G1041452 - Ampliación de Bioquímica (Química Avanzada) - Curso 2013/2014

Información

• Créditos ECTS
• Créditos ECTS: 4.50
• Total: 4.5
• Horas ECTS
• Clase Expositiva: 28.00
• Clase Interactiva Seminario: 6.00
• Horas de Titorías: 2.00
• Total: 36.0

Outros Datos

• Tipo: Materia Ordinaria Grao RD 1393/2007
• Departamentos: Bioquímica e Bioloxía Molecular
• Áreas: Bioquímica e Bioloxía Molecular
• Centro: Facultade de Química
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
Martinez Costas, Jose Manuel.	SI

Horarios

Nome	Tipo Grupo	Tipo Docencia	Horario Clase	Horario exames
Grupo CLE01	Ordinario	Clase Expositiva	SI	SI
Grupo CLIS_01	Ordinario	Clase Interactiva Seminario	SI	NON
Grupo TI-ECTS01	Ordinario	Horas de Titorías	SI	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Logo de adquirir na materia de Bioquímica os coñecementos básicos sobre a estrutura e actividades das biomoléculas, nesta materia preténdese que o alumno adquira un coñecemento básico dos mecanismos moleculares que controlan globalmente as principais funcións dos organismos complexos. Desta forma, os alumnos do grao de Química poden comprender que tanto o aspecto, comportamento ou a adaptación ao ambiente dos seres vivos réxese basicamente por mecanismos químicos: reaccións, actividade de biomoléculas e as súas interaccións.
Contidos
Sinalización celular

Tema 1-Receptores celulares e sinalización: GPCR, receptores tirosina-quinasa e guanilil-ciclasa. Proteínas scaffold. Integrinas. Canles iónicos e sinalización.

Tema 2- Regulación do ciclo celular polas CDKs: Etapas do ciclo celular. Niveis cíclicos de CDKs. Regulación do ciclo mediante fosforilación/defosforilación de proteínas crave. Oncoxenes e desregulación do ciclo.

Tema 3- Proliferación celular e morte celular programada: Mecanismos que manteñen o número de células en organismos complexos e a súa regulación.

Regulación e integración do metabolismo

Tema 4- Hormonas: Diversidade química, actuación e mecanismos de liberación.

Tema 5- Metabolismo específico dos tecidos e regulación hormonal do metabolismo enerxético.

Tema 6- Regulación da masa corporal e metabolopatías

Regulación da expresión xénica

Tema 7- Principios xerais de regulación xénica: Estrutura dos promotores. Interaccións proteína-DNA. Interaccións proteína-proteína.

Tema 8- Regulación da expresión xénica en bacterias: Operones e a súa regulación. Sistemas de control global da expresión xénica.

Tema 9- Regulación da expresión xénica en eucariotas: Estrutura e modificación química da cromatina. Activadores de transcrición e a súa estrutura modular. Sinalización celular e a regulación da expresión xénica. Regulación a nivel de tradución. Silenciamiento xénico por interferencia. Regulación da expresión xénica no desenvolvemento embrionario.

Bibliografía básica e complementaria
Manual de referencia:
Nelson e Cox, Lehninger Principios de Bioquímica. Quinta edición. Editorial Omega 2009.

Bibliografía Complementaria:
McKee e McKee, Bioquímica.A base Molecular da vida, 4ª ed., McGraw-Hill-Interamericana, 2009.
Lodish, Bioloxía Celular e Molecular, Ed. Panamericana 2006.
Alberts e outros, Bioloxía Molecular da Célula. Ed Omega,5ª ed., 2011.
Alberts, Introdución á Bioloxía Celular, 2ª, 3ª ed., Editorial Panamericana 2011.
Voet, D., Voet, J.G. e Pratt, C.W. Fundamentos de bioquímica. Ed. Médica Panamericana.

Curso en USC Virtual

Competencias
Preténdese que o alumno adquira coñecementos que lle permitan familiarizarse coa linguaxe biolóxica e entender os procesos biolóxicos complexos. Tamén se busca que o alumno sexa capaz de ver a importancia que pode ter a Química no desenvolvemento do coñecemento sobre os seres vivos.
Metodoloxía da ensinanza
- Clases presenciais con proxeccións de computador e curso en rede da USC Virtual, incluíndo resumos, as figuras e animacións de clase e material adicional en rede.
- Seminarios a grupos reducidos onde se resolverán problemas ou cuestións relacionados coa materia e/ou se exporán traballos realizados polos alumnos.
- Tutorias en grupos moi reducidos onde se resolverán as posibles dúbidas expostas polos alumnos.

Sistema de evaluación
1. O alumno non será avaliado se non asiste polo menos ao 80% das clases presenciais de carácter obrigatorio: seminarios e tutorías. As ausencias deberán estar debidamente documentadas. A falta non xustificada a unha ou máis prácticas implicará o suspenso da materia.
2. A avaliación consistirá en duas partes:
2.1) Avaliación continua (EC), que consta á súa vez de:
i. Exercicios entregados ao profesor (Ex_entr= 20%)
ii. Traballo nas tutorías (Tut= 5%)
iii. Outros: participación e resolución de cuestións nas clases expositivas (Outros= 5%)

2.2) Exame final (EF= 70%)
O alumno deberá obter polo menos un 4 sobre un total de 10 puntos na nota do exame final para que poidan computar na nota final.
Nota Final= Máximo (Nota EF, 0,7xNota EF 0,3xNota EC)

3. Os alumnos que non superen a materia na oportunidade ordinaria (xaneiro) poderán presentarse á oportunidade de recuperación (xullo). A nota da avaliación continua manterase.

Tempo de estudo e traballo persoal
Horas presenciais:
28 horas teóricas
6 horas seminarios en grupos reducidos
2 horas tutorías en grupos moi reducidos

Horas non presenciais:
50,5 horas de dedicación á preparación da materia teórica
16 horas dedicadas a escritura de exercicios, conclusións e outros traballos
10 horas preparación de presentacións e elaboración de exercicios

Recomendacións para o estudo da materia
Asistencia ás actividades propostas, levar a materia ao día e utilizar as tutorías para resolver as dúbidas.