Identidade visual. Publicacións e documentación

Un estilo

O uso da función expresiva exercida pola imaxe e o seu estilo unificado busca cumprir coas esixencias de comunicación da USC e establecer a súa propia existencia con respecto a outras propostas.

O estilo debe responder á globalidade de mensaxes da USC, tanto públicas como privadas. O xeito de comunicarse constitúe a primeira imaxe, e a máis importante, que a sociedade recibe da realidade da USC.

Podemos considerar o estilo como unha serie de accións que deben reflectir a fisonomía e a identidade da USC. Accións organizadas e dirixidas ao interior da sociedade e do mercado con formas claramente perceptibles, coordinadas, flexibles e contemporáneas.

A necesidade de responder adecuadamente ás esixencias do mercado fai que o proceso de creación e mantemento da unidade de accións deba ser continuamente controlado en base principalmente a catro parámetros:

• a calidade
• o tempo
• o espazo
• os destinatarios

Só así se poderá crear un estilo persoal que exprese e represente todo o fluxo de comunicacións provenientes da USC, de xeito que o usuario, atopándose cun elemento da imaxe poida construír o estilo na súa globalidade.

Deseño unitario

O deseño unitario de todos os elementos básicos de comunicación permitirá ao lector:

• recoñecer á USC entre as varias manifestacións doutras propostas universitarias;
• subliñar gráfica e estilísticamente o momento histórico cultural no que a USC se posiciona;
• expresar de xeito simbólico o carácter da institución;
• remitir aos contidos internos e externos da USC.

A forza da imaxe

Neste sentdio é fundamental o uso de fotografías. Estas dan realismo e autenticidade ao documento sinalando un referente determinado. Só deste xeito o lector percibirá a información que se lle dá como real, chamará a súa atención e isto moverao a dar unha determinada resposta. A información non debe ser tan só contada senón mostrada.

O material fotográfico debe ser atentamente seleccionado. Só unha boa fotografía capta a nosa atención, implícanos e cóntanos unha historia.

Atopámonos acotío expostos a unha gran cantidade de información pero só unha parte dela permanece na nosa memoria e é obxecto da nosa atención. Principalmente aquela que responde a necesidades e anhelos do individuo. Neste sentido, as imaxes non só contextualizarán a información que se ofrece senón que, ademais, reflectirán os ideais do lector.

A todos os elementos incluidos neste apartado (agás a portada de Comunicacións do Consello de Goberno) aplicaráselles o logotipo da USC de usos xerais. Salvo por este aspecto, os exemplos recollidos neste apartado son soamente orientativos e non vinculantes.

A importancia do público receptor

A elección do material fotográfico farase en base ao público ao que nos dirixamos:

1. Estudantes e futuros estudantes. Estilo novo, desinhibido, dinámico, moi humanizado. O estudo non é incompatible coa diversión. O estilo debe transmitir a posibilidade de vivir na USC unha experiencia vital de especial intensidade.
2. Empresas. Perfil tecnolóxico. O estilo debe vincularse á tecnoloxía, ao dinamismo, á modernidade, á eficiencia, ás arquitecturas contemporáneas, aos laboratorios, ás TIC, etc.
3. Profesores e PAS. Personal interno. Estilo institucional e sobrio (é importante que os elementos de comunicación interna non suxiran que se están malgastando os recursos).
4. Sociedade. O estilo ten que equilibrar modernidade e tradición: un estilo institucional, pero con toques de modernidade. Buscar unha síntese entre o perfil humanizado da comunicación aos estudantes e o perfil tecnolóxico da comunicación ás empresas.

Tipografías corporativas

A tipografía que se recomenda para os elementos de identidade visual da USC é unha Sans Serif. Especialmente a "News Gothic BT Condensed" nas súas versións Normal, Bold, cursiva e non cursiva.

Folletos informativos/promocionais

O elemento básico informativo e promocional da USC é o folleto informativo.

O tamaño recomendado pola súa versatilidade e facilidade de ensobrado é o formato 10x21cm pechado.

No deseño recoméndase que o elemento frontal sexa preferentemente fotográfico, incluíndo na parte frontal o logotipo da USC e a entidade, departamento ou organismo emisor responsable da edición.

Na parte posterior colocarase o logotipo da USC e os enderezos ou datos de contacto que sexan precisos.

As características fundamentais desta proposta son:

• o uso da fotografía como principal recurso gráfico;
• un cadrado de 62x45 mm na cor azul corporativa como elemento de unidade entre a serie de folletos.

Folletos informativos/promocionais. Reverso.

Informes

Os informes publicados pola USC son tamén un importante elemento de imaxe e deben enmarcarse na identidade visual institucional a través do respecto aos seus elementos.

O rectángulo de cor pode cambiar a tonalidade para crear unha diferenza máis evidente entre os diferentes informes.

Comunicacións do Consello de Goberno

As comunicacións do Consello de Goberno son un elemento máis de imaxe e deben enmarcarse na identidade visual institucional a través do respecto aos seus elementos.

Portada As comunicacións do Consello de Goberno son un elemento máis de imaxe e deben enmarcarse na Identidade visual Institucional a través do respecto aos seus elementos.

Contraportada

Teses

As teses deben enmarcarse na identidade visual institucional a través do respecto aos seus elementos.

Modelo indicativo de como empregar o logotipo en teses.

Soportes dixitais

CD-ROM

Recoméndase que o deseño da documentación dixital manteña os dous elementos gráficos da identidade visual da USC:

• o rectángulo azul,
• e o elemento fotográfico.

DVD

Recoméndase que o deseño da documentación dixital manteña os dous elementos gráficos da identidade visual da USC:

• o rectángulo azul,
• e o elemento fotográfico.