Outras aplicacións do logotipo

Empregarase o conxunto de identidade adxunto para aqueles casos en que o logotipo deba acompañarse do nome dun organismo, departamento, facultade, vicerreitoría, sección, etc.

Ao lado do logotipo, coas dimensións especificadas nas pautas de construción sitúase o nome do organismo, centrado horizontalmente co cadrado azul.

Para o centrado considerarase como un só elemento todo o texto adxunto ao logotipo (independentemente das liñas que teña).

En caso de que a lonxitude da liña de texto supere o máximo establecido nas pautas de construción o texto separarase en dúas liñas. Neste caso prestarase especial atención a que na liña superior non quede colgando ningunha conxunción, contracción ou preposición que faga referencia ao texto da liña inferior. Neste caso optarase por pasar o elemento á segunda liña.

Establécense dous niveis de xerarquía nos textos:

• O primeiro nivel componse en Lucida Roman todo maiúsculas
• O segundo nivel componse en Lucida Roman maiúsculas e minúsculas

Para os dous niveis de xerarquía, os tamaños tipográficos son os establecidos nas pautas de construción e o interliñado automático.

Conxuntos de identidade. Construción

Ao lado do logotipo, coas dimensións especificadas nas pautas de construción sitúase o nome do organismo, centrado horizontalmente co cadrado azul.

Para o centrado considerarase como un só elemento todo o texto adxunto ao logotipo (independentemente las liñas que teña).

O tamaño (altura dunha liña) do nome da unidade será 0,12 veces o tamaño (X) do logotipo (ver pauta de construción).

A lonxitude máxima das liñas de texto establécense en 2,5 veces o tamaño do logotipo (ver pauta de construción).

Cando se trate dunha ou dúas liñas de texto todo maiúsculas (xerarquía de primeiro nivel) utilizaranse as relacións adxuntas entre o texto e o logotipo.

En caso de empregar dúas liñas de texto terase en conta o tamaño da tipografía proporcional con interliñado automático.

Cando se trate dunha ou dúas liñas de texto todo maiúsculas (xerarquía de primeiro nivel) acompañadas dunha ou dúas liñas de texto maiúsculas-minúsculas (segundo nivel) utilizaranse as relacións adxuntas entre os textos e o logotipo.

O espazo entre os dous niveis de xerarquía é o establecido nas pautas de construción.

O tamaño (altura dunha liña) do nome de unidade será de 0,12 veces o tamaño (X) do logotipo (ver pauta de construción).

En caso de empregar dúas liñas de texto terase en conta o tamaño da tipografía proporcional con interliñado automático.

Exemplos