G1041327 - Química Inorgánica V (Química Inorgánica) - Curso 2013/2014

Información

• Créditos ECTS
• Créditos ECTS: 4.50
• Total: 4.5
• Horas ECTS
• Clase Expositiva: 18.00
• Clase Interactiva Laboratorio: 12.00
• Clase Interactiva Seminario: 8.00
• Horas de Titorías: 2.00
• Total: 40.0

Outros Datos

• Tipo: Materia Ordinaria Grao RD 1393/2007
• Departamentos: Química Inorgánica
• Áreas: Química Inorgánica
• Centro: Facultade de Química
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
GARCIA TASENDE, Mª SOLEDAD.	NON
PEREIRA LORENZO, MARIA TERESA.	NON
Sanmartin Matalobos, Jesus.	NON
VILA ABAD, JOSE MANUEL.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE_02	Horarios	Clase Expositiva	SI	SI
Grupo CLE01	Ordinario	Clase Expositiva	SI	SI
Grupo CLIL_01	Ordinario	Clase Interactiva Laboratorio	NON	NON
Grupo CLIL_02	Ordinario	Clase Interactiva Laboratorio	NON	NON
Grupo CLIL_03	Ordinario	Clase Interactiva Laboratorio	NON	NON
Grupo CLIL_04	Ordinario	Clase Interactiva Laboratorio	NON	NON
Grupo CLIL_05	Horarios	Clase Interactiva Laboratorio	NON	NON
Grupo CLIL_06	Horarios	Clase Interactiva Laboratorio	NON	NON
Grupo CLIS_01	Ordinario	Clase Interactiva Seminario	SI	NON
Grupo CLIS_02	Ordinario	Clase Interactiva Seminario	SI	NON
Grupo CLIS_03	Ordinario	Clase Interactiva Seminario	SI	NON
Grupo CLIS_04	Horarios	Clase Interactiva Seminario	SI	NON
Grupo TI-ECTS01	Ordinario	Horas de Titorías	SI	NON
Grupo TI-ECTS02	Ordinario	Horas de Titorías	SI	NON
Grupo TI-ECTS03	Ordinario	Horas de Titorías	SI	NON
Grupo TI-ECTS04	Ordinario	Horas de Titorías	SI	NON
Grupo TI-ECTS05	Ordinario	Horas de Titorías	SI	NON
Grupo TI-ECTS06	Ordinario	Horas de Titorías	SI	NON
Grupo TI-ECTS07	Ordinario	Horas de Titorías	SI	NON
Grupo TI-ECTS08	Ordinario	Horas de Titorías	SI	NON
Grupo TI-ECTS09	Ordinario	Horas de Titorías	SI	NON
Grupo TI-ECTS10	Ordinario	Horas de Titorías	SI	NON
Grupo TI-ECTS11	Ordinario	Horas de Titorías	SI	NON
Grupo TI-ECTS12	Ordinario	Horas de Titorías	SI	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Coñecemento dos compostos organometálicos dos metais de transición, a clasificación en función do tipo de ligando e a súa síntese,
• Coñecer ás regras que definen a estabilidade destes compostos.
• Coñecemento e estudio do enlace metal─carbono, e a súa relación coa estrutura, propiedades e reactividade dos compostos.
• Coñecer ás técnicas máis salientables para a caracterización estrutural.
• Coñocemento dos compostos como catalizadores de importancia industrial e os ciclos catalíticos máis importantes nos que interveñen.

Contidos
Tema 1. Introdución.
Definición de composto organometálico. Nomenclatura. Clasificación. Tipos de Ligandos.
1 hora.
Tema 2. Regra dos 18 electróns
Definición da regra dos 18e. Reconto de electróns segundo o criterio homolítico. Limitacións da regra.
2 horas.
Tema 3. Carbonilos metálicos
Síntese. Estruturas. Modos de enlace do ligando carbonilo. Enlace. Caracterización de Carbonilos metálicos mediante espectroscopia IR. Reactividade de carbonilos metálicos.
4 horas.
Tema 4. Ligandos de 1e e 2e
Síntese. Enlace: TOM. Estabilidade. Efecto orto. Eliminación Beta. Reactividade.
Carbenos e carbinos.
3 horas.
Tema 5. Ligandos de 3e.
Síntese. Enlace: sigma─alilos pi−alilos. Caracterización mediante espectroscopia de RMN de 1 H. Reactividade.
3 horas.
Tema 6. Ligandos de 4e
Preparación. Enlace: TOM. Reactividade. Substitución electrofílica.
1 hora.
Tema 7. Ligandos de 5e
Compostos con ligandos hapto5─ciclopentadienilo. Estruturas. Síntese. Enlace. Caracterización espectroscópica: IR, RMN de protón. Reactividade.
3 horas.
Tema 8. Ligandos de 6e e 7e
Estruturas. Síntese. Enlace. Reactividade.
1 hora.

Programa de clases prácticas

Práctica 1.- SÍNTESE DE ACETILFERROCENO
Práctica 2.- PURIFICACIÓN DE ACETILFERROCENO (CROMATOGRAFÍA)
Práctica 3.- CARACTERIZACIÓN DE ACETILFERROCENO

Bibliografía básica e complementaria
Básica (manual de referencia):
-C.E. Housecroft, A.G. Sharpe, "Química Inorgánica" 2º Ed.; Prentice Hall, 2006. Capítulo 23. Compostos Organometálicos dos elementos do bloque d. Pag. 700-740.
Complementaria:
-M. Bochmann, "Organometallics 1. Complexes with Transition Metal-Carbon (s-Bonds)", Oxford University Press, 1994, OCP nº 12.
-M. Bochmann, "Organometallics 2. Complexes with Transition Metal-Carbon (p-Bonds)", Oxford University Press, 1994. OCP nº 13.
-I. S. Butler, J. F. Harrod, “Química Inorgánica. Principios e Aplicacións”. Addison-Wesley, 1992. Capítulo 6.1 Teoría das Espectroscopias Infravermello e Raman. Pág. 161-177. Capítulo 7.1 Espectroscopia de Resonancia Magnética Nuclear. Pág. 196-211.

Competencias
Específicas:
• Capacidade para demostrar comprensión e coñecemento de feitos, conceptos, principios e teorías esenciais relacionadas cos contidos da signatura.
• Capacidade para aplicar estes coñecementos á comprensión e solución de problemas.
• Habilidade para a avaliación, interpretación e síntese da información e datos químicos.
• Habilidade para presentar argumentos e material científico en forma oral e escrita.
Xenerais:
• Capacidade para elaborar un traballo
• Capacidade para presentar de forma oral un traballo, problemas e cuestións.
• Capacidade para analizar datos experimentais co material e as bases de datos axeitadas.
• Habilidade para obter información tanto de fontes primarias como secundarias,
incluíndo a obtención de información on-line.
• Capacidade de crítica e autocrítica.
• Habilidade para traballar tanto de forma autónoma como en grupo.
Transversais:
• Capacidade para traballar en grupo tanto na resolución coma na discusión de problemas.

Metodoloxía da ensinanza
A) Clases expositivas en grupo grande: Lección impartida polo profesor que pode ter formatos diferentes (teoría, problemas e/ou exemplos xerais, directrices xerais da materia,...). O profesor pode contar co apoio de medios audiovisuais e informáticos pero, en xeral, os estudantes non necesitan manexalos en clase. Habitualmente estas clases seguirán os contidos dun Manual de referencia proposto en a Guía Docente da materia. A asistencia a estas clases non é obrigatoria.
B) Clases interactivas en grupo reducido: Clase teórico/práctica na que se propoñen e resolven aplicacións da teoría, problemas, exercicios,... O alumno participa activamente nestas clases de distintas formas: entrega de exercicios o profesor (algúns dos propostos en boletíns de problemas que o profesor entrega aos alumnos coa suficiente antelación); resolución de exercicios na aula, etc. O profesor pode contar co apoio de medios audiovisuais e informáticos pero, en xeral, os estudantes non os manexarán en clase. Inclúense as probas de avaliación se as houbese. A asistencia a estas clases é obrigatoria.
C) Clases prácticas de laboratorio: Inclúense aquí as clases que teñen lugar nun laboratorio de prácticas. Nelas o alumno adquire as habilidades propias dun laboratorio de química e consolida os coñecementos adquiridos nas clases de teoría. O traballo persoal do alumno nesta actividade é moito máis reducido. Para estas prácticas, o alumno disporá dun manual de prácticas de laboratorio, que incluirá consideracións xerais sobre o traballo no laboratorio, así como un guión de cada unha das prácticas a realizar, que constará dunha breve presentación dos fundamentos, a metodoloxía a seguir e a indicación dos cálculos a realizar e resultados a presentar. O alumno deberá acudir a cada sesión de prácticas tendo lido atentamente o contido deste manual. Ao comezar cada sesión de prácticas, nunha aula, os alumnos responden durante 5 ou 10 minutos a unhas cuestións previas que o profesor cualifica e ten en conta para a nota de prácticas. Tras unha explicación do profesor, o alumno realizará individualmente, ou en grupos de dous, as experiencias e cálculos necesarios para a consecución dos obxectivos da práctica, recollendo no diario de laboratorio o desenvolvemento da práctica e os cálculos e resultados que procedan, presentando o mesmo día ou na próxima sesión os resultados, que serán avaliados.
A entrega dunha memoria final é un requisito adicional para a avaliación.
A asistencia a estas clases é obrigatoria. As faltas deberán ser xustificadas documentalmente, aceptándose razóns de exame e de saúde, así como aqueles casos contemplados na normativa universitaria vixente. A práctica non realizada recuperarase de acordo co profesor e dentro do horario previsto para a materia.
E) Titorías de pizarra en grupo moi reducido: Titorías programadas polo profesor e coordinadas polo Centro. En xeral, suporán para cada alumno 2 horas por cuadrimestre e materia. Propóñense actividades como a supervisión de traballos dirixidos, aclaración de dúbidas sobre a teoría ou as prácticas, problemas, exercicios, lecturas ou outras tarefas propostas; así como a presentación, exposición, debate ou comentario de traballos individuais ou realizados en pequenos grupos. En moitos casos o profesor poderá esixir aos alumnos a entrega de exercicios previa á celebración da titoría. A asistencia a estas clases é obrigatoria.
F) O alumno poderá atopar material de apoio na Aula Virtual.
Sistema de evaluación
1. A asistencia ás clases presenciais de carácter obrigatorio: seminarios, titorías e prácticas é obrigatoria. Non se avaliará o alumno que non asista, polo menos, ao 80% destas clases. As ausencias deberán estar debidamente documentadas seguindo as pautas adoptadas por a Universidade de Santiago de Compostela. As prácticas non realizadas por causas xustificadas, deberán recuperarse logo de consultar ao profesor.
2. A avaliación consistirá en dúas partes:
2.1. Avaliación continua (40%), que constará á súa vez de:
i. Exercicios entregados ao profesor
ii. Exercicios realizados nos seminarios
iii. Traballo nas titorías
iv. Prácticas de laboratorio
2.2. Exame final (60%)
3. Cada subapartado do apartado 2.1 contabilizará para a nota final do alumno do seguinte xeito:
i e ii: 15%
iii: 5%
iv: 20%
4. Para a avaliación das prácticas de laboratorio, os ítems a avaliar serán os seguintes:
- Cuestións previas
- Organización e pulcritude no laboratorio
- Execución da práctica
- Memoria
5. O exame final incluirá unha primeira parte que versará sobre supostos relacionados cos aspectos teóricos da materia e unha segunda parte en que se formularán cuestións relativas ás prácticas de laboratorio. Ambas as dúas partes terán na cualificación deste exame o peso porcentual seguinte:
- Contidos teóricos 80%
- Contidos prácticos-laboratorio 20%
Tempo de estudo e traballo persoal
TRABALLO PRESENCIAL HORAS FACTOR TRABALLO PERSOAL HORAS TOTAL NA AULA DO ALUMNO

