Grao en Medicina - G2051V01 - 2013/2014

Denominación do título: Grao en Medicina

Rama de coñecemento: Ciencias da Saúde

Centro onde se imparte:
Facultade de Medicina e Odontoloxía
R/ de San Francisco, s/n
15782
Santiago de Compostela

Data da autorización de implantación do título pola Xunta de Galicia: Decreto 150/2010 do 16 de setembro (DOG 23/09/10)

Data de publicación no BOE: 3 de marzo de 2011

Data da última acreditación: 30/06/2010

Responsable do título:

Coordinador do título: GESTAL OTERO, JUAN JESUS

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Publicación BOE

Memoria da titulación

Obxectivos

O obxectivo fundamental do título de Graduado en Medicina pola Universidade de Santiago de Compostela é formar médicos:

 Desde o respecto aos dereitos fundamentais e de igualdade entre homes e mulleres
 Cunha compresión das ciencias básicas, clínicas e sociais adecuadas para a toma de decisións, o razoamento e o xuízo clínico que mostren actitudes apropiadas á ética e as responsabilidades legais,
 Respectando as distintas culturas, opinións, crenzas e costumes da persoa enferma e a súa familia que coñezan, comprendan e respecten a función e competencia doutros profesionais sanitarios dispostos a participar no seu desenvolvemento profesional continuado

Competencias xerais

 Recoñecer os elementos esenciais da profesión médica, incluíndo os principios éticos, as responsabilidades legais e o exercicio profesional centrado no paciente.
 Comprender e recoñecer a estrutura e función normal do corpo humano, a nivel molecular, celular, tisular, orgánico e de sistemas, nas distintas etapas da vida e nos dous sexos.
 Ter capacidade para elaborar un xuízo diagnóstico inicial e establecer unha estratexia diagnóstica razoada
 Adquirir experiencia clínica adecuada en institucións hospitalarias, centros de saúde ou outras institucións sanitarias
 Comunicarse de modo efectivo e claro, tanto de forma oral como escrita, cos pacientes, os familiares, outros profesionais e os medios de comunicación.
 Coñecer e recoñecer os determinantes de saúde na poboación, tanto os xenéticos como os dependentes do sexo e estilo de vida, demográficos, ambientais, sociais, económicos, psicolóxicos e culturais.
 Ter, na actividade profesional, un punto de vista crítico, creativo, con escepticismo construtivo e orientado á investigación.
 Comprender a importancia e as limitacións do pensamento científico no estudo, a prevención e o manexo das enfermidades.

Competencias específicas

 Coñecer e recoñecer as bases da conduta humana normal e as súas alteracións.
 Comprender e recoñecer os axentes causantes e factores de risco que determinan os estados de saúde e o desenvolvemento da enfermidade.
 Comprender e recoñecer os efectos do crecemento, o desenvolvemento e o envellecemento sobre o individuo e a súa contorna social.
 Comprender e recoñecer os efectos, mecanismos e manifestacións da enfermidade sobre a estrutura e función do corpo humano.
 Obter e elaborar unha historia clínica que conteña toda a información relevante.
 Indicar a terapéutica máis adecuada dos procesos agudos e crónicos máis prevalentes, así como dos enfermos en fase terminal.
 Expor e propor as medidas preventivas adecuadas a cada situación clínica.
 Saber utilizar as tecnoloxías da información e a comunicación nas actividades clínicas, terapéuticas, preventivas e de investigación.
 Ser capaz de formular hipóteses, colleitar e valorar de forma crítica a información para a resolución de problemas, seguindo o método científico.

Saídas profesionais

A profesión regulada relacionada co título é a de Médico. O Grao en Medina pola USC cumpre o estabelecido na Orde ECI/332/2008, do 13 de febreiro, pola que se estabelecen os requisitos para a verificación dos títulos universitarios oficiais que habiliten para o exercicio da profesión de Médico.

