Guía do Prácticum do Grao en Psicoloxía

Para realizar o Prácticum o/a alumno/a ten que preinscribirs e matricularse na materia. A matrícula ten como requisito haber superado alomenos150 créditos obrigatorios, incluindo a totalidade dos de 1º e 2º curso do Grao.

Os/as estudantes que estean en situación de cumprir os requisitos no primeiro semestre do curso, deben realizar igualmente a preinscrición, asegurándose de marcar no formulario dispoñible ao efecto a seguinte opción:  "Aspiro a cumprir os requisitos para matricularme no Prácticum no 2º  semestre "

Recoméndase a os/as estudantes que estean nesta situación que se matriculen no Prácticum no segundo prazo ordinario de matrícula.

⇒AVISO. Os/as estudantes que estean en situación de cumprir os requisitos no primeiro semestre do curso, deben tamén asistir ó curso sobre código deontolóxico (ver punto 6).

A Unidade de Xestión o Prácticum asignará as prazas tendo en conta as preferencias dos/as solicitantes e utilizando como criterios de selección o expediente académico e a residencia familiar. Ademais, para a incorporación a algúns centros de prácticas, pódese requirir ter superado algunha(s) materia(s) concreta(s) do plano de estudos, de especial vinculación co tipo de actividade profesional que se desenvolva neles.

A cada alumno/a se lle asignará un titor ou titora profesional (no centro de prácticas) e un titor ou titora académico/a (na Facultade).

No período de prácticas o alumnado non poderá asistir a clases nin realizar exames na Facultade.

O/a alumno/a se incorporará ao centro de prácticas seguindo as indicacións do seu titor ou titora academico/a, de quen recibirá a autorización para tomar contacto co centro asignado e a seguinte información/documentación:

- Credencial do/a alumno/a de prácticas

- Compromiso de confidencialidade

- Cuestionario de avaliación do Prácticum

- Datos de contacto co centro de prácticas e condicións de incorporación

- Programa de actividades

Os/as alumnos elaborarán unha memoria do Prácticum que entregarán ao seu titor/a académico/a. Como pauta xeral, esta conterá a descrición do centro de prácticas, das actividades realizadas para o desenvolvemento das competencias profesionais e unha valoración persoal do/a estudante. Cada titor ou titora proporcionará directrices concretas para a memoria, en función das características do centro de prácticas ó que acuda o alumnado.

Ofrécese un modelo de memoria, elaborado pola Unidade de Xestión do Prácticum en coordinación co Servizo de Normalización Lingüística da USC.

⇒AVISO. Os/as alumnos que teñan intención de defender o seu TFG en xullo, deben asegurarse de entregar a memoria do Prácticum coindindo co período de cualificacións de xuño.