Clases expositivas en grupo grande individual/grupo 18 2.5 Estudio autónomo 45 63
Clases interactivas(seminarios) 8 1.7 Resolución exercicios ou outros traballos 13.6 21.6 Titorías 2 1 Preparación das dúbidas a resolver 1 3
Prácticas laboratorio 12 1 Preparación traballo laboratorio e elaboración memoria práct. 12 24
Exame 1 2 Preparación exame 2 3
Total horas traballo presencial na aula persoal do alumno ou no laboratorio 41 -
Total horas traballo 73.6 114.6

Recomendacións para o estudo da materia
• É aconsellable asistir ás clases expositivas.
• É importante manter o estudio da materia "ao día".
• Recoméndase a preparación de cada un dos temas utilizando o manual de referencia proposto para esta materia e, en caso necesario, algún manual complementario.
• Unha vez finalizada a lectura dun tema no manual de referencia, é útil facer un resumo dos puntos importantes, identificando os aspectos básicos relativos a cada grupo de elementos químicos que se deben recordar e asegurándose de coñecer tanto as súas propiedades como as reaccións químicas nas que poden participar.
• A relación entre os contidos de cada un dos temas é fundamental para a aprendizaxe desta materia. Pode resultar de axuda realizar esquemas para aspectos como enlace, obtención e reactividade.
• É altamente desexable a asistencia e participación activa nas clases de seminario, nas que se resolverán os exercicios formulados, comentando as dificultades ao resto de compañeiros de seminario.
• Recoméndase a utilización das horas de titoría para resolver as dúbidas que xurdan ao longo do curso.
• É imprescindible a preparación das prácticas antes da entrada no laboratorio. En primeiro lugar, débense repasar os conceptos teóricos importantes en cada experimento e, a continuación, é necesario ler con atención o guión da práctica, intentando entender os obxectivos e o desenvolvemento do experimento proposto. Calquera dúbida que puidese xurdir deberá ser consultada co profesor.
Observacións
Alumnos Repetirores.

Os alumnos repetidores terán o mesmo réxime de asistencia ás clases que os que cursan a materia por primeira vez, coas salvidades seguintes:
a. Aos estudantes repetidores que aprobaran as prácticas de laboratorio
conservaráselles a cualificación obtida durante un máximo de dous cursos
académicos. Polo tanto, non terán que realizar novamente as prácticas de
laboratorio, pero asistirán ás restantes clases interactivas (seminarios e
titorías) en igualdade de condicións que os restantes alumnos para non
perder o dereito a examinarse da materia.
b. Os alumnos repetidores que non obtiveran a cualificación de apto nas
prácticas de laboratorio, pero superaran a parte correspondente aos contidos teóricos da materia, deberán realizar novamente as prácticas de laboratorio, e conservaráselles durante un máximo de dous cursos académicos a nota do exame e a correspondente aos apartados restantes da avaliación continua
(seminarios e titorías).