Licenciatura en Psicoloxía - 081V01 - 2013/2014

Directrices Xerais:R.D. 1428/1990 do 26 de outubro (BOE 20 de novembro de 1990)

Plan de estudios:Resolución 20 de setembro de 2001 (BOE 12 de outubro de 2001)

Corrección de erros:Resolución 30 de novembro de 2001 (BOE 19 de decembro de 2001)

Complementos de formación:

Extinción: 2009/10: 1º curso sen docencia, con dereito a exame. 2010/11: 1º curso sen docencia, último con dereito a exame. 2º curso sen docencia, con dereito a exame. 2011/12: 2º curso sen docencia, último con dereito a exame. 3º curso sen docencia, con dereito a exame. 2012/13: 3º curso sen docencia, último con dereito a exame. 4º curso sen docencia, con dereito a exame. 2013/14: 4º curso sen docencia, último con dereito a exame. 5º curso sen docencia, con dereito a exame 2014/15: 5º curso sen docencia, último con dereito a exame.

Obxectivos formativos

Capacitar para a comprensión e a intervención sobre o comportamento humano, normal ou patolóxico, a nivel individual e social, analizando a conduta de persoas e grupos sociais. Preténdese, polo tanto, aportar unha perspectiva integral do individuo que permita actuar en calquera ámbito no que participa o ser humano; para iso é preciso adquirir un dominio de técnicas e instrumentos, ademáis de coñecementos axeitados a cada área de investigación ou intervención.

Coñecementos e competencias

Trátase de que os/as estudantes adquiran un coñecemento o máis exhaustivo posíbel de: • Os procesos psicolóxicos básicos que rexen o funcionamento biopsicosocial do individuo • As leis que rexen o desenvolvemento evolutivo del individuo ao longo de todo o ciclo vital • Método científico e os procedementos estatísticos que resultan de aplicación na psicoloxía • Os trastornos psicolóxicos e as técnicas de intervención terapéutica e preventiva propias da psicoloxía • As características dos diferentes ámbitos nos que se aplican na actualidade os coñecementos da psicoloxía Trátase, ademais, de que desenvolvan as competencias e destrezas necesarias para aplicar estes coñecementos na súa práctica profesional, o que implica: • Aplicar os coñecementos, técnicas e métodos da psicoloxía á práctica profesional, adaptándoos ao contexto, ás necesidades e ás demandas • Identificar problemas e/ou necesidades, establecer obxectivos, planificar as intervencións, avaliar o seu desenvolvemento e introducir as modificacións pertinentes • Habilidades de comunicación interpersoal, para obter a información relevante e adaptar o estilo de comunicación ao interlocutor/a • Manexar as fontes científicas para a actualización dos coñecementos • Aplicar o código deontolóxico na práctica profesional

Características educativas

a) Características xerais Título homologado de primeiro e segundo ciclo organizado en cinco anos (3+2) e cunha carga lectiva de 300 créditos (180 no primeiro ciclo e 120 no segundo) distribuídos entre troncais, obrigatorios, optativos e de libre configuración. Para acceder ao segundo ciclo debe superarse o 60% dos créditos troncais e obrigatorios do primeiro ciclo (91 créditos) b) Características específicas O 1º ciclo componse de 102,5 créditos troncais, 13,5 obrigatorios, 4.5 optativos e 24 de libre configuración No 2º ciclo establécense tres especialidades ou orientacións curriculares: Psicoloxía Clínica (18,5 créditos vinculados e 17,5 da especialidade) Psicoloxía Social e do Traballo (16,5 créditos vinculados e 19,5 da especialidade) Intervención en Psicoloxía Evolutiva e da Educación (18,5 créditos vinculados e 17,5 da especialidade) O 2º ciclo inclúe o Prácticum, materia troncal de 9 créditos consistente en prácticas realizadas en dispositivos de atención e asistencia psicolóxica da comunidade autónoma cos que existen convenios de colaboración para tal fin. Os/as estudantes que opten por realizar unha destas orientacións deberán cursar, dos 44,5 créditos optativos, polo menos 36 créditos correspondentes á opción intracurricular que elixa. Nestes 36 créditos incluiranse os correspondentes ás materias optativas vinculadas (18,5 en Psicoloxía Clínica, 16,5 en Psicoloxía Social e do Traballo e 18,5 en Intervención en Psicoloxía Evolutiva e da Educación). Os restantes créditos optativos, até completar os 44,5 que o/a estudante debe de cursar, poden ser elixidos entre o resto das materias optativas sexan comúns ou dunha das opcións intracurriculares. Os/as estudantes que desexen realizar o seu propio intinerario e non optar por ningunha das opcións intracurriculares que se ofertan deberán realizar os 44,5 créditos optativos de entre todas as materias que se ofertan, sexan ou non vinculadas, sen ningún tipo de límite. As materias optativas, aínda que están situadas nun curso concreto (por parecer a súa locaización máis axeitada), non pertencen a un determinado ciclo, poidéndose cursar calquera delas a partires do terceiro curso. Para realizar o Practicum esíxese ter superados todos os créditos troncais e obrigatorios de primeiro ciclo.

