G2041106 - Bioestatística (Formación Básica) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 24.00
• Clase Interactiva Laboratorio: 18.00
• Clase Interactiva Seminario: 6.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Estatística e Investigación Operativa
• Áreas: Estatística e Investigación Operativa
• Centro: Facultade de Óptica e Optometría
• Convocatoria: 2º Semestre de Titulacións de Grao/Máster
• Docencia e Matrícula: Primeiro Curso (1º 1ª vez)

Profesores

Nome	Coordinador
COLADAS URIA, LUIS.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIL_01	Ordinario	Clase Interactiva Laboratorio	NON	NON
Grupo CLIL_02	Ordinario	Clase Interactiva Laboratorio	NON	NON
Grupo CLIL_03	Ordinario	Clase Interactiva Laboratorio	NON	NON
Grupo CLIL_04	Horarios	Clase Interactiva Laboratorio	NON	NON
Grupo CLIS_01	Ordinario	Clase Interactiva Seminario	SI	NON
Grupo CLIS_02	Ordinario	Clase Interactiva Seminario	SI	NON
Grupo TI-ECTS01	Ordinario	Horas de Titorías	NON	NON
Grupo TI-ECTS02	Ordinario	Horas de Titorías	NON	NON
Grupo TI-ECTS03	Ordinario	Horas de Titorías	NON	NON
Grupo TI-ECTS04	Ordinario	Horas de Titorías	NON	NON
Grupo TI-ECTS05	Ordinario	Horas de Titorías	NON	NON
Grupo TI-ECTS06	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Dotar ao alumnado das técnicas estatísticas indispensables na experimentación en Óptica e Optometría. Capacitalo para a análise de datos e para o razoamento estatístico. Aprender o manexo da folla de cálculo pola súa propia utilidade e para a resolución de problemas estatísticos.

Contidos
Tema 1. Estatística descritiva
Introdución á Estatística. Variables. Distribucións de frecuencias. Representacións gráficas. Medidas de posición e de dispersión.
Tema 2. Probabilidade
Experimento aleatorio. Espazo mostral. Sucesos. Probabilidade. Probabilidade condicionada. Independencia de sucesos. Regra do produto, lei de probabilidades totais e teorema de Bayes. Sensibilidade, especificidade, valores preditivos positivo e negativo.
Tema 3. Variables aleatorias
Variables aleatorias discretas e continuas. Distribucións de probabilidade: función de masa, función de densidade e función de distribución. Medidas dunha variable aleatoria. Independencia entre variables aleatorias. A distribución binomial e a distribución normal. Aproximación da distribución binomial pola distribución normal.
Tema 4. Estimación e intervalos de confianza
Introdución á Inferencia Estatística. Estimación de parámetros. Intervalos de confianza para a proporción e para a media e a varianza dunha poboación normal.
Tema 5. Contrastes de hipóteses
Introdución. Hipóteses nula e alternativa. Tipos de erros nun contraste de hipóteses. Nivel de significación e potencia dun test. Etapas na resolución dun contraste de hipóteses. O nivel crítico ou "p-valor". Contrastes de hipóteses para unha proporción e para a media e a varianza dunha poboación normal.
Tema 6. Comparación de poboacións
Comparación de dúas medias, con varianzas coñecidas e descoñecidas. Comparación de dúas proporcións. Análise da varianza cun só factor.
Tema 7. Modelos de regresión
Introdución aos modelos de regresión: o modelo lineal simple. Estimación dos parámetros: o método dos mínimos cadrados. Inferencia sobre os parámetros. Descomposición da variabilidade. O test F. Coeficiente de correlación e coeficiente de determinación. Predición.

Bibliografía básica e complementaria
O profesor distribuirá, a través do curso virtual, apuntamentos adaptados aos contidos do programa.

Recoméndase tamén a consulta dos seguintes libros:
Cao, R. e outros. (2001): “Introducción a la Estadística y sus aplicaciones”, Ed. Pirámide.
Daniel, W.W. (2002): “Bioestadística. Base para el análisis de las ciencias de la salud”, Limusa Wiley.
Milton, J.S. (2007): “Estadística para Biología y Ciencias de la Salud”, McGraw-Hill-Interamericana.
Rosner, B. (2005): “Fundamentals of Biostatistics”, Duxbury Press.

Competencias
Capacitar ao alumnado para a realización de análises de datos da Óptica e a Optometría, e para a aplicación das ferramentas estatísticas necesarias para o resumo e presentación de resultados.
Formular e avaliar modelos estatísticos de uso común nas Ciencias da Saúde.
Adquirir destreza no manexo da folla de cálculo e no seu uso para resolver os problemas estatísticos.

Metodoloxía da ensinanza
Impartiranse dúas horas expositivas semanais en aula con encerado, onde se aprenderán os contidos teóricos da materia e os procedementos de resolución dos problemas prácticos.
Inclúense tamén dúas horas interactivas semanais, a maioría (en torno a 18 horas) en aula de informática, onde se aprenderá o uso da folla de cálculo para a aplicación das técnicas estatísticas. Outras horas interactivas (en torno a 6 horas) serán en aula con encerado, nas que se resolverán exercicios e se debaterán os conceptos da materia.
Recolleranse e corrixiranse as tarefas propostas nas actividades interactivas, o que formará parte da avaliación.
Farase uso da ferramenta da USC Virtual.

Sistema de evaluación
A cualificación final será o resultado dun exame final teórico-práctico, que corresponderá ao 70% da cualificación final, e da avaliación das actividades interactivas, que será o 30% restante na cualificación final.

Tempo de estudo e traballo persoal
En xeral, catro horas adicionais por semana, de estudo e traballo persoal, que complementen a asistencia a clases, deberían resultar suficientes.

Recomendacións para o estudo da materia
Para superar con éxito a materia é conveniente a asistencia ás clases, tanto expositivas como interactivas. Así mesmo, a resolución e revisión dos exercicios propostos ao longo do curso deberán servir para acadar os obxectivos deste curso.