Persoal

En primeiro lugar, compre caracterizar o capital humano da USC en base ao seu volume total, que da conta do seu peso específico no conxunto da organización, e á súa distribución por áreas de coñecemento, campus, xénero e idade, poñendo de manifesto a situación en materia de igualdade entre mulleres e homes e en materia de rotación do cadro de persoal.

• Persoal da USC [xls - 287 kb]
• Persoal da USC por campus [xls - 287 kb]
• Idade media do persoal da USC [xls - 287 kb]
• Persoal docente e investigador (PDI) da USC [xls - 287 kb]
• Número de PDI doutor/a [xls - 287 kb]
• Distribución do PDI por rama de coñecemento e sexo [xls - 287 kb]
• Comparación entre o nivel salarial máis baixo da USC e o salario mínimo interprofesional [xls - 287 kb]

En segundo lugar, o perfil do persoal das universidades ven definido tamén pola categoría profesional acadada. No caso do PDI, este ten que facer fronte a unha longa carreira docente e investigadora na que os resultados acadados no eido académico e científico determinan a súa consolidación nas diferentes categorías docentes previstas pola normativa. A composición do cadro de PDI da USC reflicte a súa gran cualificación e o esforzo por consolidar postos de traballo nas máis altas categorías da carreira docente.

Un indicador relevante para avaliar a cualificación investigador do PDI é o número de sexenios de investigación acadados. Este indicador computa os sexenios de investigación con que a Comisión Nacional Avaliadora da Actividade Investigadora recoñece os especiais méritos na actividade desenvolvida polo profesorado universitario e o persoal do CSIC, concedéndolles ata un máximo de 6 tramos de recoñecemento da súa investigación.

Por categorías, e en termos relativos ao PDI do SUG, a USC conta cunha clara superioridade nas categorías de maior nivel –Catedráticos/as de Universidade e Titulares de Universidade–, así como nas de Contratado/a Doutor/a e Axudante Doutor/a. No caso do PAS, atopamos tamén distintas categorías dentro do persoal laboral e funcionario, e a súa evolución reflicte o esforzo que se ven desenvolvendo na USC para promover a estabilización do PAS.

• Distribución do PDI por categorías e sexo [xls - 287 kb]
• Distribución do PDI por grandes áreas, categorías e sexo [xls - 287 kb]
• Distribución da porcentaxe de sexenios concedidos en función da categoría do profesorado [xls - 287 kb]
• Persoal de administración e servizos (PAS) por categorías e sexo [xls - 287 kb]
• Persoal de administración e servizos (PAS) laboral por categorías [xls - 287 kb]

É tamén relevante destacar a aposta da USC pola investigación e a promoción da carreira investigadora, reflectida no número de persoas contratadas con cargo a actividades de I+D e de bolseiras/os.

• Persoal con cargo a actividades I+D [xls - 287 kb]
• Persoal adicado a I+D [xls - 287 kb]

Pódese consultar tamén a evolución e detalle por título da porcentaxe de PDI a tempo completo con sexenios sobre o PDI a tempo completo con quinquenios que imparte docencia en cada título (graos (PDF) e másteres oficiais(PDF)) e da porcentaxe de PDI funcionario a tempo completo sobre o total de PDI a tempo completo que imparte docencia en cada título (graos (PDF) e másteres oficiais (PDF)).