G3051342 - Turismo e desenvolvemento territorial (Materias optativas) - Curso 2013/2014

Información

• Créditos ECTS
• Créditos ECTS: 6.00
• Total: 6.0
• Horas ECTS
• Clase Expositiva: 32.00
• Clase Interactiva Seminario: 16.00
• Horas de Titorías: 3.00
• Total: 51.0

Outros Datos

• Tipo: Materia Ordinaria Grao RD 1393/2007
• Departamentos: Xeografía
• Áreas: Xeografía Humana
• Centro: Facultade de Xeografía e Historia
• Convocatoria: 2º Semestre de Titulacións de Grao/Máster
• Docencia e Matrícula: null

Profesores

Nome	Coordinador
SANTOS SOLLA, XOSE MANUEL.	SI

Horarios

Nome	Tipo Grupo	Tipo Docencia	Horario Clase	Horario exames
Grupo /CLE_01	Ordinario	Clase Expositiva	SI	SI
Grupo /CLIS_01	Ordinario	Clase Interactiva Seminario	SI	NON
Grupo /TI-ECTS01	Ordinario	Horas de Titorías	SI	NON
Grupo /TI-ECTS02	Ordinario	Horas de Titorías	NON	NON

Programa

Existen programas da materia para os seguintes idiomas:

Castelán

Galego

Inglés

Obxectivos da materia
Entender a componente espacial do turismo. Ademais dun fenómeno económico ou cultural, o turismo é unha actividade cunhas implicacións territoriais moi evidentes na medida na que modifica estruturas previas e moitas veces dá lugar a novas lóxicas espaciais.
O estudante deberá coñecer algunhas nocións básicas dos estudos turísticos. Despois desta introdución centraremos o obxecto de análise na identificación das diferentes tipoloxías de implantación turística sobre o territorio coa finalidade de comprender distintas formas de transformación e modificación deses territorios.
Finalmente mudaremos o foco para os instrumentos e ferramentas existentes para a ordenación dos espazos turísticos. O alumno/a deberá coñecelos e valoralos posto que son fundamentais nos procesos de ordenación e xestión dos destinos turísticos, independentemente da súa natureza.

Contidos
1.-Nocións básicas de turismo
2.-Tipoloxías de espazos turísticos
2.1 Turismo urbano
2.2 Turismo no espazo rural
2.3 Turismo de litoral
3.-Instrumentos para a xestión de destinos turísticos


Bibliografía básica e complementaria
BLANQUER, D. (Dir), (2002): Ordenación y gestión del territorio turístico. Valencia: Tirant lo Blanc
BOYER, M. (2003): História do turismo de massa. Bauru: EDUSC
CALLIZO, J. (1991): Aproximación a la geografía del turismo. Madrid: Síntesis
HALL, M. (2001): Planejamento turístico. São Paulo: ed. Contexto
IVARS, J. (2002): Planificación turística de los espacios regionales en España. Madrid: Síntesis
JIMÉNEZ, A. (1993): Turismo, estructura y desarrollo. México: McGraw Hill
MOLINA, S. (1997): Turismo, metodología para su planificación. México: Trillas
SHARPLEY, R. e TELFER, D. (Ed), (2002): Tourism and Development. Clevedon: Channel View
URRY, J. (2002): The Tourist Gaze. Londres: Sage. 2ª ed.
VERA, J., (Coord.), (2011): Análisis Territorial del Turismo y Planificación de Destinos Turísticos. Valencia: Tirant Lo Blanch

Competencias
-Entender a importancia da variable territorial nos estudos turísticos
-Comprender que o turismo é moito máis que un conxunto de empresas e que esta actividade ten unhas implicacións territorias evidentes
-Coñecer a existencia de múltiples tipoloxías de espazos turísticos e a complexidade e diferenza dos mesmos
-Valorar o papel que pode e debe desenvolver a xeografía na xestión dos destinos turísticos
-Saber utilizar as distintas ferramentas e instrumentos de planificación na xestión dos destinos turísticos

Metodoloxía da ensinanza
A impartición da parte teórica da materia inevitablemente terá que ser baseándose na tradicional clase maxistral, aínda que en todo momento se fomentará e valorará a participación activa do alumnado. Procuraranse desenvolver clases nas que se combine a transmisión de coñecementos co apoio das tecnoloxías da información e comunicación que faciliten ese proceso de adquisición e fixación de saberes.
Polo que respecta ás aulas interactivas o seu contido estará centrado fundamentalmente na análise de textos e nos estudos de caso que sirvan para reforzar e fixar os coñecementos adquiridos na parte expositiva da materia. A participación activa do estudantado será moi importante.

Sistema de evaluación
O exame terá un valor do 60%
Os traballos a realizar nas clases interactivas valerá o 30%. O profesor valorará con puntuación negativa cada práctica que non se entregue.
A participación activa, a colaboración e a dinamización no desenvolvemento das aulas o 10%
Será obrigatoria a asistencia ás titorías presenciais segundo o formato que se concrete na aula.

Será necesario que nos dous primeiros items a nota mínima que se alcance en cadansua valoración sexa dun 3’5 sobre 10. No caso de suspender a materia a nota das partes aprobadas, se as houbese, non se gardará para a seguinte convocatoria. A ponderación será a mesma na proba ordinaria que na extraordinaria

Proporase unha saída de campo, dependendo do financiamento existente, que será obrigatoria e que sumará como parte do 30% das aulas interactivas, restando valor no caso de non xustificar a inasistencia.

En caso de dispensa solicitada oficialmente por un estudante será igualmente obrigatoria a entrega das prácticas previa consulta de datas co profesor. Os criterios de avaliación serán os mesmos incorporando o 10% de participación activa ao valor do exame escrito.
Tempo de estudo e traballo persoal
- 32 horas teóricas presencias na aula.
-16 horas de docencia interactiva con presencia na aula
-3 horas de titorías presencias no despacho do profesor
- 3 horas semanais (media) para estudo, lecturas e traballo coas fontes e interpretación de resultados, traballo de campo e titoría do traballo persoal.

Recomendacións para o estudo da materia
- Ler a bibliografía básica.
- Ler os artigos indicados que se correspondan coas prácticas marcadas.
- Identificar claramente as dúbidas e consultalas.
- Ler de xeito habitual os xornais, especialmente algúns artigos relacionados coa materia e comentalos.
- Utilizar dicionarios de termos xeográficos para dominar a linguaxe específica e para acostumarse á precisión e á concreción.
-Asistir asiduamente ás clases. Lémbrase que é unha obrigación