Saídas profesionais

A Psicoloxía desenvolve a súa actividade en tres grandes áreas: a psicoloxía evolutiva e da educación, centrada no desenvolvemento psicolóxico e os factores educativos. A psicoloxía clínica e da saúde que desenvolve técnicas e estratexias para a intervención (preventiva, diagnosticadora e de tratamento) sobre as condutas das persoas e os seus trastornos. A psicoloxía social dirixida ó mundo das relacións sociais e do traballo. O propio exercicio da profesión fixo útil a incorporación desta disciplina en variados ámbitos, sinalando novos campos de especialización (psicoloxía do deporte, xurídica,…) que malia non estar representados nos plans de estudo como tales, si están recoñecidas na práctica profesional. A continuación, de xeito orientativo, preséntanse algunhas das posibles funcións destas áreas profesionais do psicólogo/a: Psicoloxía da Educación • Membros dos equipos psicopedagóxicos • Atención e avaliación de necesidades educativas • Orientación, asesoramento vocacional e profesional • Orientación, asesoramento e formación a familias • Asesoramento e colaboración nos aspectos organizativos, de programación e planificación das accións educativas • Asesoramento, coordenación e cooperación cos servizos, organizacións e institucións comunitarias • Intervención na mellora das accións educativas, nas dificultades de aprendizaxe e nos atrasos ou alteracións do desenvolvemento • Formación doutros profesionais. Psicoloxía Clínica e da Saúde • Prevención, detección, diagnóstico e tratamento de anomalías ou trastornos comportamentais, ou de calquera outro comportamento relevante para os procesos de saúde e enfermidade • Prevención e promoción da saúde, principalmente emocional cognitiva e relacional • Asesoramento e orientación na organización de programas de múltiples servizos sanitarios • Investigación en contexto clínico e de intervención comunitaria • PIR (Psicólogo Interno Residente) Psicoloxía do Traballo e das Organizacións • Investigación comercial e mercadotecnia: estudios de mercado e publicidade • Dirección e xestión de departamentos de persoal • Selección, avaliación e orientación de persoal • Formación: análise de necesidades, organización e coordinación de programas formativos • Organización e desenvolvemento da empresa: organigramas, valoración de postos de traballo, análise de tarefas… • Condicións de traballo e saúde: prevención, detección de patoloxías, melloras das condicións laborais, etc. OUOutras áreas • Psicoloxía da actividade física e deportiva (rendemento, motivación, organización de equipos…) • Lecer, tempo libre, actividades recreativas, dinamización comunitaria • Dirección, xestión, asesoría de servicios e programas de intervención social e comunitaria • Psicoloxía xurídica: Tribunais de menores, de familia, psicoloxía penitenciaria, psicoloxía policial • Psicoloxía do tráfico e a seguridade vial

Exame final / Título de grao

Título de grao: pódese obter a través das seguintes modalidades: memoria de licenciatura ou exame de grao.

