Master Universitario en Estudos Ingleses Avanzados e as súas Aplicacións - P5201V01 - 2013/2014

Denominación do título: Master Universitario en Estudos Ingleses Avanzados e as súas Aplicacións

Rama de coñecemento: Artes e Humanidades

Centro onde se imparte:
Facultade de Filoloxía
Avda. Castelao, s/n. Campus norte
15782
Santiago de Compostela

Data da autorización de implantación do título pola Xunta de Galicia:

Data de publicación no BOE:

Data da última acreditación:

Responsable do título:

Coordinador do título: ESTEVEZ SAA, MARGARITA

Condicións da docencia:

• Periodicidade da oferta: anual
• Tipo de ensinanza: Semipresencial
• Réxime de estudo: tempo completo / tempo parcial
• Linguas de uso: Castelán Galego Inglés

Título interuniversitario:

• Universidade coordinadora: Universidade De Santiago De Compostela
• Universidades participantes: Universidade da Coruña Universidade de Vigo

Profesorado da titulación

Listaxe de profesores da titulación

Obxectivos

-Proporcionar ao estudante especialización en lingua, literatura e cultura dos países de fala inglesa, así como na relación entre o inglés e as novas tecnoloxías da información, e con disciplinas como a psicolingüística, a sociolingüística, a análise do discurso, ou os estudos de xénero entre outros. Contén asimesmo materias con obxectivos de mediación cultural, orientadas a facilitar a comunicación en ámbitos como o educativo, o xurídico ou o administrativo.

-O Máster da acceso directo ao Programa Interuniversitario de Doutoramento en Estudos Ingleses, que tamén coordina a USC. Tanto no Máster como no Programa de Doutoramento participan destacados equipos de investigación literaria e lingüística do SUG, o que permite aos estudantes aceder, ano tras ano, a numerosas Bolsas Predoutorais da Xunta, de FPU (Ministerio de Educación), FPI (Ministerio de Economía), e a contratos de investigación financiados polos propios equipos.

-O título, polos propios contidos que se imparten, reforza e amplia a formación do estudante de cara a futuras probas de acceso á función pública.

-O compoñente práctico do Máster proporciona unha primeira experiencia no ámbito laboral.

Competencias xerais

1) Capacidade para profundar naqueles conceptos, principios, teorías ou modelos relacionados cos distintos campos dos Estudos Ingleses, así como para coñecer a metodoloxía necesaria para a resolución de problemas propios da devandita área de estudo.
2) Capacidade para aplicar os coñecementos adquiridos no contorno multidisciplinar e multifacético dos Estudos Ingleses.
3) Capacidade para utilizar de forma eficiente as novas tecnoloxías da información e da comunicación no ámbito dos Estudos Ingleses.
4) Capacidade para presentar en público experiencias, ideas ou informes, así como emitir xuízos en función de criterios, de normas externas ou de reflexións persoais para o que será necesario alcanzar un dominio suficiente da linguaxe académica e científica tanto na súa vertente escrita como oral.
5) Habilidades para investigar e manexar novos coñecementos e información no contexto dos Estudos Ingleses.
6) Capacidade para adquirir un espírito crítico que leve aos estudantes a consideraren a pertinencia das investigacións existentes nas áreas de estudo que conforman os Estudos Ingleses, así como das súas propias.
7) Habilidades de consolidación e desenvolvemento da competencia lingüística (nivel C2) no uso falado e escrito da lingua inglesa. .
8) Autonomía progresiva na aprendizaxe, procuras propias de recursos e información, accedendo para iso a fontes bibliográficas e documentais sobre os distintos ámbitos que conforman os Estudos Ingleses.
9) Capacidade para realizar traballos de investigación de carácter académico nos distintos ámbitos dos Estudos Ingleses.
10) Capacidade para presentar e defender un traballo de investigación utilizando a terminoloxía e os recursos adecuados e apropiados dentro do campo obxecto de estudo.

Saídas

As novas tecnoloxías atópanse no centro de interese da proposta do máster: xeran un amplo campo relacionado coa industria do lecer e as investigacións sobre novas visións estéticas e conceptuais.

Esta proposta de máster tamén está profundamente relacionada co mundo editorial, que nestes momentos está sufrindo unha profunda transformación pola introdución das novas tecnoloxías.

