Programa de Doutoramento en Investigación Básica e Aplicada en Ciencias Veterinarias - E2061V01 - 2013/2014

Denominación do título: Programa de Doutoramento en Investigación Básica e Aplicada en Ciencias Veterinarias

Código RUCT:

Código ISCED:

Centro responsable organización: Escola de Doutoramento Internacional

Coordinador/a do programa: BOTANA LOPEZ, LUIS MIGUEL

Web propia do programa:

Datas aprobación e publicación do programa:

• Autorización implantación Xunta de Galicia:
• Publicación BOE: 
• Publicación DOG: 
• Última acreditación: 

Periodicidade da oferta:

Réxime de estudos:

Linguas de uso:

Titulación interuniversitaria: Non

Contexto

O Programa de Doutoramento en Investigación Básica e Aplicada en Ciencias Veterinarias, propón unha formación avanzada e especializada no corpo de coñecementos conceptuais, procedimentais e técnicos que permitan desenvolverse axeitadamente no ámbito das ciencias biomédicas. Este Programa caracterízase pola súa interdisciplinariedade, abranguendo áreas básicas, aplicadas e clínicas. Conta coa participación de diferentes grupos de investigación que desenvolven a súa actividade na Facultade de Veterinaria. Na Comunidade Autónoma de Galicia, cun perfil agrogandeiro tan importante dende o punto de vista socioeconómico, a proposta de integrar a investigación básica e aplicada en veterinaria, xunto coa práctica clínica, redundará nunha maior calidade dos servizos asistenciais, de diagnóstico e de asesoramento que se prestan na actualidade e nunha mellor, e máis rápida, implantación dos avances científicos na prevención, diagnóstico e tratamento de enfermidades. Posto que é ben coñecido o uso de animais na experimentación biomédica, chegando a ser considerados, incluso, como modelos de enfermidades humanas, é moi recomendable a iniciación de calquera investigador/a nestas ciencias, no coñecemento básico e aplicado que se ofrece nesta proposta.

Perfil de ingreso

Perfil de ingreso sen complementos de formación: - De xeito xeral os estudos de Máster que permitirán o ingreso a este Programa de Doutoramento sen complementos de formación serán: • Másteres ofertados pola USC na rama de Ciencias da Saúde • Outros Másteres da rama de Ciencias como o Máster en Acuicultura e o Máster en Bioloxía Mariña, así como os Másteres equivalentes ofertados por outras Universidades. • Máster en Ciencias do Mar. - Estudantes co título de DEA obtido a través dos programas "Investigación Básica e Aplicada en Ciencias Veterinarias" na USC ou noutros programas da área de Ciencias da Saúde. Outros perfís: - No caso doutro tipo de perfís diferentes aos anteriores, a Comisión Académica avaliará de xeito individualizado cada caso. Considerarase a posibilidade de esixiles complementos de formación (como máximo ata 15 ECTS).

Criterios de admisión

Os estudantes que reúnan os requisitos de acceso e admisión poderán solicitar a admisión no programa de doutoramento, para o cal establecerase un prazo de preinscrición. A devandita solicitude presentarase no lugar que sinale a convocatoria. No caso de que sexa necesario aplicar criterios de selección específica por elevada demanda, aplicaranse os seguintes criterios: - Expediente académico ….80% - Grado de adecuación das competencias formativas previas do alumno ao perfil do Programa de Doutoramento….10% - Outros méritos curriculares ….10%

Calendario de preinscrición e matrícula

http://www.usc.es/gl/perfis/estudantes/matricula/doutoramento.html

Resultados:
Vicerreitoría de Responsabilidade Social e Calidade