Máster Universitario en Psicoxerontoloxía - P3051V01 - 2013/2014

Denominación do título: Máster Universitario en Psicoxerontoloxía

Rama de coñecemento: Ciencias da Saúde

Centro onde se imparte:
Facultade de Psicoloxía
Rúa Xosé María Suárez Núñez, s/n. Campus sur.
15782
Santiago de Compostela

Data da autorización de implantación do título pola Xunta de Galicia: Decreto 53/2008 do 13 de marzo (DOG 28/03/2008)

Data de publicación no BOE: -

Data da última acreditación:

Responsable do título:

Coordinador do título: Juncos Rabadán, Onésimo

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego

Título interuniversitario:

• Universidade coordinadora:
• Universidades participantes:

Profesorado da titulación

Listaxe de profesores da titulación

Información adicional (memoria, publicación BOE, etc.)

Obxectivos

O Máster Interuniversitario en Psicoxerontoloxía ten por obxectivo formar titulados especializados na área da Psicoloxía do avellentamento e das persoas maiores. Pretende dotar os titulados de competencias profesionais e, de ser o caso, investigadoras, para o desempeño profesional na avaliación e intervención psicolóxica coas persoas maiores: sás, con deterioro cognitivo ou con outras psicopatoloxías, nos ámbitos familiar e institucional.

Competencias xerais

COMPETENCIAS XERAIS:

 Saber aplicar os coñecementos adquiridos e a capacidade de resolución de problemas en ámbitos novos ou pouco coñecidos dentro de contextos interdisciplinares relacionados coa Psicoloxía e a Psicoxerontoloxía.
 Ser capaces de integrar coñecementos e enfrontarse á complexidade de formular xuízos.
 Saber comunicar conclusións, e os coñecementos e razóns que as sustentan, a públicos especializados e non especializados dunha forma clara.
 Desenvolver habilidades de aprendizaxe que lles permitan continuar estudando de modo autodirixido e autónomo.
 Ser capaz de obter un adecuado nivel de comprensión da demanda do destinatario en cada situación ou contexto de aplicación.
 Mostrar un sentido crítico razoable e curiosidade intelectual sobre os factores que inflúen ou causan o avellentamento normal e os trastornos psicolóxicos.
 Coñecer e axustarse ás obrigas deontolóxicas da Psicoloxía e ciencias afíns sanitarias, sociais e do comportamento en contextos complexos e multidimensionais.
 Ser capaz de recoñecer e aceptar a ambigüidade e a complexidade dos problemas psicolóxicos, así como a natureza tentativa das súas explicacións e o contexto social en que se producen.
 Mostrar un compromiso ético e profesional en relación coas responsabilidades cívicas, sociais e globais
 Mostrar interese pola aprendizaxe continuada, a actualización de coñecementos e a formación profesional continuada.

COMPETENCIAS ESPECÍFICAS:

 Coñecer, a un nivel avanzado, o avellentamento normal e patolóxico como un proceso de desenvolvemento psicolóxico cognitivo, persoal e social no ciclo vital.
 Coñecer, a un nivel avanzado, as bases psicobiolóxicas e neuropsicolóxicas do avellentamento normal e patolóxico.
 Deseñar, desenvolver e avaliar programas de prevención, intervención e optimización a nivel individual e comunitario para a terceira idade.
 Coñecer, seleccionar e aplicar instrumentos de avaliación psicolóxica no ámbito do avellentamento.
 Deseñar instrumentos de intervención psicolóxica a partir dos resultados da avaliación.
 Asesorar no deseño de ambientes para a mellora da calidade de vida na vellez.
 Asesorar e intervir no ámbito familiar das persoas maiores tanto sanas como enfermas.
 Dominar habilidades de comunicación coas persoas maiores en contextos de saúde e enfermidade.
 Capacitar para a formación aos profesionais en habilidades de comunicación con persoas maiores en contexto de saúde e enfermidade.
 Dominar técnicas e estratexias de liderazgo e traballo en equipo interdisciplinar no ámbito do avellentamento.
 Coñecer as políticas de atención á terceira idade, os programas e servizos dispoñibles.
 Manexar técnicas de mediación e resolución de conflitos en ámbitos familiares e institucionais.
 Coñecer e manexar as principais técnicas de intervención psicolóxicas aplicables aos problemas e/ou trastornos asociados ao avellentamento.

Saídas

Este máster aspira a formar un perfil de profesionais cuxa función esencial é contribuír á mellora da saúde e a calidade de vida dun grupo de poboación especialmente sensible pola súa tendencia a amosar niveis elevados de dependencia.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Adaptacións: Non se contemplan

Número de prazas de novo ingreso: 24

Demanda do ano anterior:

Perfil de ingreso: Non se contempla

Criterios de acceso e admisión:

Licenciados/graduados(as) en Psicoloxía
Consultar a información actualizada en cada convocatoria anual de matrícula.

Acceso:
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.
Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con: • A admisión de matrículas de novo ingreso na titulación. • A supresión gradual da impartición da docencia. • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster:

Plan de Acción Titorial:

Prácticas en empresas:

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012. Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao). Pódese consultar a normativa completa nesta ligazón: Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións. Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións. O texto completo da norma pode consultarse en: Normativa de avaliación

Resultados:
Vicerreitoría de Responsabilidade Social e Calidade