Xestión social do coñecemento

• Xestión social do coñecemento a través da docencia
• Xestión social do coñecemento a través da investigación e transferencia

A xestión social do coñecemento xira entorno á calidade e pertinencia da docencia e a investigación desenvolvidas na USC. A formación de traballadores/as e investigadores/as, a investigación e a transferencia de coñecemento son funcións esenciais da universidade, e deben impulsar e difundir os novos coñecementos e desenvolvementos científicos garantindo a resposta ás necesidades e esixencias da sociedade. No ámbito docente, ademais, temos a responsabilidade de velar pola defensa dos dereitos do noso estudantado, procurando facilitar o seu aproveitamento do proceso de ensino-aprendizaxe e o seu acceso ao mercado laboral, de xeito tal que se converta nun dos instrumentos principais da universidade para a transmisión de coñecemento á sociedade.