ConCiencia - Programa de divulgación científica 2013

Para referenciar esta páxina empregue o enderezo: http://www.usc.es/conciencia

O programa ConCiencia chega á súa oitava edición, na que recibirá as seguintes visitas:

Sir Anthony James Leggett

O programa ConCiencia, da USC e o Consorcio de Santiago, financiado pola Fundación Española para la Ciencia y la Tecnología - Ministerio de Economía y Competitividad, segue a consolidar o seu prestixio e a súa condición de referente na proxección pública da ciencia, circunstancia sinalada por varios participantes de edicións anteriores.

Entre os obxectivos desta iniciativa, cabe destacar:

1. A divulgación científica a cargo de figuras do máximo nivel internacional.
2. Proxecta-la imaxe da Cidade de Santiago de Compostela como foco universal do pensamento.
3. Servir de ponte para o reforzamento de contactos científicos entre líderes da máxima relevancia científica mundial e o corpo de investigadores da USC.

Estas bases diferencian o programa ConCiencia de calquera outra iniciativa de divulgación científica, posto que buscan, á marxe da clásica conferencia ou acto puntual, a rendibilización da visita destes Premios Nobel favorecendo o seu contacto con especialistas locais.