Grao en Óptica e Optometría - G2041V01 - 2013/2014

Denominación do título: Grao en Óptica e Optometría

Rama de coñecemento: Ciencias da Saúde

Centro onde se imparte:
Facultade de Óptica e Optometría
Campus Sur
15782
Santiago de Compostela

Data da autorización de implantación do título pola Xunta de Galicia: Decreto 150/2010 do 16 de setembro (DOG 23/09/10)

Data de publicación no BOE: 19 de febreiro de 2011

Data da última acreditación: 03/05/2010

Responsable do título:

Coordinador do título: GIRALDEZ FERNANDEZ, MARIA JESUS

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Información adicional (memoria, publicación BOE, Curso Ponte, ...)

Obxectivos

O título de Grao en Óptica e Optometría pola USC ten como obxectivo formar titulados en Óptica e Optometría altamente cualificados para o coidado da saúde visual mediante o desenvolvemento de actividades dirixidas á prevención, detección, avaliación e tratamento das alteracións da visión, que dean resposta ás demandas da sociedade

Competencias xerais

1. Que os graduados e as graduadas posúan e comprendan os coñecementos que definen e articulan á Óptica e Optometría como disciplina científica
2. Que saiban aplicar estes coñecementos para identificar, articular e resolveren problemas no ámbito da Óptica e Optometría
3. Que teñan capacidade para reunir e interpretar datos, información e resultados relevantes relativos á Óptica e Optometría
4. Que estean capacitados para continuar a súa formación e aprendizaxe cun alto grao de autonomía
5. Que teñan capacidade para abordar a súa actividade profesional e formativa desde o respecto ao Código Deontolóxico do Óptico-Optometrista

Competencias específicas

1. Coñecer, deseñar e aplicar programas de prevención e mantemento relacionados coa saúde visual da poboación
2. Valorar e incorporar os avances tecnolóxicos necesarios para o correcto desenvolvemento da súa actividade profesional
3. Ser capaz de planificar e executar proxectos de investigación
4. Demostrar que posúe coñecementos, habilidades e destrezas na atención sanitaria do paciente
5. Adquirir a capacidade para realizar unha xestión clínica centrada no paciente, na economía da saúde e o uso eficiente dos recursos sanitarios
6. Recollida de datos na elaboración de historias clínicas
7. Realizar e relacionar as probas instrumentais en cada caso clínico
8. Emitir un diagnóstico e recomendar o tratamento e /ou compensación acomodados
9. Prevención de anomalías oculares e visuais.
10. Detección de anomalías oculares e visuais.
11. Manexo de instrumentación

Saídas profesionais

Esta titulación capacita para exercer a profesión de óptico-optometrista, de acordo con:

-A Lei 44/2003, de 21 de novembro, de ordenación das profesións sanitarias (BOE nº 280, de 22 de novembro de 2003).
-A Resolución do 5 de febreiro de 2009, da Secretaría de Estado de Universidades, pola que se publica o Acordo do Consello de Ministros, polo que se establecen as condicións ás que se deberán adecuar os plans de estudos conducentes á obtención de títulos que habiliten paara o exercicio da profesión regulada de Óptico- Optometrista (BOE do 17 de febreiro de 2009)
-Orde Ministerial CIN/727/2009, de 18 de marzo pola que se establecen os requisitos para a verificación dos títulos que habiliten para o exercicio profesional de Óptico-Optometrista (BOE nº 73 de 26 de marzo de 2009).

Os optometristas exercen labores de atención primaria da saúde visual, que comprende a refracción e adaptación de axudas visuales, detección/diagnóstico e manexo das enfermidades do ollo e a rehabilitación das diferentes condicións anómalas do sistema visual

Nos últimos anos obsérvase un incremento progresivo na demanda de atención visual por parte da poboación tanto nos establecementos ópticos, como nos centros de saúde e consultas de oftalmología. Calcúlase que o 58% da poboación española acode aos establecementos sanitarios de óptica para a atención primaria de saúde visual

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Os estudantes poderán obter ata un máximo de 12 créditos optativos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (1) linguas estranxeiras; (2) lingua galega, e (3) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

A normativa da USC que regula estes recoñecementos é:

 Acordo CG do 4 de xullo de 2008: http://www.usc.es/sxa/normativa/ficheros/XA0635.PDF
 Resolución Reitoral do 5/5/2009 (procedemento): http://www.usc.es/sxa/normativa/ficheros/XA0677.PDF
 Resolución reitoral 21/12/2009 que modifica o anexo I do acordo do CG de 4 de xullo de 2008: http://www.usc.es/sxa/normativa/ficheros/XA0700.PDF

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Óptica e Optometría

[pdf - 542 kb][Actualizado: 21/9/10]

Número de prazas de novo ingreso: 60

Demanda do ano anterior: 6.84 nota de corte en preinscrición curso 2012-2013

Perfil de ingreso: É recomendábel que o/a estudante posúa as seguintes características persoais e académicas:

- Interese por aspectos relacionados coa saúde e a calidade de vida
- Compromiso social
- Compromiso ético
- Curiosidade científica
- Habilidade para as relacións interpersoais
- Constancia e responsabilidade no traballo
- Capacidade de traballo en equipo
- Capacidade de análise
- Capacidade de resolución de problemas e toma de decisións
- Competencia en expresión oral e escrita
- Competencias lingüísticas en castelán e galego
- Competencia lingüística en inglés, polo menos suficiente para a lectura de textos
- Competencia en ferramentas informáticas básicas

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Os alumnos/as que conten coa Diplomatura en Óptica e Optometría, para obteren o título de Graduado/a en Óptica e Optometría pola USC, deberán cursar as seguintes materias:

-Microbioloxía (6 ECTS)
-Fundamentos da Farmacoloxía Xeral (4,5 ECTS)
-Fundamentos da Patología Xeral (4,5 ECTS)
-Prácticas Tuteladas (15 ECTS)
-Saúde Pública (6 ECTS)
-Deontoloxía e lexislación (4,5 ECTS)
-Enfermidades Oculares II (4,5 ECTS)
-Traballo fin de grao (9 ECTS)

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Os traballos fin de grao consistirán na elaboración, por parte do alumnado, dun traballo orixinal no que se acrediten os coñecementos e destrezas adquiridas durante os estudos realizados na titulación. Incluirá, como mínimo, tarefas de busca e revisión bibliográfica, lectura e integración de información, elaboración de información relevante, redacción e presentación e defensa.

Prácticas en empresas: Prácticas Tuteladas
As Practicas Tuteladas constitúen unha materia obrigatoria no curriculum do Grao en Óptica e Optometría que teñen como obxecto proporcionar ao alumno a posibilidade de aplicar os coñecementos adquiridos de acordo coas competencias que marca a ficha ministerial. Preténdese que o futuro óptico-optometrista se integre no ámbito profesional, preparándoo para realizar actividades ás que se van dedicar no seu futuro exercicio profesional.
Poderanse realizar en establecementos sanitarios de óptica, centros de saúde, clínicas, hospitais e empresas do sector.
Para poder matricularse será necesario superar os tres primeiros cursos do grao.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: -
• Taxa de éxito 10-11: 88.6
• Taxa de éxito 11-12: 79.1
• Taxa de rendemento 09-10: -
• Taxa de rendemento 10-11: 81.6
• Taxa de rendemento 11-12: 67.0
• Taxa de eficiencia 09-10: Dispoñible a partir do curso 2013-14
• Taxa de eficiencia 10-11: Dispoñible a partir do curso 2013-14
• Taxa de eficiencia 11-12: Dispoñible a partir do curso 2013-14
• Taxa de graduación 09-10: Dispoñible a partir do curso 2014-15
• Taxa de graduación 10-11: Dispoñible a partir do curso 2014-15
• Taxa de graduación 11-12: Dispoñible a partir do curso 2014-15
• Taxa de abandono09-10: Dispoñible a partir do curso 2014-15
• Taxa de abandono10-11: Dispoñible a partir do curso 2014-15
• Taxa de abandono11-12: Dispoñible a partir do curso 2014-15
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: -
• Resultados enquisas 10-11: 4.83 (rango de valoración entre 1 e 7)
• Resultados enquisas 11-12: 3.45 (rango de valoración entre 1 e 5)