G1041230 - Química Inorgánica III (Química Inorgánica) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 23.00
• Clase Interactiva Laboratorio: 20.00
• Clase Interactiva Seminario: 8.00
• Horas de Titorías: 2.00
• Total: 53.0

Outros Datos

• Tipo: Materia Ordinaria Grao RD 1393/2007
• Departamentos: Química Inorgánica
• Áreas: Química Inorgánica
• Centro: Facultade de Química
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
FONDO BUSTO, MARIA MATILDE.	NON
GARCIA SANTOS, MARIA ISABEL.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLE02	Ordinario	Clase Expositiva	SI	SI
Grupo CLIL_01	Ordinario	Clase Interactiva Laboratorio	NON	NON
Grupo CLIL_02	Ordinario	Clase Interactiva Laboratorio	NON	NON
Grupo CLIL_03	Ordinario	Clase Interactiva Laboratorio	NON	NON
Grupo CLIL_04	Ordinario	Clase Interactiva Laboratorio	NON	NON
Grupo CLIL_05	Horarios	Clase Interactiva Laboratorio	NON	NON
Grupo CLIL_06	Horarios	Clase Interactiva Laboratorio	NON	NON
Grupo CLIL_07	Horarios	Clase Interactiva Laboratorio	NON	NON
Grupo CLIL_08	Horarios	Clase Interactiva Laboratorio	NON	NON
Grupo CLIS_01	Ordinario	Clase Interactiva Seminario	SI	NON
Grupo CLIS_02	Ordinario	Clase Interactiva Seminario	SI	NON
Grupo CLIS_03	Ordinario	Clase Interactiva Seminario	SI	NON
Grupo CLIS_04	Horarios	Clase Interactiva Seminario	SI	NON
Grupo CLIS_05	Horarios	Clase Interactiva Seminario	SI	NON
Grupo CLIS_06	Horarios	Clase Interactiva Seminario	SI	NON
Grupo TI-ECTS01	Ordinario	Horas de Titorías	SI	NON
Grupo TI-ECTS02	Ordinario	Horas de Titorías	SI	NON
Grupo TI-ECTS03	Ordinario	Horas de Titorías	SI	NON
Grupo TI-ECTS04	Ordinario	Horas de Titorías	SI	NON
Grupo TI-ECTS05	Ordinario	Horas de Titorías	SI	NON
Grupo TI-ECTS06	Ordinario	Horas de Titorías	SI	NON
Grupo TI-ECTS07	Ordinario	Horas de Titorías	SI	NON
Grupo TI-ECTS08	Ordinario	Horas de Titorías	SI	NON
Grupo TI-ECTS09	Ordinario	Horas de Titorías	SI	NON
Grupo TI-ECTS10	Ordinario	Horas de Titorías	SI	NON
Grupo TI-ECTS11	Ordinario	Horas de Titorías	SI	NON
Grupo TI-ECTS12	Ordinario	Horas de Titorías	SI	NON
Grupo TI-ECTS13	Ordinario	Horas de Titorías	SI	NON
Grupo TI-ECTS14	Ordinario	Horas de Titorías	SI	NON
Grupo TI-ECTS15	Ordinario	Horas de Titorías	SI	NON
Grupo TI-ECTS16	Ordinario	Horas de Titorías	SI	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
- Aprendizaxe e uso dunha linguaxe rigorosa relacionada coa disciplina cursada.
- Adquirir un coñecemento xeral e sistematizado da química descritiva dos elementos metálicos e os seus compostos máis importantes mediante o exame dos seguintes aspectos: estrutura, propiedades físicas e químicas, etc, que permitan explicar e predicir o comportamento dos elementos e os seus compostos.
- Familiarizar ao alumno coas aplicacións e implicacións da Química Inorgánica na industria química e tecnolóxica, tanto tradicional coma moderna.
- Aplicar as normas de seguridade aprendidas anteriormente para traballar no laboratorio Químico con seguridade (manexo de materiais e eliminación de residuos).
- Contribuír a familiarizarse cos procedementos e técnicas propias do laboratorio de química inorgánica.

