G5091519 - Introdución á gramática galega (Introducción ao estudo da lingua e a literatura galegas) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 32.00
• Clase Interactiva Seminario: 16.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Filoloxía Galega
• Áreas: Filoloxías Galega e Portuguesa
• Centro: Facultade de Humanidades
• Convocatoria: 1º Semestre de Titulacións de Grao/Máster
• Docencia e Matrícula: null

Profesores

Nome	Coordinador
ARES VAZQUEZ, MARIA DEL CARMEN.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIS_01	Ordinario	Clase Interactiva Seminario	SI	NON
Grupo /TI-ECTS01	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
•Ser capaz de realizar pequenas análises lingüísticas.

•Coñecer os conceptos básicos da gramática e ser capaz de aplicalos en traballos de creación propia.

•Reflexionar sobre a estrutura da lingua galega.

Contidos
1. Fonética articulatoria: os segmentos fonéticos. A transcrición fonética.

2. A palabra e a súa estrutura interna.
2.1. A noción de estruturas paralelas.
2.2. Definicións de morfoloxía. Relacións entre fonoloxía e morfoloxía; entre morfoloxía e sintaxe.
2.3. Breve repaso dos conceptos básicos.
2.4. Teoría clásica do morfema. Problemas.
2.5. A noción de paradigma e as propiedades morfosintácticas. Tipos.
2.6. As clases de palabras
2.7. Problemas na distinción entre flexión e derivación.
2.8. Composición.

3. A sintaxe
3.1. ¿Que é a sintaxe?
3.2. As relacións sintagmáticas.
3.3. Coordinación e subordinación; unidades simples, complexas e compostas.
3.4. Tipos de frases. Argumentos e satélites.
3.5. As funcións sintácticas. Constituíntes e marcas. Relacións da representación sintáctica e a conceptual. As convencións de ligazón.
3.6. Catálogo de funcións sintácticas.
3.7. As construcións pasivas, anticausativas.
3.8. A estrutura informativa.

Bibliografía básica e complementaria

Álvarez, R. e X. Xove (2002): Gramática da lingua galega. Vigo: Galaxia.
Álvarez, Rosario / Xosé Luís Regueira / Henrique Monteagudo (1986): Gramática galega. Vigo: Galaxia.
Andrade, A.e M.do Céu Viana (1996): “Fonética”, en Isabel Hub Faria et alii: Introdução à Linguistica Geral e Portuguesa. Lisboa: Caminho, pp. 115-167.
Azuaga, L. (1996): “Morfologia”, en Isabel Hub Faria et alii (eds.): Introdução à Linguistica Geral e Portuguesa, Lisboa: Caminho, pp. 215-246.
Catford, J. C. (1988): A practical introduction to phonetics. Oxford: Clarendon Press.
Culicover, P. (2008): Natural Language Syntax. Oxford: OUP.
Fernández Planas, Ana María (2005): Así se habla: nociones fundamentales de fonética general y española: apuntes de catalán, gallego y euskara, Barcelona: Horsori.
Freixeiro Mato, Xosé Ramón (2000): Gramática da lingua galega III. Morfosintaxe. Vigo: A Nosa Terra.
Freixeiro Mato, Xosé Ramón (1998): Gramática da lingua galega I. Fonética e fonoloxía. Vigo: A Nosa Terra.
García-Miguel, L. M. E C. Cabeza (2000): “Sintaxe”, en Ramallo et alii (eds.) Manual de ciencias da linguaxe, Xerais: Vigo, pp. 543-584.
González Pereira, M. e F. Albertuz Carneiro (2000): “Morfoloxía”, en Ramallo et alii (eds.): Manual de ciencias da linguaxe. Vigo: Xerais, pp. 585-627.
Martínez Celdrán, E. (2001): Introducción á Fonética. Vigo: Galaxia.
Matthews, P. H. 1991 Morphology. Second Edition. Cambridge: Cambridge University Press. Existe tradución española da primeira edición (1974): Morfología. Madrid: Paraninfo, 1980.
Pena, J. (1991): “La palabra: estructura y procesos morfológicos”, en Verba 18, pp. 69-128.
Regueira Fernández, X.L. (Coord.) (1998): Os sons da lingua. Vigo: Xerais.
Spencer, A. (2000): “Morphology”, en M. Aronoff e J. Rees-Miller The Handbook of linguistics. Oxford: Blackwell, pp. 213-237.
Vidal Figueiroa, T. (2000): “Fonética e Fonoloxía”, en Ramallo et alii (eds.) Manual de ciencias da linguaxe. Xerais: Vigo, pp. 629-719.

Competencias
- Competencias específicas:

• Ser capaz de crear unha análise lingüística, seguindo un método claro e coherente cunha teoría.
• Nun nivel básico, ser capaz de avaliar a coherencia e resultado dos traballos de investigación lingüística galega.


- Competencias transversais:

• Localizar e seleccionar de forma crítica a información que se precise a nivel de bibliografía e fontes.
• Elaborar con rigor os traballos de síntese bibliográfica.
• Elaborar por escrito e/ou expor oralmente os traballos realizados a partir da bibliografía ou fontes.
• Razoar de forma crítica as principais cuestións que os textos ou as fontes achegan.



