Grao en Historia - G5021V01 - 2013/2014

Denominación do título: Grao en Historia

Rama de coñecemento: Artes e Humanidades

Centro onde se imparte:
Facultade de Xeografía e Historia
Praza da Universidade, nº 1
15782
Santiago de Compostela

Data da autorización de implantación do título pola Xunta de Galicia: D. 385/2009 do 27 agosto (DOG 16/09/09)

Data de publicación no BOE: BOE do 5 de marzo de 2010

Data da última acreditación: 22/06/2009

Responsable do título:

Coordinador do título: Monterroso Montero, Juan M

Condicións da docencia:

• Periodicidade da oferta: anual
• Tipo de ensinanza: Presencial
• Réxime de estudo: presencial
• Linguas de uso: Castelán Galego

Título interuniversitario:Non

• Universidade coordinadora: Universidade De Santiago De Compostela
• Universidades participantes:

Profesorado da titulación

Plan de estudos publicado en BOE

Memoria do título

Obxectivos

1.- Proporcionar un coñecemento racional e crítico do pasado da humanidade a fin de comprender o presente.
2.- Contribuír ao recoñecemento crítico da diversidade histórica e cultural
3.- Contribuír á inculcación de actitudes de tolerancia e respecto polos puntos de vista que se derivan de tradicións históricas e culturais.
4.- Educar nos valores da igualdade, a paridade de xénero e a non discriminación, a través do coñecemento da loita por estes valores nos diferentes momentos históricos.
5.- Contribuír ao desenvolvemento dunha conciencia cívica.
6.- Proporcionar un coñecemento preciso dos acontecementos e dos procesos de cambio e de continuidade nunha perspectiva diacrónica.
7.- Adquirir un coñecemento básico dos principais métodos, técnicas e instrumentos de análises:
a. Explicar o pasado desde o estudo dos seus restos, arqueolóxicos, documentais ou artísticos:
b. Ordenar, organizar, definir ou sintetizar a información de fontes documentais, arqueolóxicas ou bibliográficas:
c. Analizar os procesos sociais históricos e contemporáneos: comprender ou explicar problemáticas humanas e ofrecer solucións.
d. O obxectivo final é formar pensadores da conduta humana en sociedade.

Competencias xerais

a.- Coñecer e analizar a estrutura diacrónica da historia
b.- Usar, ordenar e interpretar as fontes históricas
c.- Coñecer e ter habilidade para usar os instrumentos de recompilación de información, tales como catálogos bibliográficos, inventarios de arquivos, e referencias electrónicas
d.- Coñecer e usar métodos e técnicas doutras ciencias humanas

Competencias específicas

a.- Coñecer, analizar e transmitir a historia xeral e a historia propia do territorio
b.- Coñecer e interpretar a historia como disciplina en construción
d.- Coñecer e analizar os temas e problemáticas obxecto de debate historiográfico
e.- Conciencia crítica da relación entre as dimensións social, económica e institucional do pasado
f.- Coñecemento das principais claves explicativas das sociedades do pasado (clase, etnia, xénero)
g.- Comprender, interpretar e elaborar textos historiográficos ou documentos orixinais na propia lingua
h.- Analizar e interpretar o rexistro arqueolóxico

Saídas profesionais

A principal saída laboral dos titulados en Historia é a docencia, aínda que destacan ademais o traballo arqueolóxico e o relacionado con arquivos e bibliotecas.

Créditos totais: 240.00

Condicións de terminación

Transferencia e recoñecemento de créditos:

Recoñecemento de créditos: consiste na aceptación por unha universidade dos créditos que foron obtidos nunhas ensinanzas oficiais, na mesma ou noutra universidade, e que son computados noutras ensinanzas distintas para os efectos da obtención dun título oficial.
Transferencia de créditos: implica que nos documentos académicos oficiais acreditativos das ensinanzas seguidas por cada estudante se incluirán a totalidade dos créditos obtidos en ensinanzas oficiais cursadas con anterioridade, na mesma ou noutra universidade, que non teñan conducido á obtención dun título oficial.
A USC regula estas dúas figuras na seguinte normativa publicada na web:

Normativa de transferencia e recoñecemento de créditos

Os estudantes poderán obter ata un máximo de 12 créditos polo recoñecemento das actividades contempladas no artigo 12.8 do RD 1393/2007 e das competencias transversais da USC. Considéranse competencias transversais para todas as titulacións de Grao da USC o coñecemento instrumental de (i) linguas estranxeiras; (ii) lingua galega, e (iii) tecnoloxías da información e da comunicación.. En todo caso o máximo de créditos recoñecibles polas actividades do artigo 12.8 do RD 1393/2007 será de 6.

Adaptacións: A adaptación da anterior titulación está regulada polas resolucións reitoriais:

Resolución de adaptación ao Grao en Historia [pdf - 1209 kb][Actualizado: 7/10/10]

Ampliación da resolución de adaptación ao Grao en Historia [pdf - 142 kb][Actualizado: 7/10/10]

Corrección da táboa de adaptacións (5/09/2011) [pdf - 434 kb][Actualizado: 9/9/11]

Número de prazas de novo ingreso: 100

Demanda do ano anterior: 6.02 nota de corte en preinscrición curso 2012-2013

Perfil de ingreso: Aínda que non se esixe ningunha formación previa específica, para o ingreso no grao en Historia, recoméndase que a formación do alumno sexa de perfil humanístico (R.D. 1467/2007, BOE do 6 de novembro, polo que se establece a estrutura do bacharelato e fíxanse as ensinanzas mínimas).

Criterios de acceso e admisión: Os xerais para as titulacións de grao.
Aínda que non se esixe ningunha formación previa específica recoméndase que a formación do alumnado sexa de perfil humanístico.

Número mínimo de créditos ECTS de matrícula por estudante e período lectivo: 1.- O alumnado de primeiro curso por primeira vez a tempo completo ten que matricular 60 créditos.
Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos
3.- A permanencia estará supeditada á superación do 50% dos créditos matriculados nos tres primeiros anos de estudos consecutivos ou alternos

Información sobre o curso ponte: Non se contempla

Calendario de preinscrición e de matrícula: Cada ano establécese un calendario para a matrícula en estudos de grao e máster na USC, que comeza en xullo e remata en outubro. Cando estea aprobado este calendario (arredor do mes de maio) poderás consultalo nesta web. Como orientación, podes consultar o calendario do curso actual na Oficina de Información Universitaria.

Para iniciar estudos en titulacións de grao con límite de prazas, os alumnos de Galicia que rematan o ensino medio deben realizar Probas de Acceso, organizadas por unha comisión mixta entre a Xunta de Galicia e as tres universidades galegas. Tales probas convócanse e realízanse nos meses de xuño e setembro. Podes consultar o calendario para este proceso na Oficina de Información Universitaria.

Oficina de información universitaria

Criterios de suspensión do título: Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Traballo Fin de Grao/Máster: Os alumnos e alumnas poderán inscribir o traballo de fin de grao unha vez superados 150 créditos, entre eles todos os da primeira metade da titulación. Para non atrasar a gradación do estudantado que reúnan os requisitos, a Facultade ofertará traballos de Fin de Grao para a súa realización en ambos os dous cuadrimestres.

Prácticas en empresas: Os alumnos poderán realizar prácticas externas optativas. Recoñeceranse 6 créditos optativos.

Plan de Acción Titorial:

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Mobilidade: A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Normas de permanencia: O Consello Social da Universidade de Santiago de Compostela (USC) aprobou a normativa de permanencia para os estudos oficiais de grao e máster nesta institución mediante acordo tomado na súa sesión do 5 de xuño de 2012.
Esta normativa recolle aspectos fundamentais da vida académica como son: os tipos de matrícula (a tempo completo e tempo parcial), o réxime de permanencia (os requisitos de aproveitamento esixibles para a continuidade dos estudantes na Universidade), o réxime de convocatorias, a regulación do progreso académico (nº máximo de créditos en que poden matricularse, obriga de matricular materias suspensas de cursos anteriores, requisitos para a inscrición e superación dos traballos fin de grao).

Pódese consultar a normativa completa nesta ligazón:

Normativa de permanencia USC

Normas de avaliación: O Consello de Goberno da USC aprobou na súa sesión do 15 de xuño de 2011 a Normativa de avaliación do rendemento académico dos estudantes e de revisión de cualificacións.
Nesta normativa recóllese o compromiso da Universidade de realizar unha oferta académica anual, elaborada coa intervención dos departamentos, centros e comisións académicas dos másteres. Nela indícase o contido mínimo das guías docentes das materias, os criterios e sistemas de avaliación e a súa publicidade, a regulación das probas de avaliación e o seu proceso de revisión e reclamación, así como a posibilidade de establecer un sistema de apoio titorial extraordinario en determinadas condicións.

O texto completo da norma pode consultarse en:

Normativa de avaliación

Resultados:

• Duración media dos estudos 09-10: Información en proceso de actualización
• Duración media dos estudos 10-11: Información en proceso de actualización
• Duración media dos estudos 11-12: Información en proceso de actualización
• Taxa de éxito 09-10: 91.3
• Taxa de éxito 10-11: 90.0
• Taxa de éxito 11-12: 88.4
• Taxa de rendemento 09-10: 83.4
• Taxa de rendemento 10-11: 80.5
• Taxa de rendemento 11-12: 77.2
• Taxa de eficiencia 09-10: Dispoñible a partir do curso 2012-13
• Taxa de eficiencia 10-11: Dispoñible a partir do curso 2012-13
• Taxa de eficiencia 11-12: Dispoñible a partir do curso 2012-13
• Taxa de graduación 09-10: Dispoñible a partir do curso 2013-14
• Taxa de graduación 10-11: Dispoñible a partir do curso 2013-14
• Taxa de graduación 11-12: Dispoñible a partir do curso 2013-14
• Taxa de abandono09-10: Dispoñible a partir do curso 2013-14
• Taxa de abandono10-11: Dispoñible a partir do curso 2013-14
• Taxa de abandono11-12: Dispoñible a partir do curso 2013-14
• Grao de inserción laboral dos/as titulados/as 09-10: Información en proceso de actualización
• Grao de inserción laboral dos/as titulados/as 10-11: Información en proceso de actualización
• Grao de inserción laboral dos/as titulados/as 12-13: Información en proceso de actualización
• Resultados enquisas 09-10: 4.76 (rango de valoración entre 1 e 7)
• Resultados enquisas 10-11: 4.97 (rango de valoración entre 1 e 7)
• Resultados enquisas 11-12: 3.71 (rango de valoración entre 1 e 5)