P1053210 - Arquitectura bioclimática e urbanismo (Sistemas e Procesos de Acumulación e Transporte Enerxético) - Curso 2013/2014

Información

• Créditos ECTS
• Créditos ECTS: 3.00
• Total: 3.0
• Horas ECTS
• Clase Expositiva: 9.00
• Clase Interactiva Laboratorio: 8.00
• Clase Interactiva Seminario: 4.00
• Horas de Titorías: 3.00
• Total: 24.0

Outros Datos

• Tipo: Materia Ordinaria Máster RD 1393/2007
• Departamentos: Departamento Externo
• Áreas: Área Externa para o postgrao oficial
• Centro: Facultade de Física
• Convocatoria: 2º Semestre de Titulacións de Grao/Máster
• Docencia e Matrícula: Primeiro Curso (1º 1ª vez)

Profesores

Nome	Coordinador

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIL_01	Ordinario	Clase Interactiva Laboratorio	NON	NON
Grupo /CLIS_01	Ordinario	Clase Interactiva Seminario	NON	NON
Grupo /TI-ECTS01	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
Proporcionar ao alumno os coñecementos necesarios para comprender o obxecto da arquitectura bioclimática, incluíndo o estudo da eficiencia enerxética na edificación, o que se consegue a través da integración e o aproveitamento dos recursos climáticos do ámbito. A entrada en vigor do novo Código Técnico da Edificación, e máis recentemente a directiva da Unión Europea 2010/31/UE, relativa á eficiencia enerxética dos edificios que obrigará, de aquí ao 2020 que todas as edificacións novas cumpran o requisito de ser de "consumo enerxético case nulo", abre un novo marco legal para a construción. O alumno aprenderá as solucións construtivas, materiais, sistemas de calefacción e refrixeración pasivos. Empezaremos pola arquitectura popular e veremos como o clima condicionou a arquitectura ao longo do tempo, para rematar con exemplos de arquitectura bioclimática actuais. Así mesmo, ensinarase o manexo básico de programas informáticos para a avaliación da eficiencia enerxética dos edificios, incluíndo LIDER e CALENER.
Un segundo aspecto non menos importante é o chamado "urbanismo ecolóxico", que trata de minimizar o consumo enerxético a partir da disposición de barrios e cidades, atendendo a exemplos clásicos e actuais de actuacións urbanísticas neste sentido. Analízanse en particular os catro eixes do modelo sostible de cidade na era da información e do coñecemento: compactidade, complexidade, eficiencia e estabilidade social, que poñen o acento na produción de cidade e non na mera urbanización do territorio.
Contidos
Conceptos básicos. Confort térmico e diagramas bioclimáticos. Microclima, situación e solucións construtivas populares. Elementos de acondicionamento térmico e lumínico activos e pasivos, incluíndo: captación solar pasiva; illamento e masa térmica; ventilación; aproveitamento climático do chan; espazos tapón; protección contra a radiación; sistemas evaporativo de refrixeración.

Manexo de programas informáticos axeitados.

Código Técnico da Edificación e normativa europea, coas súas implicacións na construción.
Urbanismo ecolóxico: principios. Compactidade, complexidade, eficiencia e estabilidade social.
Práctica de campo: visita a unha vivenda bioclimática.
Bibliografía básica e complementaria
• R. Serra. “Clima, Lugar y Arquitectura. Manual de diseño bioclimático”. Ed. Ciemat. Ministerio de Industria y Energía. Madrid 1989.
• M. Braungart y W. McDonough. “Cradle to Cradle. De la cuna a la cuna”. Ed. Mc. Graw-Hill. Madrid 2005.
• de Herde y J.A. González. “Arquitectura Bioclimática”. Ed. Colegio de Arquitectos de Galicia. Vigo 1997.
• G.E. Gonzalo. “Manual de Arquitectura Bioclimática”. Ed. Nobuko/O’Gorman. Buenos Aires 2003.
• Richarz, C. Schulz y F. Zeitler. “Energy-Efficiency Upgrades. Principles, Details, Examples”. Ed. Institut für internationale Architektur-Dokumentation GmbH & Co. Munich 2006.
• Varios autores. “Fundamentos Técnicos de la Calificación Energética de Viviendas”. Ed. IDEA y M. de Fomento. Madrid 1999.

Competencias
As competencias específicas que se pretenden desenvolver no alumno a partir desta materia son, sen buscar ser exhaustivas:
- Coñecer a evolución histórica da construción dende un punto de vista bioclimático.
- Coñecer os conceptos da construción bioclimática tendo en conta criterios de eficiencia enerxética.
- Coñecer os aspectos fundamentais para o deseño de edificios ecoeficientes.
- Coñecer casos existentes na actualidade de edificios bioclimáticos.
- Coñecer solucións urbanísticas que minimicen o consumo enerxético dos seus cidadáns.
Metodoloxía da ensinanza
A materia desenvolverase en 9 horas de clases maxistrais e outras 10 de seminarios de análise de caso, prácticas virtuais para fixar e contrastar a teoría e análise de casos por ordenador, visitas guiadas e titorías. Como contido da parte práctica realizarase unha visita á vivenda bioclimática inaugurada no ano 2011 no Parque Eólico de Sotavento (na fronteira entre os concellos galegos de Monfero e Xermade).
O traballo persoal supoñerá unhas 50 horas, nas que van incluídas as horas de preparación dos seminarios e a realización dun traballo sobre os contidos da materia.
Sistema de evaluación
Os criterios básicos seguidos para avaliar o alumno son:
- Asistencia obrigatoria ás clases maxistrais e ás visitas programadas (30% da nota).
- Participación en clase con achegas en forma de debate en torno aos temas presentados polo profesor (20% da nota).
- Calidade e orixinalidade do traballo individual por proposta do profesor (50% da nota). Poderíase realizar un exame tipo test en vez do devandito traballo dependendo do número de alumnos e a dispoñibilidade horaria.
Tempo de estudo e traballo persoal
A materia consta de 3 ECTS, polo que o total de horas de traballo do alumno, incluíndo actividades de avaliación é de 75 horas, estruturadas en:

- 9 horas de lección maxistral.
- 12 horas de seminarios e 3 de titorías.
- 51 horas de traballo persoal do alumno
Recomendacións para o estudo da materia
1. O estudo constante, o seguimento e interiorización ao día dos coñecementos introducidos durante as clases teóricas e de seminario, permitiranlle ao alumno un bo rendemento na materia e a optimización do seu tempo, pois poderá sacar maior proveito das clases presenciais.

2. Consultar a bibliografía recomendada.

3. Utilizar as titorías individualizadas e os seminarios dos profesores da materia para a realización dos traballos propostos.
Observacións
O alumno terá á súa disposición medios abondo para desenvolver o seu traballo nos diferentes centros nos que se impartan unidades do máster.