As denominadas xenéricamente "industrias culturais" mobilizan importantes recursos, en moitos casos relacionados con sectores económicos e sociais importantes, como o turismo. A súa demanda está claramente vinculada á ocupación do tempo libre. A presenza de especialistas que non sexan alleos á investigación, que está detrás dese patrimonio e que ha de guiar os plans de conservación e divulgación, é esencial.

Xustificación

A proposta do máster EIAA fundaméntase sobre dous alicerces esenciais:

1) a relevancia da lingua inglesa no EEES;
2) o protagonismo da investigación sobre estudos ingleses no ámbito europeo das Humanidades nos contextos internacionais.

O inglés constitúe na actualidade unha das linguas que conta con máis falantes en todo o mundo e converteuse no idioma máis empregado e máis competitivo no contexto internacional da educación superior e a investigación. Esta preponderancia vai unida, ademais, ao papel dominante desempeñado polo sustrato cultural do mundo anglófono. O deseño do máster posibilita a comprensión das múltiples facetas que compoñen as identidades lingüísticas e culturais, a súa complexidade e dinamismo; permite ademais entender a configuración de identidades como procesos sempre abertos, nos que son esenciais a diversidad e a cultural.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 25

Demanda do ano anterior: null

Perfil de ingreso: 1. inquietude, curiosidade e sensibilidade pola investigación das manifestacións da lingua, literatura e as diferentes manifestacións culturais das sociedades anglófonas;
2. coñecementos avanzados lingüísticos e literarios, nas súas diferentes manifestacións e contextos da lingua inglesa;
3. capacidades para a comprensión e expresión orais e escritas en lingua inglesa equivalente a un nivel C1 (dominio operativo eficaz) do Marco Común Europeo de Referencia para as Linguas: aprendizaxe, ensino e avaliación;
4. habilidade para apreciar a comunicación como fenómeno complexo nunha sociedade cambiante e dinámica;
5. sensibilidade para a aceptación da diversidad cultural;
6. habilidades para o manexo de ferramentas de acceso á información;
7. capacidade para o traballo autónomo.

Criterios de acceso e admisión:

Titulacións de acceso por orde de preferencia:

1º Lic. en Filoloxía Inglesa ou grao equivalente.
2º Lic. en Filoloxía ou graos en linguas, Literaturas ou en Lingüística.
3º Lic. ou Grao en Traducción e Interpretación; en Humanidades, e en Socioloxía.
4º) Outras titulacións da Rama de Artes e Humanidades.
5º) Licenciados e graduados doutras titulacións universitarias.

Deberase acreditar coñecementos avanzados de inglés escrito e falado (recoméndase nivel C1 do Marco Común Europeo de Referencia para as Linguas).

Información actualizada en cada convocatoria de matrícula

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Este traballo de investigación ofrece ao estudante a posibilidade de elixir con flexibilidade tema e titor/a, dada a ampla e variada traxectoria académica e investigadora dos profesores implicados no título. Ademais, proporciónalle a oportunidade de comezar a súa especialización nunha determinada área dos Estudos Ingleses. É tamén, unha excelente oportunidade para preparar o estudante para unha futura investigación a nivel de douctoramento

Plan de Acción Titorial: Todos os estudantes disporán de sistemas de apoio tales como titorías presenciais ou a través de Internet que incluirán, en caso de ser necesario, información para o alumnado con discapacidade. O titor supervisará o progreso dos estudos e aconsellará ao alumno, segundo a súa formación anterior e os seus intereses, sobre a necesidade de reforzar certos aspectos da súa formación.

Prácticas en empresas: Os contidos de practicum organizaranse ao redor dos eixos seguintes e adaptaranse, no posíbel, ao perfil do alumnado, aos seus intereses profesionais e en relación co módulo optativo cursado, xa sexa este o lingüístico ou o de carácter literario/cultural:

- Familiarización coas características e funcionamento interno da empresa ou entidade onde se van realizar as prácticas correspondentes.
- Obtención de información sobre a organización, funcións, clientes e lugar que ocupa a empresa ou institución no mercado de traballo ou no panorama cultural a nivel local e, de ser o caso, a nivel nacional e internacional..
- Realización de prácticas que implique o desenvolvemento de competencias adquiridas nos dous módulos anteriores: redacción, corrección e edición de textos en inglés, tarefas de tradución, interpretación e transliteración, uso e explotación das novas tecnoloxías, práctica docente, actividades relacionadas co turismo, cos medios de comunicación e con outros ámbitos específicos onde sexa relevante o uso do inglés, etc.
- Realización de informes e memoria do Practicum.

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade