Grao en Ciencia Politica e da Administración - G3011V01 - 2013/2014

Denominación do título: Grao en Ciencia Politica e da Administración

Rama de coñecemento: Ciencias Sociais e Xurídicas

Centro onde se imparte:
Facultade de Ciencias Políticas e Sociais
Avda. Dr. Ángel Echeverri, s/n. Campus sur
15782
Santiago de Compostela

Data da autorización de implantación do título pola Xunta de Galicia: 30/08/2008

Data de publicación no BOE: 16/02/2009

Data da última acreditación: 28/05/2008

Responsable do título:

Coordinador do título: ARIAS FERNANDEZ, MARIA ANTONIA

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE

Memoria da titulación

Obxectivos

• Espertar nos estudantes o interese pola aprendizaxe dos conceptos, métodos e técnicas fundamentais da Ciencia Política e da Xestión Pública.
• Coñecer a natureza e os principais métodos aplicables ao obxecto do estudo das diferentes disciplinas, dende a perspectiva histórica da súa xénese e desenvolvemento.
• Situar as disciplinas da Ciencia Política e da Xestión Pública como parte das Ciencias Sociais.
• Proporcionar unha formación sólida e autónoma en Ciencia Política e da Administración.
• Conciliar a formación sólida nos fundamentos das ciencias sociais coas habilidades necesarias para a aplicación destes coñecementos á práctica profesional
• Xerar mediante o seu estudo a capacidade crítica de análise que lle permita avaliar e deseñar alternativas en ámbitos institucionais, de políticas públicas e de xestión.
• Capacitar ao estudante para aprender con autonomía e para a elaboración de respostas propias aos problemas obxecto de estudo.

Competencias xerais

• Coñecemento do ámbito académico.
• Saber aplicar coñecementos de forma profesional.
• Emitir xuízos, elaboración de análise e capacidade crítica.
• Identificar e transmitir ideas, problemas e solucións.
• Capacidade para seguir aprendendo. Capacidade de auto-aprendizaxe.

Competencias específicas

• As que lle permitan a especialización con posgraos específicos da disciplina
• A adquisición dos coñecementos e habilidades que favorezan a súa incorporación á vida profesional neste senso; as prácticas perfilarán a orientación profesional dos estudantes.
• Que lle permita ao estudante desenvolver proxectos de investigación ou incorporarse ao mundo da investigación en temas propios da disciplina.
• Que lle permitan competir no mercado laboral con outros titulados facendo da versatilidade da súa formación un valor engadido para o traballo en organizacións complexas.

Saídas profesionais

O exercicio profesional oriéntase a diversos ámbitos e actividades:
- Dar conta de obxectivos de avance da calidade das democracias contemporáneas, fornecendo argumentos, hipóteses e investigacións dispoñibles para ese efecto.
- Reforzar o exercicio da cidadanía nas súas diferentes dimensións, aportando instrumentos, métodos e técnicas de análises na investigación dos fenómenos políticos dos sistemas de goberno, das administracións e do deseño e avaliación das políticas públicas.
- Desenvolver un abanico de destrezas profesionais, respecto dos procesos de reforma do estado e da administración pública, así como as novas modalidades de xestión pública.
- Reforzar un achegamento científico e rigoroso á interpretación da realidade política actual nas súas diferentes dimensións, e aportar materiais para a xeración de cambios que configuren novos escenarios e que xeren desde a innovación novos retos profesionais.

Con esta titulación hai novos mercados que se abren co desenvolvemento das administracións locais e autonómicas, da consultoría, das necesidades do marketing de xestión e de servizos, da xestión da participación cidadá ou das ONGs.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Ciencia Política e da Administración [pdf - 436 kb][Actualizado: 7/10/10]

Número de prazas de novo ingreso: 125

Demanda do ano anterior: 6.152 nota de corte en preinscrición curso 2012-2013

Perfil de ingreso: Non se esixe ningunha formación previa específica para o ingreso. Precisamente un dos atractivos e fortalezas desta titulación é estar igualmente aberta a alumnos procedentes das ramas de ciencias ou de humanidades.
Nesta orde de cousas, os primeiros anos da titulación fortalecen a formación complementaria das diferentes traxectorias previas: en estatística aplicada ás ciencias sociais para os que veñen de humanidades, e de historia do pensamento e das institucións para os procedentes de ciencias.
Cualidades desexables do futuro estudante:
- Comprensión e análise de textos
- Boa expresión escrita e oral
- Capacidade de síntese e argumentación
- Habilidade para a resolución de problemas
- Interese pola vida política
- Boa disposición para o traballo en equipo.

Criterios de acceso e admisión: Os requisitos de acceso son os xerais para as titulacións de grao.
Non se establece ningunha formación previa específica para o ingreso no grao, non obstante serían desexable que os futuros alumnos do Grao de Ciencia Política e da Administración posuísen capacidade para a:
• comprensión e análise de textos
• boa comprensión oral e escrita
• capacidade de síntese e argumentación
• habilidade para resolución de problemas
• interese pola vida política
• boa disposición para o traballo.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: 30 créditos ECTS de carácter obrigatorio que consistirá nun traballo individual realizado polo estudante titorizado por un profesor que se deberá defender de forma pública e mediante o que o estudante poderá amosar as competencias adquiridas Co Grao de Ciencias Políticas e da Administración. Este traballo deberá permitirlle ao estudante o desenvolvemento das capacidades de escritura, análise e exposición pública, fundamentais para o perfil profesional do grao.

Prácticas en empresas: De carácter obrigatorio e 30 ECTS. Para o seu desenvolvemento a Facultade asinou un importante número de convenios con empresas persoais e administracións públicas que garantirán a súa realización. As prácticas estarán titorizadas por profesorado do centro e polas empresas ou administracións nas que se realicen.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 84.8
• Taxa de éxito 10-11: 84.5
• Taxa de éxito 11-12: 84.7
• Taxa de rendemento 09-10: 68.8
• Taxa de rendemento 10-11: 66.5
• Taxa de rendemento 11-12: 70.3
• Taxa de eficiencia 09-10: -
• Taxa de eficiencia 10-11: -
• Taxa de eficiencia 11-12: 98.5
• Taxa de graduación 09-10: Dispoñible a partir do curso 2012-13
• Taxa de graduación 10-11: Dispoñible a partir do curso 2012-13
• Taxa de graduación 11-12: Dispoñible a partir do curso 2012-13
• Taxa de abandono09-10: Dispoñible a partir do curso 2012-13
• Taxa de abandono10-11: Dispoñible a partir do curso 2012-13
• Taxa de abandono11-12: Dispoñible a partir do curso 2012-13
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.46 (rango de valoración entre 1 e 7)
• Resultados enquisas 10-11: 4.57 (rango de valoración entre 1 e 7)
• Resultados enquisas 11-12: 3.65 (rango de valoración entre 1 e 5)