G3051327 - Fundamentos de Ordenación do Territorio (Ordenación do Territorio) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 32.00
• Clase Interactiva Seminario: 16.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Xeografía
• Áreas: Análise Xeográfica Rexional
• Centro: Facultade de Xeografía e Historia
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
PIÑEIRA MANTIÑAN, MARIA JOSE.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIS_01	Ordinario	Clase Interactiva Seminario	SI	NON
Grupo /TI-ECTS01	Ordinario	Horas de Titorías	SI	NON
Grupo /TI-ECTS02	Ordinario	Horas de Titorías	NON	NON
Grupo /TI-ECTS03	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Obxectivos da materia
1. Coñecer a vertente planificadora dos estudios espaciais e territoriais, o carácter aplicado da Xeografía como disciplina que, entre outras, pode plantexar a Ordenación do Territorio.
2. Aproximarse tamén ao significado da Ordenación do Territorio como conxunto de políticas públicas tendentes a unha mellor xestión dos recursos dunha área ou rexión, á corrección de desequilibrios da mesma e á provisión de servizos públicos en igualdade de condicións ao conxunto dos cidadáns.
3. Dominar os fitos básicos na historia da Ordenación do Territorio desde o New Deal e a política rexional de Roosevelt ate os plans urbanísticos e de reequilibrio rexional da postguerra e os novos modelos do presente.
4. Estar familiarizado coa terminoloxía propia da Ordenación como as Directrices, os Plans Territoriais Parciais ou os plans sectoriais de incidencia territorial
5. Manexar con claridade as distintas escalas relevantes para a Ordenación, da nacional á supralocal. A importancia de escala como condicionante dos documentos ordenadores.
6. Diferenciar sen dificultades as compoñentes dos documentos de Ordenación, a información ordenadora e a cartografía temática da planificación.
7. Fixar os obxectivos de definición dunha política ordenadora integral, baseada na nova cultura do territorio.
8. Aplicar os coñecementos adquiridos nos cursos previos do Grao á realización de prácticas de simulación en Ordenación do Territorio, entendida como sinónimo da actual Xeografía aplicada.

Contidos
1. A Ordenación do Territorio e o seu duplo significado: como disciplina científica das ciencias interesadas polo territorio e como conxunto de políticas públicas.
2. Presentación histórica dos principais fitos da Ordenación desde o período de entreguerras
3. Ordenación do Territorio e Urbanismo: coincidencias e diverxencias
4. As directrices e os plans de Ordenación. Unha tipoloxía básica
5. As escalas relevantes da Ordenación do Territorio: un achegamento a partir da situación actual
6. Por unha nova cultura do territorio, as prioridades das políticas ordenadoras nos comezos do século XXI

Bibliografía básica e complementaria
-Deyon, P. et Frémont, A. (2000): La France et l´amenagement de son territoire (1945-2015). Dexia, Éditions Locais de France. Paris
-Folch, R. (Coord.) (2003): El territorio como sistema. Conceptos y herramientas de ordenación. Diputaciò de Barcelona. Barcelona.
-Hildebrand Scheid, A. (1996): Políticas de Ordenación del Territorio en Europa. Universidad de Sevilla y Consejería de Obras Públicas y Transporte de la Junta de Andalucía. Sevilla.
-Mazón, T. (1997): Introducción a la planificación urbana. Ed. Aguaclara. Alicante.
-Moya González, L. (Ed..) (1994): La práctica del planeamiento urbanístico. Ed.. Síntesis. Madrid.
-Pujadas, R. y Font, J. (1998): Ordenación y planificación territorial. Ed. Síntesis. Madrid.
-Rodríguez Gutiérrez, F. (Ed.) (1999): Manual de Desarrollo Local. Ed. Trea. Gijón.
-Tarroja, A. y Camagni, R. (Coords.) (2006): Una nueva cultura del territorio. Criterios sociais y ambientales en las políticas y el gobierno del territorio. Ed.. Diputaciò de Barcelona. Barcelona.

Competencias
1. Comprender a dimensión planificadora da Xeografía a partir dos instrumentos de Ordenación do Territorio
2. Manexar a cartografía e a planimetría máis representativa da Ordenación Territorial nas súas diferentes escalar
3. Saber diferenciar os documentos e obxectivos da Ordenación a escala supralocal do planeamento urbanístico
4. Desenvolver a análise crítica dos documentos de Ordenación e Planificación territorial. Aprender a sintetizar os principais obxectivos contidos nos mesmos.
5. Manexar as lendas e as gamas de cores necesarias para poder confeccionar algún mapa ou plano inicial dun documento de Ordenación
6. Ter capacidade de consultar calquera normativa de Ordenación e as modificacións ulteriores que se produciron na mesma
7. Utilizar con certa soltura os soportes informáticos (Autocad e SIG) que conteñan a información dun documento urbanístico
8. Utilizar distintos exemplos de provisión de servizos públicos e equipamentos á poboación como práctica ordenadora concreta
9. Xestionar unha axenda onde se clasifiquen os documentos de planificación segundo a súa escala, o seu contido e a documentación cartográfica que conteñen
10. Realizar unha primeira práctica de análise e diagnóstico territorial, de cara a formular unha proposta introductoria de documento de planificación.

Metodoloxía da ensinanza
Os contidos da materia exporanse en clases de contido teórico, clases interactivas e titorías, que deberán plantexarse para a realización de traballos prácticos individuais ou de grupo, fundamentais no desenvolvemento da materia.
Sistema de evaluación
A avaliación do rendemento académico do alumno terá en conta dous xeitos complementarios de traballo. Por unha banda, a realización dun exame ao final do cuatrimestre, onde se pregunte sobre os conceptos e as ideas básicas da Ordenación explicadas en clase. Esta avaliación de carácter teórica nunca superará o 50% da nota final. Por outra, a realización dun pequeno traballo práctico (preferentemente individual), de contido bibliográfico orientado á planificación, que servirá para medir a capacidade de desenvolver capacidades ordenadoras por parte do alumno. Este traballo poderá ser exposto en clase ou presentarse por escrito. O seu valor será igual ou levemente superior ao 50% da materia.
Tempo de estudo e traballo persoal
A materia ten unha carga de traballo persoal de 150 horas (6 ECTS), entre clases presenciais e actividades non presenciais.
Recomendacións para o estudo da materia
Con carácter xeral, recoméndase aos alumnos contemplar cada materia como aspecto particular dunha cuestión global, neste caso a ordenación e a planificación territoriais. De feito, insistirase nos distintos procesos, etapas e puntos de vista que pode plantexar un achegamento á problemática ordenadora, tanto como disciplina encargada de dar unha saída aplicada ao coñecemento xeográfico e urbanístico, como un conxunto de políticas públicas tendentes ao reequilibrio territorial e a conquerir a xustiza espacial.