Estudos literarios, da cultura e interartísticos.
INTERESE CIENTÍFICO
As disciplinas centradas nos estudos literarios ofrecen a ocasión de profundar nos procesos de produción, interpretación e transmisión da creación literaria e contribúen, polo tanto, a preservar este importante legado cultural e facilitar o seu coñecemento, lectura e valoración.
As diferentes liñas do máster abordan as obras literarias desde os puntos de vista da crítica textual, que se propón fixar o texto e anotalo, e do estudo históricoliterario e a interpretación crítica e teórica. Os grupos e proxectos de investigación participantes no máster avalan coa súa traxectoria e achegas a solvencia científica do título proposto. Non podemos esquecer, como adiantamos, a súa adhesión ao Master Mundus Crossways in Cultural Narratives (http://www .munduscrossways.eu/) , que inclúe a participación de varias universidades europeas e americanas. A Université de Perpignan Via Domitia é a universidade coordinadora e no consorcio colaboran tamén as seguintes universidades: University of St. Andrews, University of Scheffield, Universidade Nova de Lisboa, Università degli studi dei Bergamo, Adam Mickiewicz University Poznan, University of Guelph, Universidade Nacional de Entre Ríos, Universidade Iberoamericana Cidade de México, xunto coa nosa.
Este máster pretende, igualmente, integrar os Estudos literarios nun contexto cultural máis extenso, e, tamén, nunha concepción da literatura como parte da cultura e dos modos en que as comunidades clasifican o mundo e actúan nel, o que supoñerá, sen dúbida, un reforzo dunha visión cultural ampla e aberta que transcenda os límites dunha soa lingua e dunha soa nación, algo especialmente importante no momento histórico en que vivimos.
Podemos sinalar, ademais, que o máster que presentamos resulta unha oferta exclusiva e moi atractiva dentro do estado español e de Europa. Neste sentido, supón unha alternativa válida e moi útil aos másteres que se imparten nas máis prestixiosas universidades norteamericanas.
INTERESE PROFESIONAL
A formación de profesionais especializados en literatura ten como mercado laboral directo diversas institucións e empresas dedicadas á produción, custodia, conservación e difusión do libro e das obras literarias. Os coñecementos e competencias adquiridos nun máster sobre literatura proporcionan unha cualificación profesional moi útil na industria editorial, en bibliotecas e arquivos e en actividades de tipo cultural e formativo.
O máster perfecciona e amplía a preparación para o ensino da literatura, para a que xa habilitan os títulos previos (de grado ou licenciatura) e os másteres de orientación pedagóxica.
O máster demostra tamén a necesidade de camiñar cara a unha moderna pedagoxía da literatura. Trátase dunha aproximación a unha auténtica pedagoxía do texto (en sentido amplo) máis axustada ás circunstancias da nosa sociedade. Esta aprendizaxe reflexiva capacitará aos estudantes para interpretar textos de calquera clase mediante unha lectura lúcida e para expresarse (de xeito oral e escrita) de xeito correcto.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Contémplase o recoñecemento tanto dos estudos realizados no Máster en Estudo e Edición de Textos Españois e Latinoamericanos como no Máster en Estudos Teóricos e Comparados da Literatura e da Cultura.

Número de prazas de novo ingreso: 40

Demanda do ano anterior: null

Perfil de ingreso: Non se contempla

Criterios de acceso e admisión:

null

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Os estudantes realizarán e defenderán un Traballo Fin de Máster (15 ECTS). Terán a oportunidade de elixir con flexibilidade tema e titor/a grazas á ampla e variada traxectoria académica e investigadora do profesorado implicado no título.

Plan de Acción Titorial: O coordinador do programa facilitará aos alumnos orientación sobre os contidos das materias, dos procesos administrativos e das canles de información dispoñibles.
Así mesmo, o coordinador encargarase do asesoramiento sobre as materias que debe elixir o alumno tendo en conta o tema (obra, época, autor) e o tema e posibles directores do seu TFM.
Está previsto o cambio de director do TFM, que deberá ser aprobado pola Comisión Académica.
Están previstos os seguintes mecanismos de interacción:
1. Seminarios: a proporción de créditos interactivos que corresponde a cada materia fai obrigada unha presencialidad participativa por parte do alumno.
2. Sesións de tutoría: a atención a grupos reducidos permiten personalizar a docencia.
3. Dirección de TFM: o alumno manterá un contacto permanente co profesor encargado da dirección do seu TFM, que será obxecto dun seguimiento continuado nas súas diferentes fases.
4. Outras actividades: poderían organizarse actividades extra-académicas (asistencia a conferencias e congresos, a obras de teatro ou a concertos; visitas a museos ou bibliotecas), como complemento formativo.
5. Interactuación de alumnos: entre os alumnos realízanse actividades colectivas que permiten o intercambio de información, ideas e métodos de traballo, durante o desenvolvemento dos cursos e a preparación do TFM. O principal mecanismo, nos cursos, consiste en propoñer actividades en grupo, que comportan un reparto de tarefas, discusión de achegas e posta en común de conclusións.
6. Avaliación: aínda que a USC dispón dun sistema oficial de avaliación dos resultados, o propio programa dispoñerá na súa páxina web dunha sección dedicada a este fin.
Ao finalizar cada ano académico solicitarase aos alumnos que cubran este cuestionario, cuxos resultados serán analizados pola Comisión Académica e o profesorado do máster. Os profesores dispoñen dun cuestionario similar, que neste caso serve de mecanismo de autoavaliación do programa.
7. Interacción e coordinación do profesorado: ao longo do curso celebraranse diversas reunións de profesores, ou da comisión que represente a todo o profesorado do programa, cos seguintes cometidos: garantir a coherencia dos programas, do desenvolvemento do curso e dos criterios de admisión e avaliación de alumnos; comprobar a coherencia e adecuación da carga de traballo esixido ao alumno; determinar as características (nivel, contidos, extensión, forma de presentación e defensa) do TFM; levar un seguimiento personalizado de cada alumno, para resolver todos os problemas de tipo académico ou individual que poidan xurdir, con independencia da atención proporcionada polo seu particular titor.

Prácticas en empresas: O alumnado poderá realizar prácticas en empresas, institucións e fundacións que lle permitirán acadar competencias profesionais e aplicar moitos dos coñecementos adquiridos nos cursos do máster.

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade