Medallas e distincións
De conformidade co artigo 161 dos Estatutos , son honras e distincións da Universidade de Santiago de Compostela as seguintes:
- A insignia de ouro da universidade.
- A medalla de ouro da universidade.
- O grao de doutor honoris causa
A concesión da insignia e da medalla de ouro regúlase polo Regulamento de Honras e Distincións da USC do 14 de marzo de 2008. A concesión do grao de doutor honoris causa regúlase polo Regulamento de concesión de doutoramentos honoris causa, aprobado polo Claustro Universitario o 21 de decembro de 2006 e modificado o 12 de xuño de 2007
A Universidade de Santiago Compostela tamén ten instituídas, para os efectos honoríficos, as distincións de
- Insignia Fonseca,
- Insignia de Mecenas e
- Colaborador de Honra da Universidade.
A Secretaría Xeral leva un Libro-Rexistro para cada unha das distincións ás que fai referencia este Regulamento e o artigo 166 dos Estatutos, sinalando a data de entrega e o receptor ou receptores. En cada un deles inscribiranse por orde cronolóxica as diferentes concesións. Este rexistro será público e estará custodiado polo secretario/a xeral.
Sen prexuízo do anterior a USC, de conformidade co artigo 3 do Regulamento de Honras e Distincións, a Secretaría Xeral pode facer públicas todas as distincións na súa sede electrónica.
- Doutores honoris causa da USC
- Medallas de Ouro da USC
- Insignia de ouro
- Insignia Fonseca
- Insignia de Mecenas da USC
- Colaboradores de honra da USC Medalla Fonseca
Membros da Comisión do Mecenado