Contidos
Tema 1. Introdución aos elementos metálicos e á metalurxia
Tema 2. Metais do grupo 1
Tema 3. Metais do grupo 2
Tema 4. Metais do grupo 4
Tema 5. Metais do grupo 5
Tema 6. Metais do grupo 6
Tema 7. Metais do grupo 7
Tema 8. Metais do grupo 8
Tema 9. Metais do grupo 9
Tema 10. Metais do grupo 10
Tema 11. Metais do grupo 11
Tema 12. Metais do grupo 12
Tema 13. Metais do bloque p
Tema 14. Metais do grupo 3 e metais do bloque f

Programa de clases prácticas:
Práctica 1. Alumbre potásico a partir de aluminio metal.
Práctica 2. Formiato de níquel e a súa descomposición ao metal.
Práctica 3. Aluminotermia: obtención de ferro metálico.
Práctica 4. Cobre por cementación.
Práctica 5. Estudo da reactividade dos metais dos grupos principais e de transición.

Bibliografía básica e complementaria
1. Básica (Manual de referencia)
- J. D. Lee, Concise Inorganic Chemistry, 5º Ed., Wiley-Blackwell, Oxford, 1996.

2. Complementaria
- C. E. Housecroft, A. G. Sharpe, Química Inorgánica, 2ª Ed., Prentice Hall, Madrid 2006.
- N. N. Greenwood, A. Earnshaw, Chemistry of the Elements, 2ª Ed., Butterworth-Heinemann, Oxford, 1997.
- R.H. Petrucci, W.S. Harwood, F.G. Herring, Química General, 10ª ed.; Prentice Hall, 2011.

Competencias
1. Competencias xerais.
- Fomentar a capacidade para reunir e interpretar datos, información e resultados relevantes, obter conclusións e emitir informes razoados en problemas científicos, tecnolóxicos ou doutros ámbitos que requiran o uso de coñecementos en compostos metálicos.
- Mellorar o manexo e busca de bibliografía.
- Fomentar o hábito de falar en público de forma rigorosa.
- Promover actitude crítica e non dogmática.
- Fomentar a capacidade de comunicar, tanto por escrito coma de forma oral, coñecementos, procedementos, resultados e ideas en Química Inorgánica, tanto a un público especializado como non especializado.
- Habilidade para estudar e aprender de forma autónoma, con organización de tempo e recursos, novos coñecementos e técnicas en calquera disciplina científica ou tecnolóxica.

2. Competencias específicas.
- Saber relacionar, diferenciar e recoñecer o comportamento dos elementos metálicos e os seus compostos, así como predicir o seu tipo de enlace, estrutura, propiedades e reactividade.
-Coñecer e distinguir as características e propiedades fundamentais dos compostos metálicos.
- Coñecer os principais tipos de reaccións químicas e identificalos nos procesos de obtención dos elementos metálicos e os seus compostos.
- Coñecer o tipo de enlace, estrutura, propiedades, obtención e reactividade dos elementos metálicos e os seus compostos.
- Habilidade para demostrar e transmitir o coñecemento e a comprensión das relacións existentes entre o tipo de enlace, estrutura, propiedades e reactividade dos elementos metálicos e os seus compostos.
- Coñecer as principais aplicacións tecnolóxicas e industriais dos elementos metálicos e os seus compostos.
- Saber relacionar os coñecementos teóricos adquiridos sobre os elementos metálicos e os seus compostos coas experiencias químicas realizadas no laboratorio.
- Comprender e saber utilizar a información bibliográfica e técnica referida aos elementos metálicos e os seus compostos.

3. Competencias transversais.
- Capacidade de organización, de planificación e de toma de decisións no traballo individual e nas actividades que se realicen en grupo.

Metodoloxía da ensinanza
1. Clases expositivas en grupo grande.
Lección impartida polo profesor que pode ter formatos diferentes (teoría, problemas e/ou exemplos xerais, directrices xerais da materia...). Na clase maxistral seguirase, en todos os temas posibles, un esquema xeral, co obxecto de que o alumnado aprenda unha liña de razoamento que lle permita poder asimilar os coñecementos e non convertan a materia nun puro exercicio memorístico. Nestas sesións farase especial fincapé nos aspectos máis fundamentais e/ou de difícil comprensión. A asistencia a estas clases non é obrigatoria.

2. Clases interactivas en grupo reducido.
Clases teórico/prácticas concibidas como un conxunto de actividades nas que o alumnado debe participar de forma directa. Nelas pódense resolver dúbidas sobre calquera aspecto ou dificultade relacionada coa materia. Pero, principalmente, estarán encamiñadas á resolución dos boletíns de cuestións e problemas que, previamente, serán entregados ao alumno, e que permitirán a este determinar o grao de aproveitamento do traballo persoal levado a cabo. As cuestións versarán sobre os aspectos máis relevantes e de difícil comprensión do temario, permitindo ao alumno determinar ata que punto afondou en cada tema e o asimilou de modo correcto.
Nos seminarios tamén se tratará de fomentar a participación colectiva na resolución de problemas, contribuíndo deste modo a que o alumnado fale en grupo. Así, as cuestións serán resoltas polo alumnado, actuando o profesor como mero orientador ou puntualizador daquelas cuestións que o alumnado en xeral non sexa capaz de dirimir. A asistencia a estas clases é obrigatoria.

3. Clases prácticas de laboratorio
Nestas clases o alumno adquire as habilidades propias dun laboratorio de química inorgánica e consolida os coñecementos adquiridos nas clases de teoría. O traballo persoal do alumno nesta actividade é moito máis reducido. Para estas prácticas, o alumno dispoñerá dun manual de prácticas de laboratorio, que incluirá consideracións xerais sobre o traballo no laboratorio, así como un guión de cada unha das prácticas a realizar. Este constará dunha breve presentación dos fundamentos, a metodoloxía a seguir e a indicación dos cálculos a realizar e resultados a presentar. O alumno deberá a acudir a cada sesión de prácticas despois de ler atentamente o contido deste manual. Tras unha explicación do profesor, o alumno realizará individualmente, ou en grupos de dous, as experiencias e cálculos necesarios para a consecución dos obxectivos da práctica, recollendo no diario de laboratorio o desenvolvemento da práctica e os cálculos e resultados que procedan, presentando o mesmo día ou na próxima sesión os resultados, que serán avaliados.
Ademais, ao final das prácticas realizarase unha proba escrita relativa aos contidos das mesmas.
A asistencia a estas clases é obrigatoria. As faltas deberán ser xustificadas documentalmente. As prácticas non realizadas recuperaranse, a ser posible, de acordo co profesor e dentro do horario previsto para a materia.

4. Titorías en grupo moi reducido
Titorías programadas e coordinadas polo Centro. En xeral, supoñerán para cada alumno 2 horas por cuadrimestre e materia. Poderanse propoñer actividades como a supervisión de traballos dirixidos, aclaración de dúbidas sobre teoría ou as prácticas, problemas, exercicios, lecturas ou outras tarefas tales como a presentación, exposición, debate ou comentario de traballos individuais ou realizados en pequenos grupos.

Sistema de evaluación
1. O alumno non terá dereito a superar a materia se non asiste polo menos ao 80% das clases presenciais de carácter obrigatorio: seminarios, titorías e prácticas. É obrigatoria a asistencia polo menos a unha das titorías programadas. As prácticas de laboratorio non realizadas intentarán recuperarse, na medida do posible, de acordo co profesor e dentro do horario previsto para a materia. As ausencias deberán estar debidamente documentadas.

2. A avaliación consistirá en dúas partes:
2.1. Avaliación continua, que poderá constar a súa vez de:
i. Exercicios entregados ao profesor (Ex_entr)
ii. Exercicios realizados nos seminarios (Ex_sem)
iii. Prácticas laboratorio (Pract)
2.2. Exame final (EF)
A cualificación do alumno non será inferior á do exame final nin á obtida ponderándoa coa avaliación continua.

