Licenciatura en Matemáticas - 091V01 - 2013/2014

Directrices Xerais:R.D. 1416/1990 do 26 de outubro (BOE 20 de novembro de 1990)

Plan de estudios:Resolución 1 de marzo de 2001 (BOE 16 de marzo de 2001)

Corrección de erros:

Complementos de formación:Orde 10 de decembro de 1993 (BOE 27 de decembro de 1993)

Extinción: 2008/09: 1º curso sen docencia, con dereito a exame. 2009/10: 1º curso sen docencia, último con dereito a exame. 2º curso sen docencia, con dereito a exame. 2010/11: 2º curso sen docencia, último con dereito a exame. 3º curso sen docencia, con dereito a exame. 2011/12: 3º curso sen docencia, último con dereito a exame. 4º curso sen docencia, con dereito a exame. 2012/13: 4º curso sen docencia, último con dereito a exame. 5º curso sen docencia, con dereito a exame 2013/14: 5º curso sen docencia, último con dereito a exame.

Obxectivos formativos

• Coñecer a natureza, métodos e fins dos distintos campos da Matemática xunto cunha certa perspectiva histórica do seu desenvolvemento. • Recoñecer a presenza da Matemática subxacente na Natureza, na Ciencia, na Tecnoloxía e na Arte. Recoñecer á Matemática como parte integrante da Cultura. • Desenvolver as capacidades analíticas e de abstracción, a intuición e o pensamento lóxico e rigoroso a través do estudo da Matemática. • Capacitar para a utilización dos coñecementos teóricos e prácticos adquiridos na definición e formulación de problemas e na procura das súas solucións tanto en contextos académicos como profesionais. • Preparar para posteriores estudos especializados, tanto nunha disciplina matemática como en calquera das ciencias que requiren bos fundamentos matemáticos.

Coñecementos e competencias

a) Coñecementos. Métodos e técnicas básicas das Matemáticas nun nivel que permita utilizalas con eficacia para a realización de tarefas con contido matemático na vida laboral como son o cálculo nunha e varias variables reais, álxebra lineal, ecuacións diferenciais, funcións de variables complexas, probabilidade, estatística, métodos numéricos, xeometría de curvas e superficies, estruturas alxebraicas e matemática discreta. b) Competencias teóricas: • Comprender e utilizar a linguaxe matemática. Adquirir a capacidade para enunciar proposicións en distintos campos da Matemática para construír demostracións e para transmitilas • Coñecer demostracións rigorosas dalgúns teoremas clásicos en distintas áreas da Matemática. • Asimilar a definición dun novo obxecto matemático, en termos doutros xa coñecidos, e ser capaz de utilizar este obxecto en diferentes contextos. • Saber abstraer as propiedades estruturais (de obxectos matemáticos, da realidade observada e doutros ámbitos) distinguíndoas daquelas puramente ocasionais e poder comprobalas con demostracións e refutalas con contraexemplos, así como identificar erros en razoamentos incorrectos. c) Competencias prácticas • Resolver problemas de Matemáticas, mediante habilidades de cálculo básico e outras técnicas. • Propoñer, analizar, validar e interpretar modelos de situacións reais sinxelas, utilizando as ferramentas matemáticas adecuadas aos fins que se perseguen. • Planificar a resolución dun problema en función das ferramentas de que se dispoña e das restricións de tempo e recurso. d) Competencias instrumentais • Utilizar aplicacións informáticas de distinta índole (análise estatístico, cálculo numérico e simbólico, visualización gráfica e outras semellantes) para experimentar en Matemáticas e resolver problemas • Desenvolver programas que resolvan problemas matemáticos utilizando para cada caso o entorno computacional adecuado • Utilizar ferramentas de busca de recursos bibliográficos en Matemáticas • Comunicar, tanto por escrito como de forma oral, coñecementos, procedementos, resultados e ideas matemáticas e) Características especiais do alumno. Afección polas matemáticas e a física. Interese científico.

Características educativas

a) Características xerais: - Título homologado de 1º e 2º ciclo. Duración 3+2 anos - Total de créditos: 300 que se distribúen en Troncais (155), Obrigatorios (64,5), Optativos (50.5) e Libre configuración (30) b) Características específicas Establécense no segundo ciclo tres orientacións: - Estatística e Investigación Operativa: o alumno ten que cursar os 39 créditos optativos das materias vinculadas a esta orientación - Matemática Aplicada: o alumno ten que cursar os 36 créditos optativos vinculados a esta orientación - Matemática Pura: o alumno ten cursar os 30 créditos optativos vinculados a esta orientación. O alumno pode optar por non cursar ningunha delas