Metodoloxía da ensinanza
- Sesións expositivas: para a introdución dos conceptos teóricos e metodolóxicos de análise lingüística, aplicados a datos da lingua galega. A explicación apoiarase moitas veces na lectura e comentario de textos e na exposición e comentario de exemplos.

- Sesións de seminario: traballaranse algúns contidos vistos nas sesións expositivas. Faranse comentarios de lecturas, exposicións de traballos e exercicios de diverso tipo. N.B.: as lecturas e traballos que se encarguen son de realización obrigatoria. Escusa vir ós seminarios quen non teña as lecturas e exercicios feitos.

- Titorías personalizadas: serán de asistencia obrigatoria, dentro das posibilidades docentes. Dedicaranse ó comentario de textos de lectura e coñecemento obrigatorio e á resolución das posibles dúbidas. N.B.: Escusa vir ás titorías quen non teña as lecturas feitas.

- Actividades do curso: exercicios, traballos, exposicións, comentarios... de carácter obrigatorio que serán recollidos nas aulas. Algúns deles terán carácter non presencial e deberán ser entregados nas datas que no seu momento se indiquen. Constitúen un elemento fundamental na avaliación e na nota final do curso.

- Lecturas: elemento fundamental. Ao longo do curso encargarase unha serie de lecturas obrigatorias, que se deberán preparar en horas non-presenciais. Sobre elas traballarase posteriormente nas sesións presenciais.

- Platarforma Moodle: Usarase a plataforma Moodle da USC para o traballo coa materia. Os alumnos deberán estar atentos ó seu correo rai.usc.es.



Sistema de evaluación
A avaliación da consecución das competencias esixidas terá en conta:

A) A asistencia ás clases é obrigatoria; valorarase a participación nas clases. Valorarase a asistencia ás clases así coma a participación do alumno nas mesmas a través de comentarios, exercicios, reflexións.... Só se permiten 5 faltas sen xustificar. Esta parte suporá un 10% da cualificación global.

B) Actividades do curso: Ao longo do curso, o profesor recollerá diversos traballos e exercicios, tanto de elaboración presencial como non-presencial e ben individuais, ben feitos en grupo. Así mesmo, será obrigatoria a realización de exposicións. Valorarase a calidade e, no seu caso, a orixinalidade, así como o deseño e presentación. A avaliación destas actividades supoñerá un 30% da nota final.

C) Contidos da materia: realizarase un exame escrito. Valorarase o dominio do código normativo, da coherencia e cohesión textual e dos contidos teórico-prácticos. O exame escrito un 60%. É imprescindible obter unha cualificación igual ou superior a 4 para superar a materia.

D) Os alumnos que non poidan asistir regularmente á clase deben obter unha dispensa outorgada polo Decanato e deberán realizar unha serie de traballos e lecturas personalizadas, a maiores das que fan os compañeiros que asisten regularmente ás clases. A profesora porá datas límites para a entrega destes traballos; non se recollerán traballos máis alá do último día das clases; cada traballo non entregado sumará 0 nas notas. Deben comunicar á profesora esta situación antes do 15 de outubro. Neste caso, os traballos sumarán o 40% da nota final; o 60% restante obterase nos exames oficiais correspondentes.

A aqueles alumnos que suspendan a materia en xaneiro e que deban acudir á convocatoria do mes de xullo gardaráselles as notas (A) de participación e (B) das actividades do curso. N.B.: As notas de participación nas aulas (A) e as das actividades de curso (B) serán as usadas para computar a nota da convocatoria de xullo, xunto coa que obteñan nese exame. Os que suspendan en xaneiro deberán, polo tanto, repetir só o exame (C) de contidos da materia. Aprobar o exame escrito final de xullo é unha condición necesaria pero non suficiente para aprobar a materia. O mesmo vale para os alumnos con dispensa de asistencia: o 40% da nota corresponderase coa obtida nos traballos de curso, tanto na convocatoria de xaneiro coma na de xullo.

ATENCIÓN: Os alumnos que superen as faltas de asistencia sen xustificar perderán o dereito á avaliación continua. Isto significa que terán 0 nas notas de asistencia e de traballos de clase (aínda que entregasen traballos e tivesen cualificacións positivas nestes apartados, terán 0 de tódolos xeitos). A súa nota final calcularase co 0 de asistencia, o 0 de traballo de clase e o 60% da nota do exame.





Tempo de estudo e traballo persoal
O cálculo da carga docente para esta materia queda so seguinte xeito:

Horas de estudo e preparación de actividades: 150
Sesións de seminario: 16
Sesións expositivas: 32
Sesións de titoría programadas: 3
Sesións de avaliación: 3
Realización de traballos de diverso tipo: 30
Lecturas: 25
Preparación de exames: 35
Outras actividades: asistencia a cursos, conferencias, etc. 6

Recomendacións para o estudo da materia
Recoméndase a asistencia ás clases presenciais, nas que se darán as pautas e orientacións precisas para a realización do traballo autónomo e permitirán levar un seguimento continuado do traballo realizado polo alumnado mediante a participación na aula e a realización dos diversos traballos.