USC Internacional

As Cátedras Institucionais da USC son ámbitos especiais para a reflexión, o debate, o estudo e a investigación en todos os ámbitos académicos que xorden da necesidade de potenciar ao máximo a relación entre a comunidade universitaria e a súa contorna na procura de converterse nun importante foco de proxección da imaxe exterior da nosa Universidade.

O establecemento deste sistema de colaboracións entre a USC e as empresas, institucións e/ou padroados ten como finalidade o desenvolvemento e o incremento da oferta de actividades complementarias na procura dos obxectivos da docencia, a investigación, a transferencia do coñecemento así como servir de instrumento para a captación de recursos externos de cara á realización destas actividades.

A creación das Cátedras Institucionais da USC formalízase a través da firma dun convenio entre a USC e unha ou varias empresas, fundacións, institucións e/ou padroados que participarán no seu financiamento segundo os obxectivos xa sinalados e as condicións que se describen a continuación.

A iniciativa para a creación dás Cátedras da USC poderá corresponder, por unha banda, ao profesorado da Universidade (avalado por algún ámbito da estrutura orgánica da USC: Departamento, Facultade, Instituto), aos Departamentos, Centros ou Institutos Universitarios e, por outra banda, ás fundacións, empresas, padroados ou institucións alleas á Universidade.

Cátedras da USC

• Cátedra "Astrazeneca" de calidade asistencial en patoloxía cardiovascular
• Cátedra "Bolívar"
• Cátedra de Hidroloxía Médica, USC-Balnearios de Galicia
• Cátedra "Dr. Jaime Vera" de Emprendemento Social
• Cátedra "Jean Monnet" de dereito constitucional europeo
• Cátedra "Jean Monnet" de dereito da integración europea
• Cátedra "José Ángel Valente"
• Cátedra "Juana de Vega" de Formación e Investigación
• Cátedra "Valle-Inclán"
• Cátedra Institucional Pastora Campos Goldner para a Atención á Diversidade
• Cátedra Bancaja para mocidade emprendedora
• Cátedra de cultura cubana "Alejo Carpentier"
• Cátedra de Empresa Familiar 
• Cátedra Jonhson&Jonhson de promoción da Saúde Oral
• Cátedra de Medicina de Familia
• Cátedra UNESCO 226 sobre Migracións
• Cátedra UNESCO de cultura Luso-Brasileira
• Cátedra UNESCO de Innovación e Xestión da Cultura Emprendedora
• Cátedra UNESCO de Cultura de Paz e Dereitos Humanos