Grao en Ciencias da Cultura e Difusión Cultural - G5101V01 - 2013/2014

Denominación do título: Grao en Ciencias da Cultura e Difusión Cultural

Rama de coñecemento: Artes e Humanidades (como rama principal). Ciencias Sociais e Xurídicas.

Centro onde se imparte:
Facultade de Humanidades
Complexo docente do campus de Lugo.
27002
Lugo

Data da autorización de implantación do título pola Xunta de Galicia: Decreto 150/2010 do 16 de setembro (DOG 23/09/10

Data de publicación no BOE: 22 de febreiro de 2011

Data da última acreditación: 3/05/2010

Responsable do título:

Coordinador do título: GONZALEZ REY, Mª ISABEL

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Francés Galego Inglés Portugués

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Información adicional (memoria, publicación BOE, Coordinadores da titulación ....)

Obxectivos

1. Formación multidisciplinar do estudante, dentro do campo das Letras e das Ciencias sociais e xurídicas.
2. Desenvolvemento da súa capacidade para relacionar os contidos das distintas disciplinas do ámbito humanístico.
3. Respectar a diversidade étnica, lingüística e cultural e valorar a necesidade de conservar a devandita diversidade.
4. Coñecemento dos diversos procesos históricos que conduciron, ao longo dos séculos, ao mundo de hoxe.
5. Comprender as raíces da nosa cultura e os procesos diacrónicos da sociedade e do pensamento humano que conduciron ao mundo de hoxe.
6. Reflexión sobre os problemas do mundo actual, con obxecto de analizalos desde unha posición crítica e construtiva.
7. Familiarización do estudante cos diferentes sectores que conviven no ámbito da cultura entre os seres humanos: as canles, soportes e mecanismos de difusión cultural, as linguas naturais (nas súas vertentes oral e escrita), os códigos alternativos (como a lingua de signos), os espectáculos audiovisuais (cine e teatro)…
8. Preparación para o desempeño de actividades profesionais relacionadas co mundo da cultura.

Competencias xerais

- Adquisición da capacidade de aprendizaxe autónoma para posuír a versatilidade necesaria nun mundo complexo e cambiante.
- Desenvolvemento da capacidade comunicativa para facilitar a expresión de ideas e o establecemento de relacións sociais
- Capacidade de deseñar e analizar programacións culturais.
- Capacidade para o comentario razoado de obras artísticas pertencentes a distintas modalidades, épocas e estilos.
- Habilidade na procura e a documentación para a comunicación cultural.

Competencias específicas

- Docencia: Docente nos ensinos superiores ou medios para impartir materias humanísticas e relacionadas coa produción, xestión e difusión cultural.
- Produción e xestión cultural en institucións públicas e privadas: Profesional que deseña, planifica e organiza os recursos humanos, medios técnicos e orzamentarios para a produción e xestión cultural tanto en institucións públicas como privadas.
- Sector editorial: Profesional especializado en tarefas de asesoramento editorial, capacitado para levar a cabo a edición dun produto cultural, con coñecementos técnicos e artísticos.
- Produción e difusión de eventos culturais: Profesional especializado na organización de eventos, con capacidade de liderado e coñecementos polivalentes sobre contidos relacionados con bens e servizos culturais.
- Xestión de bens e servizos culturais: Profesional especializado en xestionar bens culturais e distribuílos adecuadamente a través das canles de difusión contemplados.

Saídas profesionais

O obxectivo do Máster é primeramente reforzar a formación no campo da produción e difusión cultural dos futuros humanistas, permitíndolles unha mellor inserción no campo laboral da xestión e difusión cultural en institucións públicas e privadas, sector editorial e de deseño e produción de eventos culturais, canles de distribución (editoriais, redes sociais, cine, teatro, ficción audiovisual, multimedia), museos, etc.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Os estudantes poderán obter ata un máximo de 12 créditos optativos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (1) linguas estranxeiras; (2) lingua galega, e (3) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

A normativa da USC que regula estes recoñecementos é:

1. Acordo CG do 4 de xullo de 2008: http://www.usc.es/sxa/normativa/ficheiros/XA0635.PDF
2. Resolución Reitoral do 5/5/2009 (procedemento): http://www.usc.es/sxa/normativa/ficheiros/XA0677.PDF
3. Resolución reitoral 21/12/2009 que modifica ou anexo I do acordo do CG de 4 de xullo de 2008: http://www.usc.es/sxa/normativa/ficheiros/XA0700.PDF

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Ciencias da Cultura e Difusión Cultural [pdf - 2569 kb][Actualizado: 25/11/10]

Número de prazas de novo ingreso: 35

Demanda do ano anterior: 5.884 nota de corte en preinscrición curso 2012-2013

Perfil de ingreso: Aínda que non se esixe ningunha formación previa específica, para o ingreso no grao en Ciencias da Cultura e Difusión Cultural recoméndase que o alumno tivese cursado a rama humanística do bacharelato (R.D. 1467/2007, BOE do 6 de novembro, polo que se estabelece a estrutura do bacharelato e fíxanse as ensinanzas mínimas). Ademais sería desexábel que tivese as seguintes calidades:
- Percepción do devir histórico.
- Capacidade de relación de feitos históricos co seu contexto actual.
- Interese polos movementos estéticos, ideolóxicos e políticos do s. XX.
- Capacidade de razoamento lóxico.
- Gusto pola lectura e a obra literaria.
- Gusto pola contemplación da obra de arte e sensibilidade estética.
- Interese e capacidade comunicativa nunha lingua estranxeira.
- Interese polos produtos audiovisuais de fición, a súa produción e difusión.
- Gusto pola claridade e rigor na exposición e na argumentación.
- Actitude crítica e inclinación á reflexión, o razoamento e o diálogo.

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos.
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos.

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: poderase realizar unha vez superados os 198 créditos de curso obrigatorio. No momento da presentación do traballo o alumno deberá ter superados todos os demais créditos necesarios para o título de grao, isto é, polo menos 234 ECTS.

Prácticas en empresas: Prácticas Externas Optativas
De acordo co Art. 12.6 do R.D. 1393/2007, os estudantes poderán obter recoñecemento académico por realización de prácticas externas relacionadas co título dun máximo de 6 créditos optativos, segundo o acordado polo centro.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: -
• Taxa de éxito 10-11: 80.3
• Taxa de éxito 11-12: 85.9
• Taxa de rendemento 09-10: -
• Taxa de rendemento 10-11: 45.6
• Taxa de rendemento 11-12: 71.4
• Taxa de eficiencia 09-10: Dispoñible a partir do curso 2013-14
• Taxa de eficiencia 10-11: Dispoñible a partir do curso 2013-14
• Taxa de eficiencia 11-12: Dispoñible a partir do curso 2013-14
• Taxa de graduación 09-10: Dispoñible a partir do curso 2014-15
• Taxa de graduación 10-11: Dispoñible a partir do curso 2014-15
• Taxa de graduación 11-12: Dispoñible a partir do curso 2014-15
• Taxa de abandono09-10: Dispoñible a partir do curso 2014-15
• Taxa de abandono10-11: Dispoñible a partir do curso 2014-15
• Taxa de abandono11-12: Dispoñible a partir do curso 2014-15
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: -
• Resultados enquisas 10-11: 5.62 (rango de valoración entre 1 e 7)
• Resultados enquisas 11-12: 4.46 (rango de valoración entre 1 e 5)