Igualdade

A USC foi pioneira no establecemento dun organismo de igualdade na súa organización, adiantándose á normativa estatal vixente (LO 4/2007), coa creación da Oficina de Igualdade de Xénero en 2006. A Oficina ten como misión fundamental levar a bo termo o compromiso da USC coa sociedade na consecución da igualdade, asumindo o principio de igualdade de xénero como elemento fundamental da vida universitaria.

Tras a elaboración do primeiro diagnóstico da igualdade de xénero na USC, o I Plan de Igualdade da USC, para o período 2009-2011, empregouse como unha ferramenta para o logro da igualdade efectiva e a eliminación de todo tipo de discriminación, así como da conciliación da vida persoal, familiar e laboral e a corresponsabilidade.

Para a posta en marcha da elaboración do II Plan Estratéxico de Igualdade de Oportunidades entre Mulleres e Homes (PEIOMH), levouse a cabo a actualización do diagnóstico da situación da USC en materia de igualdade e a avaliación do grao de cumprimento do I PEIOMH (PDF), da que podemos destacar o seguinte:

Accións cumpridas no I PEIOMH (PDF):

• Todas as estatísticas e enquisas da USC desagregadas por sexo.
• Visibilización dos logros de igualdade no Xornal Electrónico da USC.
• Premios á introdución da perspectiva de xénero (na docencia e a investigación)
• Introdución da perspectiva de xénero no programa “A Ponte entre o ensino medio e a USC”.
• Guía de criterios de linguaxe non sexista.
• Cursos de formación en xénero para PDI e PAS.
• Celebración institucional do Día da Muller.
• Programa Woman Emprende.
• Servizo da Escola Infantil Breogán.
• Verán CampUSC (para fillos/as do persoal da USC)

• Avaliación do I PEIOMH [xls - 287 kb]

A USC conta, ademais, cos seguintes recursos que traballan en materia de xénero:

• Centro Interdisciplinario de Investigacións Feministas e de Estudos de Xénero (CIFEX)
• Woman Emprende. Muller Universitaria Emprendedora
• Seminario Muller e Universidade