3. Cada subapartado do apartado 2.1 contabilizará para a nota final do alumno da seguinte maneira:
Ex_entr, Ex_sem 20%
Pract 15%
EF 65%

4. Para a avaliación das prácticas de laboratorio, os ítems a avaliar serán os seguintes:
• Organización e pulcritude no laboratorio
• Execución da práctica
• Cuestións dos guións
• Proba escrita sobre os contidos prácticos
Non será posible superar a materia se non se superaron as prácticas de laboratorio.

5. Os alumnos repetidores terán o mesmo réxime de asistencia ás clases que
os que cursan a materia por primeira vez, coas salvidades seguintes:
5.1 Aos estudantes repetidores que aprobaran as prácticas de laboratorio conservaráselles a cualificación obtida durante un máximo de dous cursos académicos. Polo tanto, non terán que realizar novamente as prácticas de laboratorio, pero asistirán ás restantes clases interactivas (seminarios e titorías) en igualdade de condicións que os restantes alumnos para non perder o dereito a examinarse da materia.
5.2 Os alumnos repetidores que non obtiveran a cualificación de apto nas prácticas de laboratorio, pero superaran a parte correspondente aos contidos teóricos da materia, deberán realizar novamente as prácticas de laboratorio, e conservaráselles durante un máximo de dous cursos académicos a nota do exame e a correspondente aos apartados restantes da avaliación continua (seminarios e titorías).
Tempo de estudo e traballo persoal
TRABALLO PRESENCIAL NA AULA
Clases expositivas en grupo grande: 23 horas
Clases interactivas en grupo reducido (Seminarios): 8 horas
Titorías en grupo moi reducido: 2 horas
Prácticas de laboratorio: 20 horas
Total horas traballo presencial na aula o no laboratorio: 53 horas

TRABALLO PERSOAL DO ALUMNADO
Estudo autónomo individual ou en grupo: 52 horas
Resolución de exercicios, ou outros traballos: 24 horas
Preparación de presentacións orais, escritas, elaboración de exercicios propostos. Actividades en biblioteca ou semellante: 10 horas
Preparación del traballo de laboratorio e elaboración da memoria de prácticas: 10 horas
Total horas traballo persoal do alumno: 96 horas

Recomendacións para o estudo da materia
- É aconsellable asistir ás clases expositivas.
- É importante manter o estudo da materia "ao día".
- Unha vez finalizada a lectura dun tema, aconséllase facer un resumo atendendo a: estados de oxidacións máis estables, principais características químicas dos compostos, racionalizadas en función do estado de oxidación do metal e estrutura do composto, tipo de reaccións a que poden dar lugar.
- A resolución de problemas é fundamental para a aprendizaxe desta materia. Iso axuda a adquirir un modo de pensar propio do Químico Inorgánico, que o leve a sistematizar os coñecementos adquiridos, racionalizando as propiedades e reactividade dos compostos sobre a base da súa estrutura.
- É imprescindible a preparación das prácticas antes da entrada no laboratorio. En primeiro lugar, débense repasar os conceptos teóricos importantes en cada experimento e, a continuación, é necesario ler con atención o guión da práctica, intentando entender os obxectivos e o desenvolvemento do experimento proposto. Calquera dúbida que puidese xurdir deberá ser consultada co profesor.

Observacións
Recomendacións de cara á avaliación:
O alumno debe repasar os conceptos teóricos introducidos nos distintos temas. O grao de acerto na resolución dos exercicios propostos proporciona unha medida da preparación do alumno para afrontar o exame final da materia. Aqueles alumnos que encontren dificultades importantes á hora de traballar as actividades propostas deben de acudir nas horas de titoría do profesor, co obxectivo de que este poida analizar o problema e axudar a resolver as devanditas dificultades.

Recomendacións de cara á recuperación:
O profesor analizará con aqueles alumnos que non superen con éxito o proceso de avaliación, e así o desexen, as dificultades encontradas na aprendizaxe dos contidos da materia.