Información Xeral

Definición

O Consello Social é o órgano de participación da sociedade galega nas universidades públicas que integran o sistema universitario de Galicia.  Impulsa a colaboración entre estas e aquela mediante a satisfacción polas universidades das necesidades do seu contorno e contribúe eficazmente ó desenvolvemento social, profesional, económico, tecnolóxico e cultural de Galicia, á mellora da calidade do servizo público da educación superior universitaria e mais á obtención dos recursos precisos para procurar a súa suficiencia económica e financeira.

Localización

Casa da Concha - Rúa da Conga, nº 1
15782 Santiago de Compostela (A Coruña) - España
Teléfonos: 881 813 442 / 881 812 900
Fax: 881 812 915
Correo electrónico: csocial@usc.es

Composición

O Consello Social está integrado por 27 membros:

1. 6 membros que representan á Universidade.  Son natos: o/a Reitor/a, o/a Secretario/a Xeral e o/a Xerente; escóllense entre os membros do Consello de Goberno: o/a representate do Persoal Docente e Investigador, o/a representante do Persoal de Administración e Servizos e o/a representante dos/ das estudantes.
2. 21 representantes dos intereses sociais:
   • o Presidente do Consello Social
   • 6 designados polo Parlamento de Galicia
   • 6 designados pola Xunta de Galicia
   • 2 designados polos sindicatos
   • 4 designados polas organizacións empresariais
   • 2 designados polas corporacións dos Concellos nos que se localizan os campus

Características

Os acordos adoptados polo Consello Social posúen executividade inmediata. O seu secretario, co visto e prace do presidente, remitiralle inmediatamente unha certificación dos acordos ao reitorado, así como a cantos órganos, servizos e dependencias da universidade garden relación competencial cos asuntos aprobados.

Competencias

• De relación entre a universidade e a sociedade
• De carácter económico, financeiro e patrimonial
• De supervisión das actividades universitarias e relativas á actividade do Consello Social