ÁREA DE FILOLOXÍA ITALIANA

A constitución da especialidade de Filoloxía Italiana foi aprobada o 6 de xuño de 1989 en Xunta de Facultade, ratificándose o 28 de xullo na Xunta de Goberno da Universidade de Santiago de Compostela. O 15 de setembro de 1989 pasa ao Consejo de Universidades, que homologa a devandita especialidade o 17de abril de 1990.

No ano académico 1989 - 1990 comezouse a impartir o primeiro curso para obter a licenciatura en “Filoloxía. Sección Filoloxía Románica (Italiano)”, titulación que foi mudando o nome, para adaptarse aos sucesivos planos de estudos. Actualmente, os estudos de Filoloxía Italiana están integrados no Grao en Linguas e Literaturas Modernas (consultar plano de estudos no apartado de Docencia).