Máster Universitario en Ciencia e Tecnoloxía de Materiais - P1091V01 - 2013/2014

Denominación do título: Máster Universitario en Ciencia e Tecnoloxía de Materiais

Rama de coñecemento: Ciencias

Centro onde se imparte:
Facultade de Física
Rúa Xosé María Suárez Núñez, s/n. Campus sur
15782
Santiago de Compostela

Data da autorización de implantación do título pola Xunta de Galicia: Decreto 434/2009 do 3 de decembro (DOG 15/12/2009)

Data de publicación no BOE: 24/08/2010

Data da última acreditación: 12/03/2010

Responsable do título:

Coordinador do título: TABOADA ANTELO, PABLO

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Memoria da titulación

Obxectivos

a. Proporcionar unha formación especializada e avanzada en Ciencia de Materiais, que capacite para a incorporación a grupos de investigación competitivos, impartir docencia superior, así como, incorporación a empresas.
b. O máster é unha porta á investigación académica, xa que introduce na investigación o estudantado, preparándoo para a eventual realización posterior dunha tese doutoral.
c. Formar profesionais capaces de resolver problemas de moi diversa índole no mundo da universidade, industria, empresa e da administración utilizando linguaxe e ferramentas desta especialidade.
d. Ofrécese ao estudiantado un coñecemento amplo dos materiais utilizados na tecnoloxía actual, preparación, propiedades e aplicacións máis importantes.

Competencias xerais

COMPETENCIAS XERAIS:

Competencias Xerais:

a. Adquisición de coñecemento de equipos de medida de alto nivel para diversas aplicacións cubrindo as expectativas de graduados en ciencias básicas.
b. Coñecer o amplo panorama da Ciencia de Materiais actual, tanto nas súas liñas de investigación, como en metodoloxías, recursos e problemas que aborda en diversos ámbitos
c. Capacitar para análise, formulación e resolución de problemas en contornas novas ou pouco coñecidas, dentro de contextos máis amplos
d. Prepara para a toma de decisións para organizar, planificar e resolver cuestións complexas.
Competencias Profesionais

Competencias Profesionais

a. Saber deseñar, desenvolver e seleccionar materiais para aplicacións específicas.
b. Realización de estudos de caracterización, avaliación e certificación de materiais para posteriores aplicacións.
c. Saber deseñar e desenvolver procesos de produción e transformación de materiais.
d. Inspección e control de calidade dos materiais e dos procesos de produción, transformación e utilización.
e. Definición, desenvolvemento e elaboración de normativas e especificaciones referentes a materiais e as súas aplicacións.
f. Deseño, cálculo e modelización dos aspectos materiais de elementos, compoñentes, dispositivos, e equipos.
g. Avaliación da seguridade, durabilidad, e vida en servizo dos materiais.
h. Deseño, desenvolvemento e control de procesos de recuperación, reutilización e reciclaxe de materiais.
i. Dirección de industrias de produción, transformación e uso de materiais.
j. Ditames, auditorías, peritaciones e informes relacionados con competencias anteriores.
k. Xestión económica e comercial relacionada con competencias anteriores.
l. Exercicio da docencia e da investigación.

COMPETENCIAS ESPECÍFICAS:

a. Coñecer os fundamentos de ciencias experimentais: matemáticas, física, química, bioloxía e xeoloxía, aplicables a Ciencia de Materiais.
b. Coñecer os métodos numéricos e modelización.
c. Coñecer o comportamento mecánico, electrónico, magnético, térmico e óptico de materiais
d. Coñecer o comportamento químico e biolóxico, así como a estrutura, natureza e caracterización de materiais.
e. Coñecer a enxeñería de superficies.
f. Reutilización, recuperación e reciclaxe de materiais.
g. Obtención e procesamiento de materiais.
h. Calidade e xestión de proxectos de enxeñería
i. Economía e organización de procesos industriais.
j. Tecnoloxía e aplicacións de materiais.

Saídas

Defínense cinco perfís profesionais
1.- Produción de Materiais
a. Deseño, selección e optimización de materiais.
b. Procesos de produción e transformación de materiais.
c. Deseño e cálculo de materiais para dispositivos e compoñentes.
d. Reutilización, recuperación e reciclaxe de materiais.
2.- Control de Materiais.
a. Caracterización, avaliación, e control de calidade de materiais.
b. Mantemento e durabilidade de materiais.
c. Seguridade e predición de vida útil de materiais.
3.- Xestión e servizos relacionados cos materiais.
a. Análise e homologación.
b. Consultoría, auditoría e peritaxes.
c. Xestión de materiais en servizos públicos e sanitarios.
4.- Medio ambiente e uso sustentable de materiais.
a. Patrimonio e conservación de edificios e obras de arte.
b. Sistemas de xestión ambiental.
c. Xestión de residuos.
5.- Investigación e docencia en Materiais.
a. Estudos de prospectiva.
b. I+D+I en Ciencia e Enxeñaría de materiais.
c. Docencia universitaria.
d. Docencia non universitaria.

Xustificación

A Ciencia e Tecnoloxía de Materiais é un campo de coñecemento interdisciplinar que abranxe o estudo da estrutura, propiedades, procesamento e aplicacións de metais, cerámicas, polímeros e materiais compostos; engloba os coñecidos materiais estruturais, e un sen fin de materiais funcionais e nanomateriais: biomateriais, materiais magnéticos, materiais ópticos, vidros, amorfos, etc. Ademais, este campo de estudo ten un gran desenvolvemento nos países máis adiantados, e está fortemente relacionado coa súa capacidade tecnolóxica e industrial, e xa que logo, co seu PIB.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 26

Demanda do ano anterior: null

Perfil de ingreso: Non se contempla

Criterios de acceso e admisión:

Modalidade: con límite de prazas e criterios xerais

Licenciaturas e Graos en Ciencias Experimentais e da Saúde
Enxeñarías Superiores e Técnicas

Información actualizada en cada convocatoria de matrícula

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Para presentar o Traballo de Fin de Máster será necesario superar todas as materias obrigatorias do primeiro cuadrimestre. No momento da presentación do traballo o alumno deberá ter superado todos os demais créditos necesarios para o título.

Plan de Acción Titorial: A Comisión Académica do máster nomeará un titor para cada un dos alumnos, que non terá que ser necesariamente o seu futuro director de tese, e cuxas funcións principais serán a de atender o seu alumno, derivando as cuestións que este lle suscite ás canles adecuadas, e a de facer un seguimento que permita localizar posíbeis dificultades académicas co adianto suficiente para ser corrixidas.

Prácticas en empresas: Non se contemplan

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade