G5011123 - Introdución á Linguaxe Cinematográfica (Historia do Cinema e Outras Artes Audiovisuais) - Curso 2013/2014
Información
- Créditos ECTS
- Créditos ECTS: 6.00
- Total: 6.0
- Horas ECTS
- Clase Expositiva: 32.00
- Clase Interactiva Seminario: 16.00
- Horas de Titorías: 3.00
- Total: 51.0
Outros Datos
- Tipo: Materia Ordinaria Grao RD 1393/2007
- Departamentos: Historia da Arte
- Áreas: Historia da Arte
- Centro: Facultade de Xeografía e Historia
- Convocatoria: 2º Semestre de Titulacións de Grao/Máster
- Docencia e Matrícula: Primeiro Curso (1º 1ª vez)
Profesores
| Nome | Coordinador |
|---|---|
| FOLGAR DE LA CALLE, JOSE MARÍA. | SI |
| Nogueira Otero, Xose. | NON |
Horarios
| Nome | Tipo Grupo | Tipo Docencia | Horario Clase | Horario exames |
|---|---|---|---|---|
| Grupo /CLE_01 | Ordinario | Clase Expositiva | SI | SI |
| Grupo /CLE_02 | Ordinario | Clase Expositiva | SI | NON |
| Grupo /CLIS_01 | Ordinario | Clase Interactiva Seminario | SI | NON |
| Grupo /CLIS_02 | Ordinario | Clase Interactiva Seminario | SI | NON |
| Grupo /CLIS_03 | Ordinario | Clase Interactiva Seminario | SI | NON |
| Grupo /CLIS_04 | Ordinario | Clase Interactiva Seminario | SI | NON |
| Grupo /TI-ECTS01 | Ordinario | Horas de Titorías | SI | NON |
| Grupo /TI-ECTS02 | Ordinario | Horas de Titorías | SI | NON |
| Grupo /TI-ECTS03 | Ordinario | Horas de Titorías | NON | NON |
| Grupo /TI-ECTS04 | Ordinario | Horas de Titorías | NON | NON |
| Grupo /TI-ECTS05 | Ordinario | Horas de Titorías | NON | NON |
| Grupo /TI-ECTS06 | Ordinario | Horas de Titorías | NON | NON |
| Grupo /TI-ECTS07 | Ordinario | Horas de Titorías | NON | NON |
| Grupo /TI-ECTS08 | Ordinario | Horas de Titorías | NON | NON |
| Grupo /TI-ECTS09 | Ordinario | Horas de Titorías | NON | NON |
Programa
Existen programas da materia para os seguintes idiomas:
Obxectivos da materia
- Conseguir que o alumnado adquira o axeitado coñecemento dos elementos constitutivos da linguaxe e práctica cinematográficas (desde o estadio da preprodución ata o da posprodución), así como o dominio do seu sentido.
- En segundo termo, reflexionar verbo das peculiaridades da gramática cinematográfica fronte á linguaxe audiovisual desenvolvida noutros soportes (televisión, vídeo...).
- Para rematar, avanzar propostas cara á análise do filme.
Contidos
1. O cinema: trazos definidores e pluralidade de perspectivas no seu estudo. Metodoloxía da materia. Ferrmantas a utilizar.
2. A elaboración dun filme.
2.1. O proceso de preparación: Produción e Guión.
2.2. A Rodaxe. Os elementos do plano cinematográfico: escala do encadramento, angulación, movementos de cámara e iluminación. O traballo co Espazo e co Tempo.
2.3. A Montaxe e o proceso de Posprodución (sonorización, trucaxes).
2.4. A(s) Difusión(s) do filme.
3. Peculiaridades da linguaxe cinematográfica fronte á televisiva e videográfica.
4. A análise do filme. A nosa proposta.
Bibliografía básica e complementaria
Básica:
-JOLY, M.: "Introduçao à análise da imagem". Ediçoes 70, 2004. -KONIGSBERG, Ira: Diccionario Técnico de Cine. Madrid, Akal, 2004. -MARTIN, M.: "El lenguaje del cine. Iniciación a la estética de la expresión cinematográfica a través del análisis sistemático de los procedimientos fílmicos". Gedisa, 1992. -ROMAGUERA I RAMIÓ, J.: "El lenguaje cinematográfico". Ediciones de la Torre, 1999. -SCOTT, J.: "El cine, un arte compartido". Eunsa, 1979. -VV.AA.: "Iniciación ao audiovisual". Consorcio do Audiovisual/Xunta de Galicia, 2004.
Complementaria:
-ALTMAN, R.: "Los géneros cinematográficos". Paidós, 2000. -AUMONT, J./BERGALA, A./MARIE, M./VERNET, M.: "Estética del cine. Espacio fílmico, montaje, narración, lenguaje". Paidós, 1989. -BALLÓ, J.: "Imágenes del silencio. Los motivos visuales en el cine". Anagrama, 2000. -CASETTI, F.: "Teorías del cine (1945-1990)". Cátedra, 1994. -CASSETTI, F./DI CHIO, F.: "Cómo analizar un film". Paidós, 1991. -CHION, M: "El cine y sus oficios". Cátedra, 1992. -MARZAL FELICI, J./GÓMEZ TARÍN, F.J. (eds.): "Metodologías de análisis del film". Edipo, 2007. -SÁNCHEZ-BIOSCA, V.: "Teoría del montaje cinematográfico". Filmoteca de la Generalitat Valenciana, 1991. TRUFFAUT, F.: "El cine según Hitchcock". Alianza, 1990. -ZUNZUNEGUI, S.: "Pensar la imagen". Cátedra, 1989. -ZUNZUNEGUI, S.: "Paisajes de la forma. Ejercicios de análisis de la imagen". Cátedra, 1994.
Competencias
- Acceder á especificidade da expresión cinematográfica dentro do conxunto de manifestacións artísticas contemporáneas.
- Coñecer e distinguir os diferentes modelos de representación fílmica.
- Comprender o cinema non só como manifestación estética, senón tamén histórica, sociolóxica e industrial.
- Poñer en relación o cinema coas restantes manifestacións artísticas e literarias (procesos de retroalimentación).
- Dominar a linguaxe cinematográfica de cara ao posterior estudo doutras materias pertencentes a este eido.
Metodoloxía da ensinanza
A materia contempla a nova estrutura do Grao. Dada a súa peculiar natureza, non existe unha diferenzación propiamente dita entre horas teóricas e prácticas. Por outras palabras, a dinámica da ensinanza é de carácter teórico-práctico: á exposición de cada un dos elementos (produtivos, artísticos, lingüísticos) e das súas correspondentes manifestacións ou posibilidades, segue o visionado e análise na aula dun ou varios exemplos. As sesións expositivas do programa combinaranse con aqueloutras (interactivas, titoriais) nas que o protagonismo corresponde aos alumnos, quen intentan poñer en práctica os coñecementos adquiridos de cara á avaliación contínua e mais á posterior realización do exercizo escrito. Complementariamente -sempre que é posible-, realízanse visitas a rodaxes cinematográficas (ou televisivas) para que os alumnos poidan coñecer 'in situ' a súa infraestrutura e dinámica de traballo.
Sistema de evaluación
Deseñouse a partir de tres apartados complementarios:
a) O seguemento da asistencia e actividades desenvolvidas polo alumno nos distintos tipos de sesións contemplados no Grao (20% da cualificación).
b) A realización dun exercizo escrito ao remate do curso que ten un carácter práctico: consiste na análise, desde determinados puntos de vista (dando prioridade ao lingüístico), dunha curtametraxe ou dunha serie de fragmentos pertencentes a diversos filmes (40% da cualificación).
c) A elaboración dun traballo, de carácter obrigatorio, que os alumnos abordarán despois da división nunha serie de equipos. Cada un deles deberá escoller un filme para proceder á análise dos seus distintos elementos. O obxectivo desta actividade é o de complementar os aspectos teóricos e prácticos do programa desenvolvidos na aula, debendo reflexionar sobre o aprendido, profundar nos conceptos e ser quen de aplicalos aos textos fílmicos. Daquela, a realización destes traballos concíbese como unha Actividade Academicamente Dirixida nas sesións titoriais de seminario. No decurso do cuadrimestre que abrangue a materia, esas sesións coñecen dúas fases (40% da cualificación):
- Primeira. Determinación do filme para analizar e razóns da súa escolla, así como estruturación do traballo e mais dos obxectivos concretos que cada membro do grupo deberá priorizar na construción da análise; a partir de aí comeza un proceso de orientación (bibliográfica, filmográfica) encamiñado a surtir os alumnos das necesarias ferramentas teórico-prácticas de cara á abordaxe do traballo.
- Segunda. As reunións entran nunha nova fase concibida en dúas vertentes que se complementan de xeito progresivo: a resolución de dúbidas ou debates no seo dos equipos verbo da dirección escollida para o achegamento a determinadas secuencias ou partes dos filmes, por unha banda; e, pola outra, o seguemento do proceso de redacción do texto.
Nota importante: a cualificación dos traballos só se sumará á da proba escrita no caso de que o alumno acade unha puntuación mínima de 1.75 puntos nesta última. De non ser así, deberá presentarse á segunda oportunidade da proba (a cualificación do traballo manteráselle).
Sistema de recuperación da avaliación:
- Aqueles alumnos que non asistisen ás clases, desenvolvesen prácticas nin realizasen o traballo, deberán presentar o traballo alomenos UNHA SEMANA ANTES da oportunidade correspondente para poder aspirar a un 80% da cualificación total. De non facelo así, non poderán acadar a cualificación de Aprobado.
- Canto aos alumnos que teñan desenvolvido ao longo do curso as actividades arriba referidas e aínda así non cheguen ao Aprobado, realizarán un novo exercizo escrito na seguinte oportunidade, manténdoselles as cualificacións das devanditas actividades.
Tempo de estudo e traballo persoal
Ademais das horas presenciais contempladas no plano de estudos, 3 horas semanais para o estudo da materia impartida, a realización de actividades e mais a elaboración do traballo en grupo.
Recomendacións para o estudo da materia
Dadas as características xa expostas respecto da materia e do exame, cómpre a asistencia regular ás clases, máxime tendo en conta o feito de que moitos alumnos amósanse moi pouco familiarizados coa historia e características específicas do medio cinematográfico. Unha asistencia que, asemade, devén un complemento imprescindible para a realización das actividades de avaliación contínua e mais a elaboración dos traballos. Neste sentido, as prácticas de análise adoitan resultar de moita utilidade para complementar o desenvolvemento da materia de cara a enfrontar a realización do exame.