As saídas profesionais diríxense preferentemente á Formación Médica Especializada (Médico Interno Residente), así como á investigación e á Xestión Sanitaria. Sen esquecer saídas profesionais como a Administración de Xustiza, no caso dos Forenses, etc.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Os estudantes poderán obter ata un máximo de 12 créditos optativos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (1) linguas estranxeiras; (2) lingua galega, e (3) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

A normativa da USC que regula estes recoñecementos é:

 Acordo CG do 4 de xullo de 2008: http://www.usc.es/sxa/normativa/ficheros/XA0635.PDF
 Resolución Reitoral do 5/5/2009 (procedemento): http://www.usc.es/sxa/normativa/ficheros/XA0677.PDF
 Resolución reitoral 21/12/2009 que modifica o anexo I do acordo do CG de 4 de xullo de 2008: http://www.usc.es/sxa/normativa/ficheros/XA0700.PDF

Adaptacións: A adaptación da anterior titulación está regulada polas resolucións reitoriais:

Resolución de Adaptación ao Grao en Medicina  (anulada pola RR do 4/06/2012) [pdf - 3497 kb][Actualizado: 21/9/10]

Resolución de Adaptación ao Grao en Medicina (modificación do 4/06/2012) [pdf - 2554 kb][Actualizado: 11/9/12]

Número de prazas de novo ingreso: 380

Demanda do ano anterior: 11.78 nota de corte en preinscrición curso 2012-2013

Perfil de ingreso: Aínda que non se contemplan condicións nin probas de acceso especiais, considérase que o futuro alumno de medicina debe posuír vocación pola profesión de médico, espírito de servizo, capacidade de traballo de forma intensa e continua durante un periodo de tempo moi prolongado, capacidade e aptitude para traballar en equipo e comprometido coa xestión dos recursos. Os alumnos que accedan á titulación de grao en medicina deben posuír unha axeitada formación, a nivel preuniversitario, en bioloxía e química. Tamén sería desexábel que adicionalmente a tivesen en física, ademais de soltura no uso das matemáticas.

Criterios de acceso e admisión: Os xerais para as titulacións de grao.
Non existen condicións nin probas especiais para o acceso ao grao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: O alumno redactará unha memoria cos contidos propostos como traballo, recorrendo ás fontes de información bibliográfica, consulta de datos clínicos, experimentais, epidemiolóxicos, etc. O alumno recibirá a supervisión para a elaboración do traballo dun Titor.
Para a presentación e defensa do traballo é necesario ter superados todos os créditos da titulación.

Prácticas en empresas: Prácticas Tuteladas
Prácticas preprofesionais, en forma de rotatorio clínico independente e cunha avaliación final de competencias, nos Centros de Saúde, Hospitais e outros centros asistenciais e que permita incorporar os valores profesionais, competencias de comunicación asistencial, razoamento clínico, xestión clínica e xuízo crítico, así como a atención aos problemas de saúde máis prevalentes nas áreas de Medicina, Cirurxía, Obstetricia e Xinecología, Pediatría, Psiquiatría e outras áreas clínicas.
Para a súa realización recoméndase ter superados todas as materias dos módulos III e IV.
Prácticas Externas Optativas
As prácticas externas en período non lectivo poderanse levar a cabo en Institucións Sanitarias de ámbito nacional e internacional recoñecidas pola Comisión de Calidade do Centro e/ou Responsable de Calidade do Centro. A actividade en dedicación a tempo parcial durante un mes implicará o recoñecemento de 3 ECTS, sempre que se xustificou fehacientemente alcanzar as competencias previamente establecidas. O alumno poderá realizar varios destes períodos de prácticas.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: -
• Taxa de éxito 10-11: 91.2
• Taxa de éxito 11-12: 90.5
• Taxa de rendemento 09-10: -
• Taxa de rendemento 10-11: 83.9
• Taxa de rendemento 11-12: 85.3
• Taxa de eficiencia 09-10: Dispoñible a partir do curso 2013-14
• Taxa de eficiencia 10-11: Dispoñible a partir do curso 2013-14
• Taxa de eficiencia 11-12: Dispoñible a partir do curso 2013-14
• Taxa de graduación 09-10: Dispoñible a partir do curso 2014-15
• Taxa de graduación 10-11: Dispoñible a partir do curso 2014-15
• Taxa de graduación 11-12: Dispoñible a partir do curso 2014-15
• Taxa de abandono09-10: Dispoñible a partir do curso 2014-15
• Taxa de abandono10-11: Dispoñible a partir do curso 2014-15
• Taxa de abandono11-12: Dispoñible a partir do curso 2014-15
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: -
• Resultados enquisas 10-11: 4.66 (rango de valoración entre 1 e 7)
• Resultados enquisas 11-12: 3.73 (rango de valoración entre 1 e 5)