Programas de intercambio

- SOCRATES-ERASMUS : Intercambio coas seguintes universidades europeas de Alemania, Italia,Holanda, Francia, Portugal, República Checa, Rumanía - SICUE-SÉNECA: Intercambio con universidades españolas Barcelona, Tarragona, Girona, Alicante, Valencia, Málaga, Murcia, Sevilla, Granada, Salamanca

Prácticas en empresas

O/s estudante poderá realizar prácticas en empresas, institucións públicas ou privadas que se poderán validar por ata 15 créditos de libre elección (1 crédito = 30 horas)

Requisitos para a admisión

Titulación en proceso de extinción. COU (todas as opcións) + PAAU (Probas de Acceso á Universidade) Bacharelato LOXSE( todas as opcións) + PAAU Probas de acceso para maiores de 25 anos Ciclos formativos de grao superior: - Servizos Socioculturais e á Comunidade: Especialidades de Animación Sociocultural, Educación Infantil e Integración Social Ramas e Especialidades de FP2: - Sanitaria: educador/a de diminuídos psíquicos - Servizos á Comunidade: todas as especialidades Módulos profesionais nivel 3: - Administrativa e Comercial: actividades socioculturais - Servizos á Comunidade: educador infantil

Acceso a outros estudos posteriores

[Fonte: COIE da USC] Co 1º ciclo desta titulación pódese acceder ao segundo ciclo dos seguintes estudos: Lic. en Antropoloxía Social e Cultural (sen complementos de formación) Lic. en Ciencias do Traballo (con complementos de formación) Lic. en Ciencias e Técnicas Estatísticas (con complementos de formación) Lic. en Criminoloxía (con complementos de formación) Lic. en Investigación e Técnicas de Mercado (con complementos de formación) Lic.en Psicopedagoxía (con complementos de formación) Titulacións que teñen 2º ciclos accesíbel desde calquera 1º ciclo Lic. en Comunicación Audiovisual (con complementos de formación) Lic. en Documentación (con complementos de formación) Lic. en Estudios de Asia Oriental (con complementos de formación) Lic. en Historia e Ciencias da Música (con complementos de formación) Lic. en Humanidades (con complementos de formación) Lic. en Lingüística (con complementos de formación) Lic. en Publicidade e Relacións Públicas (con complementos de formación) Lic. en Teoría da Literatura e Literatura Comparada (con complementos de formación) Lic. en Tradución e Interpretación (con complementos de formación) Lic. en Xornalismo (con complementos de formación)

Requisitos para a admisión

Titulación en proceso de extinción. COU (todas as opcións) + PAAU (Probas de Acceso á Universidade) Bacharelato LOXSE( todas as opcións) + PAAU Probas de acceso para maiores de 25 anos Ciclos formativos de grao superior: - Servizos Socioculturais e á Comunidade: Especialidades de Animación Sociocultural, Educación Infantil e Integración Social Ramas e Especialidades de FP2: - Sanitaria: educador/a de diminuídos psíquicos - Servizos á Comunidade: todas as especialidades Módulos profesionais nivel 3: - Administrativa e Comercial: actividades socioculturais - Servizos á Comunidade: educador infantil

Acceso a outros estudos posteriores

[Fonte: COIE da USC] Co 1º ciclo desta titulación pódese acceder ao segundo ciclo dos seguintes estudos: Lic. en Antropoloxía Social e Cultural (sen complementos de formación) Lic. en Ciencias do Traballo (con complementos de formación) Lic. en Ciencias e Técnicas Estatísticas (con complementos de formación) Lic. en Criminoloxía (con complementos de formación) Lic. en Investigación e Técnicas de Mercado (con complementos de formación) Lic.en Psicopedagoxía (con complementos de formación) Titulacións que teñen 2º ciclos accesíbel desde calquera 1º ciclo Lic. en Comunicación Audiovisual (con complementos de formación) Lic. en Documentación (con complementos de formación) Lic. en Estudios de Asia Oriental (con complementos de formación) Lic. en Historia e Ciencias da Música (con complementos de formación) Lic. en Humanidades (con complementos de formación) Lic. en Lingüística (con complementos de formación) Lic. en Publicidade e Relacións Públicas (con complementos de formación) Lic. en Teoría da Literatura e Literatura Comparada (con complementos de formación) Lic. en Tradución e Interpretación (con complementos de formación) Lic. en Xornalismo (con complementos de formación)

Acceso 2º Ciclo

Capacitar para a comprensión e a intervención sobre o comportamento humano, normal ou patolóxico, a nivel individual e social, analizando a conduta de persoas e grupos sociais. Preténdese, polo tanto, aportar unha perspectiva integral do individuo que permita actuar en calquera ámbito no que participa o ser humano; para iso é preciso adquirir un dominio de técnicas e instrumentos, ademáis de coñecementos axeitados a cada área de investigación ou intervención.

Créditos necesarios para obter a titulación