USC Internacional

As actividades de Cooperación Científica e Investigación entre España e os países iberoamericanos, da África Subsahariana e o Mediterráneo teñen como obxectivo reforzar a coordinación e coherencia da política de cooperación ao desenvolvemento coa política científica e tecnolóxica, facilitando sinerxías entre o Plan Director da Cooperación Española 2005-2008 e o Plan Nacional de Investigación Científica, Desenvolvemento e Innovación Tecnolóxica 2008-2011, co fin de impulsar e fomentar vínculos estables de investigación e docencia entre grupos de universidades e organismos científicos de España e Iberoamérica. Faise pública a convocatoria de axudas para a realización de proxectos conxuntos de investigación, proxectos conxuntos de docencia, accións complementarias e accións integradas para o fortalecemento institucional.

Proxecto de Cooperación Interuniversitaria (PCI)

A finalidade última deste programa é o reforzamento das institucións e estruturas que soportan o sistema de ciencia, tecnoloxía e innovación das mesmas, mediante a constitución, desenvolvemento e consolidación de redes estables de cooperación científica e de investigación, entre equipos conxuntos das Universidades e Organismos españois e outros países en áreas temáticas prioritarias para a cooperación bilateral de España con cada un deles.

En relación coas modalidades existentes ata agora, as principais modificacións na convocatoria do PCI 2009 serán as seguintes:

- A Modalidade A, Investigación, deberá a partir de agora vincularse a obxectivos de Desenvolvemento ben definidos e priorizados pola contraparte.

- A Modalidade B, Formación, dirixirase a programas formativos especializados, vinculados ás demandas e necesidades prioritarias definidas polos países socios.

- A Modalidade C, pasa a denominarse ACCIÓNS PREPARATORIAS, e irá dirixida a fomentar a movilidad e o intercambio de información para preparar proxectos de cooperación universitaria que resulten competitivos en calquera das outras modalidades da seguinte convocatoria do PCI.

- A Modalidade D, Accións Integradas para o Fortalecimiento Institucional, recibirá máis recursos que o ano anterior e poderá incluír becas vinculadas aos obxectivos do proxecto. Como obxectivos máis concretos, que serán tidos en conta para a adjudicación das Axudas nesta Modalidade, teranse en conta os seguintes:

• Mellora e modernización da xestión académica
• Fortalecimiento de grandes liñas de investigación e innovación científica
• Apoio a infraestructuras de uso xeral
• Bibliotecas e documentación
• Fomento das TIC e da formación a distancia
• Outros obxectivos de especial valor institucional

 Convocatoria PCI-2010