Máster Universitario en Ciencias Odontolóxicas-ed. 2 - P2072V01 - 2013/2014

Denominación do título: Máster Universitario en Ciencias Odontolóxicas-ed. 2

Rama de coñecemento: Ciencias da Saúde

Centro onde se imparte:
Facultade de Medicina e Odontoloxía
R/ de San Francisco, s/n
15782
Santiago de Compostela

Data da autorización de implantación do título pola Xunta de Galicia: Decreto 150/2010 de 16 de setembro (DOG 23/09/2010)

Data de publicación no BOE: 28/02/2011

Data da última acreditación: 12/11/2010

Responsable do título:

Coordinador do título: GALLAS TORREIRA, MARIA MERCEDES

Condicións da docencia:

• Periodicidade da oferta: anual
• Tipo de ensinanza: presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora: Universidade De Santiago De Compostela
• Universidades participantes:

Profesorado da titulación

Listaxe de profesores da titulación

Memoria da titulación

Obxectivos

1.- Iniciar o alumnado nos avances técnicos e científicos en todos os niveis da área.
2.- Outorgar ao alumnado información precisa e actualizada, teórica e práctica, sobre os contidos do Máster.
3.- Proporcionar ao alumnado unha visión global da área de coñecemento desde unha perspectiva científica.
4.- Formar ao alumnado en metodoloxía da investigación aplicable no ámbito da Odontoloxía.

Competencias xerais

COMPETENCIAS XERAIS
- Saber aplicar as técnicas adecuadas para a resolución dun problema concreto de Odontoloxía, e poder levar a cabo un proxecto de investigación na materia baixo supervisión.
- Poder emitir xuízos sobre hipóteses, propostas experimentais ou experimentos xa realizados do campo da Odontoloxía.
- Ser capaz de traballar en equipo nun ambiente multidisciplinar para conseguir obxectivos comúns desde perspectivas diferenciadas.
- Ser capaz de comunicar as súas propostas, experimentos, resultados, conclusións e críticas tanto ante públicos especializados como non especializados.
- Posuír as habilidades de aprendizaxe necesarias para manterse ao día no campo da Odontoloxía e empregar técnicas de forma autónoma.
COMPETENCIAS ESPECIFICAS
- Coñecer os procesos biolóxicos esenciais que manteñen o equilibrio na célula e nos tecidos do organismo e que ven alterados na patoloxía humana.
- Coñecer as alteracións subxacentes ás enfermidades orais máis comúns e de maior relevancia social.
- Coñecer o marco legal no que se desenvolve a investigación odontolóxica e ser capaz de emitir xuízos autónomos sobre as implicacións éticas desta investigación.
- Desenvolver habilidades prácticas no laboratorio, aplicables a investigación básica en Odontoloxía.

Saídas

SAÍDAS PROFESIONAIS:
A orientación do máster é investigadora, polo que probablemente a maioría dos alumnos que superen este curso continúen a súa formación realizando unha Tese doutoral, ben no programa no que está integrado este Máster, ben noutros programas doutras universidades no ámbito da Odontoloxía ou a Biomedicina.

Xustificación

A oferta do presente título de Master, pretende ser o referente do estudante de posgrao cuxa motivación principal sexa a investigación, por encima do perfil profesionalizante ou clínico cuxa oferta de formación seralle proporcionada, neste último caso, por diferentes vías.
Para iso, aquel graduado en Odontoloxía interesado máis na investigación, que na propia práctica clínica, debe ter a oportunidade de ampliar os seus coñecementos nestes aspectos e estar preparado para liderar e traballar en grupos e proxectos de investigación, sen perder nunca a perspectiva clínica e práctica tan importante nesta especialidade.
O presente Master en Investigación pretende ofertar unha saída profesional digna e de calidade ao
estudante de Odontoloxía, que non pretenda comezar a súa actividade laboral coa práctica clínica privada/pública, senón que pola contra predominen motivacións académicas ou desexos de traballar en I+ D +i, último punto este pobremente demandado pola nosa profesión.
Esta filosofía científica, será a base da formación do alumno de posgrao en Odontoloxía, derivando cara a unha carreira puramente académica, colaborando en Programas de I+ D+ i na industria, ou ben simplemente actuando durante a súa práctica clínica coa rigurosidade científica de esta especialidade.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 22

Demanda do ano anterior: null

Perfil de ingreso: Non se contempla

Criterios de acceso e admisión:

Modalidade: Máster con límite de prazas e criterios específicos.

Titulacións por orde de preferencia:
1º) Licenciatura en odontoloxía

2º) Licenciatura en medicina: especialidades en estomatoloxía e en maxilofacial.

Consultar a información actualizada en cada convocatoria anual de matrícula

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Traballo de investigación tutelado de 30 ECTS

Plan de Acción Titorial: Nos primeiros días de clase o coordinador do Máster organizará unha sesión informativa para comunicar aos alumnos cales son os obxectivos xerais da titulación, as competencias e destrezas que se alcanzarán coa formación ofrecida, así como para dar unha visión xeral da etapa formativa.
Tamén durante os primeiros días de clase e con obxecto de manter aberta de forma dinámica unha vía de comunicación permanente cos alumnos, a Comisión Académica nomeará un titor para cada un dos alumnos, que non terá que ser necesariamente o seu futuro director de tese e cuxas funcións principais serán a de atender ó seu titorando, derivando as cuestións que este lle suscite ás canles adecuadas, e a de efectuar un seguimento que permita localizar posibles dificultades académicas co adianto suficiente para ser corrixidas (orientación académica para elección de optativas, itinerarios, etc.).

Prácticas en empresas: Non se contemplan

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade