Grao en Veterinaria - G2091V01 - 2013/2014

Denominación do título: Grao en Veterinaria

Rama de coñecemento: Ciencias da Saúde

Centro onde se imparte:
Facultade de Veterinaria
Avda. Carballo Calero s/n.
27002
Lugo

Data da autorización de implantación do título pola Xunta de Galicia: 16/9/2010

Data de publicación no BOE: 3/3/2011

Data da última acreditación: 30/06/2010

Responsable do título:

Coordinador do título: Fernández de Trocóniz Revuelta, Patricia

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: tempo completo / tempo parcial
• Linguas de uso: Castelán Galego Inglés

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Publicación en BOE

Memoria da titulación

Obxectivos

 O control da hixiene, a inspección e a tecnoloxía da produción e elaboración de alimentos de consumo humano, desde a produción primaria ata o consumidor.
 A prevención, diagnóstico e tratamento individual ou colectivo, así como a loita contra as enfermidades dos animais, sexan considerados estes individualmente ou en grupo, particularmente no caso das zoonose.
 O control da cría, manexo, benestar, reprodución, protección, e alimentación dos animais, así como a mellora das súas producións.
 A obtención, en condicións excelentes e economicamente rendibles, de produtos de orixe animal e a valoración do seu impacto ambiental.
 Coñecemento e aplicación das disposicións legais, regulamentarias e administrativas en todos os ámbitos da profesión veterinaria e da saúde pública, comprendendo as implicacións éticas da saúde nun contexto mundial en transformación.
 Desenvolvemento da práctica profesional con respecto a outros profesionais da saúde, adquirindo habilidades relacionadas co traballo en equipo, co uso eficiente dos recursos e coa xestión de calidade.
 Identificación de riscos emerxentes en todos os ámbitos da profesión veterinaria.

Competencias xerais

 Capacidade de aprendizaxe e adaptación.
 Capacidade de análise e síntese.
 Coñecementos xerais sobre a área de traballo.
 Planificación e xestión do traballo.
 Capacidade de aplicar os coñecementos na práctica.
 Capacidade de traballar de forma autónoma e en equipo.
 Habilidade para traballar nun contexto internacional.
 Liderado, iniciativa e espírito emprendedor.
 Capacidade de comunicarse en distintos ámbitos.
 Compromiso ético e asunción de responsabilidades.

Competencias específicas

 Un coñecemento suficiente das ciencias nas que se fundamentan as actividades dos/as veterinarios/as;
 Un coñecemento suficiente da estrutura e das funcións dos animais sans, da súa crianza, reprodución e hixiene xeral, así como da súa alimentación, incluída a tecnoloxía aplicada na fabricación e conservación dos alimentos que responden ás súas necesidades;
 Un coñecemento suficiente do comportamento e protección dos animais;
 Un coñecemento suficiente das causas, da natureza, do desenvolvemento, dos efectos, dos diagnósticos e do tratamento das enfermidades dos animais, sexan considerados individualmente ou en grupo; entre elas, un coñecemento especial das enfermidades transmisibles ao home;
 Un coñecemento suficiente do medicamento preventivo;
 Un coñecemento suficiente da hixiene e a tecnoloxía na obtención, fabricación e posta en circulación de alimentos animais ou de orixe animal destinados ao consumo humano;
 Un coñecemento suficiente das disposicións legais, regulamentarias e administrativas relativas ás materias antes citadas;
 Unha experiencia clínica e práctica suficiente realizada baixo adecuada supervisión.

Saídas profesionais

Estes tres elementos: a medicina dos animais, a produción e rendabilidade dos mesmos e a seguridade a través dunha correcta inspección dos alimentos, son as competencias da profesión veterinaria.
No caso particular da Facultade de Veterinaria de Lugo, a titulación permite a o/a estudante iniciarse nas áreas e campos de investigación referentes á:
a) Biomedicina e sanidade animal
b) Desenvolvemento agropecuario
c) Desenvolvemento agroalimentario
d) Recursos mariños e acuicultura
e) Investigación en ciencias básicas
f) Protección medioambiental
g) Seguridade Alimentaria e Saúde Pública

A regulamentación profesional veterinaria vixente inclúe a Directiva Comunitaria 36/2005/EC e a Lei 44/2003 (BOE de 22/11/2003) de Ordenación das Profesións Sanitarias, así como a proposta 2002/0061 (COD) do Parlamento Europeo, relativa ao recoñecemento de cualificacións profesionais do veterinario e o Documento Marco da Federación de Veterinarios Europeos (FVE/00/011) sobre a estrutura profesional.
Ademais, a OMS recoñece ao veterinario como profesional sanitario e a FAO como profesional agrario, sendo, polo tanto, moi numerosas as competencias profesionais específicas dun veterinario na sociedade actual:
1- MEDICINA VETERINARIA: Diagnóstico, pronóstico, tratamento, e prevención das enfermidades que afectan aos animais domésticos, de experimentación, exóticos, silvestres e salvaxes, así como a saúde, cría e benestar dos mesmos. Inclúense igualmente todos aqueles perfís médicos que se centran na saúde individual, tales como a identificación, a etología, o control sanitario, e a prevención de zoonose.
2- PRODUCIÓN E SANIDADE ANIMAL: Cría e saúde das especies de produción, en relación cos distintos aspectos do control, manexo, xestión e asesoramento tanto ao gandeiro como ás empresas dedicadas á produción de alimentos e á explotación de recursos terrestres, mariños ou fluviais de orixe animal. Este perfil engloba tamén o diagnóstico, o tratamento e a prevención das enfermidades dos animais de produción, o estudo epidemiolóxico das enfermidades animais e zoonose, así como o deseño de políticas sanitarias, a análise de riscos e a identificación do gando. Do mesmo xeito, comprende a tipificación e comercialización de produtos de orixe animal, o control do movemento dos animais e do impacto ambiental das producións animais, e todos aqueles aspectos relacionados coa obtención de produtos gandeiros destinados ao consumo humano e a elaboración de alimentos destinados ao consumo animal, así como todas aquelas implicacións económicas que estes procesos puideran ter.
3- HIXIENE, SEGURIDADE E TECNOLOXÍA ALIMENTARIA: O control da cadea de produción dos alimentos, entendendo como tal un proceso continuo que abarca desde a produción primaria ata o seu subministro ao consumidor, asegurando a trazabilidade. Do mesmo xeito, contémplase o asesoramento ás empresas ou establecementos alimentarios, a implantación de boas prácticas de elaboración e manipulación de alimentos, a posta en práctica de programas de autocontrol e a formación do persoal manipulador dos mesmos. Dentro deste perfil, inclúese ademais o control da entrada de produtos animais, hortofrutícolas ou alimentos elaborados procedentes de terceiros países, co fin de previr
toxinfeccións alimentarias e zoonose, así como todas aquelas actividades profesionais que garantan a calidade e salubridade dos alimentos.
4- OUTROS: A actividade de o/a veterinario/a desenvólvese tamén noutros sectores profesionais tales como o manexo e a xestión de núcleos zoolóxicos, de fauna silvestre e cinexética, de espazos naturais e de animalarios. Tamén poderá levar a cabo o seu labor na realización, desenvolvemento e xestión de I+ D+ I no sector público ou na industria químico-farmacéutica e agroalimentaria, así como no ámbito
medioambiental, no desenvolvemento de proxectos de cooperación con outros países, en laboratorios de análises, na docencia e educación sanitaria, e en todos aqueles ámbitos para os que puidese estar cualificado/a pola súa formación.
De acordo ás devanditas competencias, o/a veterinario/a convértese nun elemento crave no entramado sanitario e agrario de calquera sociedade, podendo desenvolver o seu traballo en diferentes niveis do sector público, é dicir, na Unión Europea, na Administración Xeral do Estado, nas Comunidades Autónomas, e nas Entidades Locais, ou ben no sector privado, xa sexa de forma autónoma ou formando parte dunha estrutura empresarial.

Créditos totais:

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Os estudantes poderán obter ata un máximo de 12 créditos optativos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (1) linguas estranxeiras; (2) lingua galega, e (3) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

A normativa da USC que regula estes recoñecementos é:

 Acordo CG do 4 de xullo de 2008: http://www.usc.es/sxa/normativa/ficheros/XA0635.PDF
 Resolución Reitoral do 5/5/2009 (procedemento): http://www.usc.es/sxa/normativa/ficheros/XA0677.PDF
 Resolución reitoral 21/12/2009 que modifica o anexo I do acordo do CG de 4 de xullo de 2008: http://www.usc.es/sxa/normativa/ficheros/XA0700.PDF

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Veterinaria [pdf - 1052 kb][Actualizado: 7/10/10]

Número de prazas de novo ingreso: 110

Demanda do ano anterior: 8.9 nota de corte en preinscrición curso 2012-2013

Perfil de ingreso: O perfil de ingreso propio da titulación é o dunha persoa que teña interese polas cuestións relacionadas coas Ciencias da Saúde en xeral, e polas Ciencias Veterinarias en particular, e cunha sensibilidade especial cara ao mundo animal, a súa medicina, produción e a saúde pública, enfocada desde o punto de vista veterinario, coas correspondentes repercusións na especie humana. Así mesmo, debe estar interesado, ou mostrar inquietude, polo mundo agrario en todas as súas vertentes, incluíndo a do seu desenvolvemento, e cara a todos os ámbitos sociolaborais e sectoriais nos que se desenvolve a Profesión Veterinaria.
Aínda que non son obrigatorios os coñecementos específicos previos, recoméndase ter coñecementos básicos previos correspondentes a un nivel de 2º de Bachiller na opción de Ciencias da Saúde, sendo o ideal un/a estudante en cuxa formación inclúa as seguintes materias: Bioloxía, Matemáticas, Física e Química.

Criterios de acceso e admisión: Os xerais para as titulacións de grao.
Non se contemplan condicións nin probas de acceso especiais.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos

Non se contemplan condicións nin probas de acceso especiais

Información sobre o curso ponte: Non se contempla.

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Ao traballo Fin de Grao asígnaselle unha extensión de 6 ECTS seguindo os mínimos fixados na ORDE ECI/333/2008, cunha presencialidade do/a estudante do 15%. Os/as estudantes poderán inscribirse para a realización do Traballo de Fin de Grao unha vez superados, na súa totalidade, un mínimo de 245 ECTS (95%) dos créditos correspondentes a materias obrigatorias e básicas (258 ECTS). Para non atrasaren a gradación dos estudantes que reúnan os requisitos, a Facultade ofertará traballos de fin de Grao para a súa realización en ambos os semestres.

Prácticas en empresas: Prácticas Tuteladas
Prográmanse un total de 24 ECTS en prácticas tuteladas obrigatorias seguindo os mínimos fixados na ORDE ECI/333/2008, cunha presencialidade do/a estudante do 85%, distribuídas en 3 disciplinas:
- Rotatorio clínico hospitalario: 5 ECTS en rotatorio clínico polos diferentes servizos do Hospital Veterinario Universitario Rof-Codina, cunha avaliación final de competencias, equivalente ás 100h de Estancias que actualmente desenvolven os/as estudantes no Hospital.
- Estancias clínicas: 10 créditos ECTS de estancia en clínicas externas ou desenvolvendo actividade investigadora clínica en veterinaria, cunha avaliación final de competencias.
- Estancias non clínicas: 9 créditos ECTS de estancia en granxas de produción de animais de consumo, plantas piloto, matadoiros, laboratorios de ámbito veterinario, industrias agroalimentarias e con profesionais dos Servizos Veterinarios Oficiais, cunha avaliación final de competencias.
Tal e como ocorre coas Estancias do actual título de Licenciado en Veterinaria na Universidade de Santiago de Compostela, a Comisión de Docencia da Facultade elaborará o Regulamento das prácticas tuteladas para a súa organización, que será sometido á aprobación da Xunta de Facultade.
Prácticas Externas Optativas
Os alumnos poderán ver recoñecidos un máximo de 6 créditos optativos pola realización de prácticas externas recoñecidas no art. 12.6 do Real decreto 1393/2007.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: -
• Taxa de éxito 10-11: 71.4
• Taxa de éxito 11-12: 73.8
• Taxa de rendemento 09-10: -
• Taxa de rendemento 10-11: 63.2
• Taxa de rendemento 11-12: 66.8
• Taxa de eficiencia 09-10: Dispoñible a partir do curso 2013-14
• Taxa de eficiencia 10-11: Dispoñible a partir do curso 2013-14
• Taxa de eficiencia 11-12: Dispoñible a partir do curso 2013-14
• Taxa de graduación 09-10: Dispoñible a partir do curso 2014-15
• Taxa de graduación 10-11: Dispoñible a partir do curso 2014-15
• Taxa de graduación 11-12: Dispoñible a partir do curso 2014-15
• Taxa de abandono09-10: Dispoñible a partir do curso 2014-15
• Taxa de abandono10-11: Dispoñible a partir do curso 2014-15
• Taxa de abandono11-12: Dispoñible a partir do curso 2014-15
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: -
• Resultados enquisas 10-11: 5.03 (rango de valoración entre 1 e 7)
• Resultados enquisas 11-12: 3.62 (rango de valoración entre 1 e 5)