Órganos de Goberno
Os estatutos da Universidade de Santiago de Compostela establecen o seu goberno en órganos colexiados e unipersoais.
1. Os órganos colexiados son: o Consello Social, o Claustro Universitario, o Consello de Goberno, a Xunta Consultiva, as xuntas de facultade e de escola, os consellos de departamentos, as xuntas de goberno e consellos científicos de institutos universitarios, e os órganos previstos nas normas reguladoras dos demais centros da universidade.
2. Os órganos unipersoais son o reitor, os vicerreitores e vicerreitores adxuntos, o secretario xeral, o xerente, os adxuntos a vicerreitor, os decanos e os directores de escola, os directores de departamento e de instituto universitario, os vicedecanos e secretarios de facultade, os subdirectores e secretarios de escola, os secretarios de departamento e de instituto e os previstos para os outros centros na súa normativa reguladora.