Saídas profesionais

O título da Licenciatura en Matemáticas cualifica para a formulación matemática, análise, resolución e, de ser o caso, tratamento informático de problemas de diversos campos interdisciplinares das ciencias básicas, ciencias sociais e da vida, enxeñaría, finanzas, consultoría, etc. con vistas ás aplicacións, os desenvolvementos científicos e/ou a docencia. En consecuencia, os Matemáticos desenvolven a súa actividade en: gabinetes de investigación empresarial, de asistencia técnica, de inspección ou informáticos. Centros de cálculo, de planificación de estudos económicos e de estatística. Departamentos de informática e planificación na empresa e na banca. Actuarios, auditorías e consultorías. Departamentos universitarios, academias, Institutos de Bacharelato, etc. Especificacións profesionais: asesoramento técnico. Realización de programas informáticos, telecomunicacións… Análise de sistemas. Estatística, investigación operativa. Deseño de mostraxes de medición e predicións. Administración de bancos de datos. Simulación e análise de procesos, modelado... Docencia en ensino secundario e universitario.

Exame final / Título de grao

Título de grao: Modalidade Memoria de Investigación Modalidade. Exame

Programas de intercambio

a) SÓCRATES-ERASMUS: intercambio con universidades europeas: Francia: Université du Maine, Université des Sciences et des Technologies de Lille, Université Claude Bernard,(Lyon I), Université de Compiegne, Ecole Nationale Super. D¨Arts et metiers, Université Pierre et Marie Curie (Paris VI); Portugal: Universidade do Minho, Universidade do Porto; Reino Unido: University of Southampton; Alemaña: Universitat Bielefeld, Universitat Trier; Italia: Univ. Degli Studi di Genova, Univ. Studi Roma «La Sapienza» Romanía: Universitatea Bucaresti, Universitatea de vest din Timisoara; Polonia: Uniw. Jagiellonski b) SICUE-SÉNECA: intercambio con universidades españolas: Autónoma de Madrid, Cádiz, Complutense de Madrid, Estremadura, Granada, Málaga, Murcia, Oviedo, Sevilla, Barcelona

Prácticas en empresas

O plan de estudos recolle a posibilidade de outorgar 30 créditos por equivalencia pola realización de prácticas de empresas, institucións públicas ou privadas. Os créditos poden ser optativos ou de libre configuración, onde 30 horas=1 crédito Pódense realizar prácticas en empresas a través do Consello Social, sendo os créditos outorgados de libre configuración.

Requisitos para a admisión

*Desde COU: A, Científico Tecnolóxica; B Biosanitarias + PAAU *Desde Bacharelato LOXSE: 1.Científico Tecnolóxico; 2 Ciencias da Saúde + PAAU *Probas de acceso para maiores de 25 anos *Acceso ao segundo ciclo: Título de Diplomado en Estatística + Complementos de formación

Acceso a outros estudos posteriores

*Co primeiro ciclo da Licenciatura de Matemáticas pódese acceder aos seguintes estudos da Universidade de Santiago de Compostela: Lic. en Xornalismo + complementos de formación Lic. en Comunicación Audiovisual + complementos de formación Lic. en Humanidades + complementos de formación *Estudos poslicenciatura -Terceiro Ciclo - Cursos de posgrao

Requisitos para a admisión

*Desde COU: A, Científico Tecnolóxica; B Biosanitarias + PAAU *Desde Bacharelato LOXSE: 1.Científico Tecnolóxico; 2 Ciencias da Saúde + PAAU *Probas de acceso para maiores de 25 anos *Acceso ao segundo ciclo: Título de Diplomado en Estatística + Complementos de formación

Acceso a outros estudos posteriores

*Co primeiro ciclo da Licenciatura de Matemáticas pódese acceder aos seguintes estudos da Universidade de Santiago de Compostela: Lic. en Xornalismo + complementos de formación Lic. en Comunicación Audiovisual + complementos de formación Lic. en Humanidades + complementos de formación *Estudos poslicenciatura -Terceiro Ciclo - Cursos de posgrao

Acceso 2º Ciclo

• Coñecer a natureza, métodos e fins dos distintos campos da Matemática xunto cunha certa perspectiva histórica do seu desenvolvemento. • Recoñecer a presenza da Matemática subxacente na Natureza, na Ciencia, na Tecnoloxía e na Arte. Recoñecer á Matemática como parte integrante da Cultura. • Desenvolver as capacidades analíticas e de abstracción, a intuición e o pensamento lóxico e rigoroso a través do estudo da Matemática. • Capacitar para a utilización dos coñecementos teóricos e prácticos adquiridos na definición e formulación de problemas e na procura das súas solucións tanto en contextos académicos como profesionais. • Preparar para posteriores estudos especializados, tanto nunha disciplina matemática como en calquera das ciencias que requiren bos fundamentos matemáticos.

Créditos necesarios para obter a titulación