Saltar ao contido principal
Inicio  »  Centros  »  Escola Universitaria de Traballo Social

Escola Universitaria de Traballo Social

Escola Universitaria de Traballo Social

Enderezo

San Martiño Pinario. Praza da Inmaculada, 5, 2º
15704 Santiago de Compostela

Correo electrónico: secretaria@euts.es
Fax: 981574607
Teléfono: 981583586

Ir á Web propia

Benvida

BREVE HISTORIA DA E.U. DE TRABALLO SOCIAL

A Escola Universitaria de Traballo Social de Santiago de Compostela ten as súas orixes na Escuela de Asistentes Sociales fundada no ano 1957 polo Padre Francisco Gómez Fernández. A súa personalidade xurídica foi ostentada pola Escuela de Enseñanza Social de Galicia ata 1999. A partir dese ano pasa a depender da Fundación Santiago Apóstol de Ciencias Sociales, entidade declarada de interese galego e de interese docente. A Escola está adscrita á Universidade de Santiago de Compostela dende o ano 1983.

Como todos os centros privados non subvencionados, réxese por un réximen económico particular e independente dos prezos e taxas da Universidade á que está adscrita.

A Escola dá especial importancia á formación práctica do alumnado; ésta realízase fundamentalmente no curso de 4º por medio do PRACTICUM. Éste desenvolvese intensivamente durante o segundo cuadrimestre, no que se incorporan os alumnos e alumnas a institucións e/ou centros de servizos sociais baixo a responsabilidade dun traballador social e a supervisión permanente dun profesor/a da Escola que os titoriza de xeito individualizado, asesorándoos no seu primeiro contacto coa realidade social nun ámbeto profesional e facendo o seguimento do Informe Final do Practicum. A distribución en centros de prácticas por toda Galicia do alumnado amplía as posibilidades de ofrecerlles o sector ou ámbeto da súa preferencia, e permite un vínculo permanente entre o mundo profesional e o académico

Ao finalizar os estudios, de catro anos de duración, obtense o título de GRADUADO/A EN TRABALLO SOCIAL pola Universidade de Santiago de Compostela.

A presente guía pretende ser unha ferramenta de información académica, describindo aqueles aspectos e caracteristicas da titulación e do Centro onde se imparte, que poidan ser de utilidade aos alumnos da E.U. de Traballo Social. Deste xeito pretende tamén que o estudiante, no momento de matricularse, poida adquirir unha idea inicial e global do funcionamento do Centro.

Benvidos
O Equipo de Dirección
Graos
Másteres
    1º e 2º ciclo (en extinción)